Levitikɔs 19:36 - EBƆRƐ BE KAWƆL

³⁶ Men baa ta asɔ karga asɔ nɛ a daga a karga asɔ a sa basa. Ma e la Enyɛnpe, men be Ebɔrɛ na. Ma alɛ e lara menyi Ijipt be efuli so m ba.

Levitikɔs 19:36 ပူးပေါင်းရင်းမြစ်များ

1 Kronikɛls 23:29

Bumo koŋwule na e naaŋ naa keni bodobodo nɛ b ta n lara sarga n sa Enyɛnpe Ebɔrɛ na, nɛ nyifu nɛ b kɔ a lara sarga na nɛ ekrakashi nɛ a maaŋ kɔ yiisi na so, nsaa wora bodobodo nɛ baa ta n lara sarga na. Bumo koŋwule na e naa karga kusɔ kama, nsaa ta duwu nɛ asɔ warabi nɛ nyifu nɛ ɔlif be ŋku a wea abar to a wora asɔ ashi bɔrɛlambu na to.

Ɛksodɔs 20:2

“Ma e la Enyɛnpe Ebɔrɛ, men be Ebɔrɛ mo nɛ e lara menyi ashi Ijipt be kasawule so, kakpa nɛ men daa wɔ kenyaya to na.

Aŋasa 11:1

Enyɛnpe Ebɔrɛ kishi kapuni be kasɔkarga ga. Kasɔkarga nɛ k bɔla ekpa e naa fuli mbe kagbene.

Aŋasa 16:11

Kashenteŋ be kasɔkarga nɛ Enyɛnpe Ebɔrɛ bee sha. E maa sha kapuni be kayawuji.

Aŋasa 20:10

Enyɛnpe Ebɔrɛ kishi kapuni be kasɔkarga nɛ kapuni be asɔ karga asɔ ga.

Ezikɛl 45:10

A maŋ daga fanɛ men baa ta kapuni be asɔ karga asɔ fanɛ ekurwa nɛ b wuse amo be afito nɛ ebɔtɛ wurbi a karga asɔ wɔlso nɛ ekɔlba wurbi nɛ egalɔn wurbi a karga asɔ nɛ a la fanɛ ŋku nɛ nchu a sa basa.

Levitikɔs 11:45

Ma e la Enyɛnpe Ebɔrɛ nɛ n lara menyi ashi Ijipt be efuli so m ba nɛ m baa kaa la men be Ebɔrɛ, amoso men baa du cheembi, ŋkpal manɛ so, n du cheembi nna.

Levitikɔs 19:37

Men baa wora ma mbraana nɛ atande kikɛ kasonu, ŋkpal manɛ so, ma e la Enyɛnpe Ebɔrɛ na.”

Maika 6:11

Nuso nɛ meeŋ tiŋ n ta m paŋ bumo nɛ baa ta kapuni be ekurwa a ber asɔ a sa basa?

Zakareya 5:6

Nɛ m bishi mo: “Manɛ nna?” Nɛ e kaŋɛ ma: “K la kelantaŋɛ nɛ k yili n sa basa nɛ b wɔ kasawule so kikɛ be alubi nna.”