Levitikɔs 19:35 - EBƆRƐ BE KAWƆL

³⁵ Men sa maa ta kapuni be kasɔkarga be asɔ a karga asɔ a sa basa.

Levitikɔs 19:35 ပူးပေါင်းရင်းမြစ်များ

1 Kronikɛls 23:29

Bumo koŋwule na e naaŋ naa keni bodobodo nɛ b ta n lara sarga n sa Enyɛnpe Ebɔrɛ na, nɛ nyifu nɛ b kɔ a lara sarga na nɛ ekrakashi nɛ a maaŋ kɔ yiisi na so, nsaa wora bodobodo nɛ baa ta n lara sarga na. Bumo koŋwule na e naa karga kusɔ kama, nsaa ta duwu nɛ asɔ warabi nɛ nyifu nɛ ɔlif be ŋku a wea abar to a wora asɔ ashi bɔrɛlambu na to.

Aŋasa 11:1

Enyɛnpe Ebɔrɛ kishi kapuni be kasɔkarga ga. Kasɔkarga nɛ k bɔla ekpa e naa fuli mbe kagbene.

Aŋasa 16:11

Kashenteŋ be kasɔkarga nɛ Enyɛnpe Ebɔrɛ bee sha. E maa sha kapuni be kayawuji.

Aŋasa 20:10

Enyɛnpe Ebɔrɛ kishi kapuni be kasɔkarga nɛ kapuni be asɔ karga asɔ ga.

Ezikɛl 45:10

A maŋ daga fanɛ men baa ta kapuni be asɔ karga asɔ fanɛ ekurwa nɛ b wuse amo be afito nɛ ebɔtɛ wurbi a karga asɔ wɔlso nɛ ekɔlba wurbi nɛ egalɔn wurbi a karga asɔ nɛ a la fanɛ ŋku nɛ nchu a sa basa.

Levitikɔs 19:15

Men baa kɔ kashenteŋji nsaa ji asheŋ nɛ amo be ekpa so ashi men be demuji kikɛ to. Men sa maa kpɛa betirpo to ŋko a ŋana damawuraana.

Maika 6:1

Nu kusɔ nɛ Enyɛnpe Ebɔrɛ na yɛ e kɔ a gbiti Israɛlebi na. E yɛ: “Men niŋi to n ta men be asheŋ n nase abeegboŋana be anishito nseŋ shin nɛ abeebi e nu kusɔ nɛ men kɔ nɛ men kaŋɛ.

Matiu 7:2

Ŋkpal manɛ so, ekpa kama so nɛ menyee bɔla a wu abar be alubi na gbagba so nɛ Ebɔrɛ gba beeŋ bɔla n wu menyi be alubi nseŋ ber asɔ kanaŋkamaso nɛ menyee ber amo a sa men braana na gbagba chap n sa menyi.

Ditɛronɔmi 25:13

Men sa maa puni basa ashi menyi be kasɔkarga to, a ta asɔ nɛ a kɔr abar to a karga asɔ a sa basa nɛ beko e baa nya a chɔ beko, ashi menyi be kasɔfa nɛ kasɔto to.

Ditɛronɔmi 25:15

Men baa ta asɔ nɛ a daga a karga asɔ be egbɛ ŋko amo be kananɛ a sa, saŋɛ na so menyi beeŋ chena kasawule nɛ Enyɛnpe menyi be Ebɔrɛ na bee sa menyi na so n chɛr.