Levitikɔs 19:33 - EBƆRƐ BE KAWƆL

³³ Men sa maa mɛaŋ befɔ nɛ b chena men be kasawule so na.

Levitikɔs 19:33 ပူးပေါင်းရင်းမြစ်များ

Ɛksodɔs 22:20

Esa kama nɛ e lara sarga n sa kegbir kama m baŋ ma, Enyɛnpe Ebɔrɛ so, b mɔ mo.

Ɛksodɔs 22:21

Ade kikɛ be kaman, k maŋ daga fanɛ men be ekama e wora efɔ kulubi ŋko m mɛaŋ mo, ŋkpal manɛ so, menyi alɛ gba daa la befɔ nna ashi Ijipt be kasawule so.

Ɛksodɔs 23:9

Men sa maa mɛaŋ befɔ, ŋkpal manɛ so men nyi kananɛ kebaala efɔ du. Menyi alɛ gba daa la befɔ nna ashi Ijipt be kasawule so.

Jɛremaya 7:6

Men yige kebaapuni befɔ nɛ amunibi nɛ bekulpoche nɛ bekulponyɛn nseŋ naŋ yige kebaamɔ basa nɛ b maŋ wora shɛŋ ashi kasawule na so. Menyi alɛ e yige kagbirshuŋ, ŋkpal manɛ so, k beeŋ mur menyi.

Ezikɛl 22:29

Basa na baa wɔ kapuni nɛ kasuge be kebaawɔtɔ to nna. B wɔtɔ nna a kɔrfɛ betirpo nsaa puni befɔ, a mɔn bumo kashenteŋ ashi demuji to.

Ezikɛl 22:7

Menyi basa nɛ men wɔ kadegboŋ na to na maa sa men tutoana nɛ men nioana bunyaŋ. Menyee puni befɔ nna nsaa kɔrfɛ amunibi nɛ bekulpoche.

Malakai 3:5

Enyɛnpetale yɛ: “Mee ba nɛ m ba ji ŋkilgiwuraana nɛ basa nɛ baa ji kesakalea nɛ bumo nɛ baa ji efɛ be eshɛda nɛ bekama nɛ baa puni bumo be beshumpo kakɔka to na nɛ bumo nɛ baa tɔrɔ bekulpoche nɛ amunibi nɛ befɔ nɛ bumo nɛ b maŋ kɔ bunyaŋ n sa ma na demu.”

Ditɛronɔmi 24:14

Men sa maa puni betirpo nɛ menyeeŋ ber paa. B la Israɛl be basa ŋko befɔ nɛ menyi nɛ bumo chena abar so menyi be ndeana to gba, a daga fanɛ men baa ka bumo kukɔ nɛ k daga bumo nna.

Ditɛronɔmi 24:17

Men sa maa mɔn befɔ nɛ amunibi kusɔ nɛ k daga bumo kikɛ. Menyi alɛ e sa maa sɔ ekulpoche be kusɔbuuso a yili tarma pɔɛŋ nsaa sa mo mpaŋ.

Ditɛronɔmi 24:18

Men baa nyiŋi fanɛ men daa la anya ashi Ijipt be efuli so nna nɛ Enyɛnpe menyi be Ebɔrɛ na sɔ menyi n yige. Amoso nɛ mee sa menyi mbra ere na.

Ditɛronɔmi 27:19

Nɛ b naŋ kaŋɛ, “Ebɔrɛ be kɔnɔsho beeŋ ba esa kama nɛ e beeŋ mɔn befɔ nɛ amunibi nɛ bekulpoche kashenteŋ na ŋkpal basa nɛ b la so.” Nɛ basa nɛ b yil Ebal be kebee so na e kaŋɛ: ‘Amɛn!’