Levitikɔs 19:32 - EBƆRƐ BE KAWƆL

³² Men baa sa basakpar bunyaŋ nsaa maŋkura bumo. Men baa nu a sa ma bunyanso, ŋkpal manɛ so, ma e la Enyɛnpe Ebɔrɛ na.

Levitikɔs 19:32 ပူးပေါင်းရင်းမြစ်များ

Jɛnesis 31:35

Nɛ Reechel kaŋɛ mo tuto Leeban le: “Ebunyampo, jande, sa maŋ kaŋ nya agbo n wora ma ŋkpal ŋ ka maŋ niŋi to n yili fo anishito bunyanso so. N wora eyurpi nna so nɛ m maaŋ tiŋ n niŋi to na.” Ndoŋ nna nɛ Leeban keni ŋ keni kaplɛkama, ama e daa maŋ wu mbe laŋ to be agbir na.

Jɛnesis 48:12

E ka malga loŋ n loge na nɛ Josɛf maŋ mbia na so ashi mbe aya so nseŋ gbir mbe anishito ndoŋ ŋ kurgi kumu n yuu to.

1 Bewura 2:19

Ndoŋ nna nɛ Bɛshiba yɔ ewura Sɔlɔmɔn kutɔ nɛ e ya kaŋɛ mo kusɔ nɛ Adonija kaŋɛ na. Ewura Sɔlɔmɔn ka wu mo nio nɛ e koso n yili n chɔrɔ mo bunyaŋ so, nseŋ chena mbe kuwurputi so, n shin nɛ b ta kuwurputi ko malɛ m ba nase mbe jisoso nɛ mo nio chena so.

2 Bewura 17:36

Men baa bunyaŋ ma Enyɛnpe Ebɔrɛ nɛ m bɔla ma eleŋgboŋ so n lara menyi ashi Ijipt be efuli so na nsaa jɔŋɛ ma ase a lara esarga a sa n nawule.

Job be kawɔl 32:4

Elihu daŋ yige basa asa na nna nɛ b malga n sa Job ŋkpal e ka daa la kebibi bumo to so.

Job be kawɔl 32:6

nseŋ kaŋɛ bumo le: “N la kebifɔlbi nna nɛ menyi alɛ la basakpar, amoso nɛ n sa menyi bunyaŋ nsaa maŋ kaŋɛ menyi kusɔ nɛ mee fɛ na.

Aŋasa 16:31

Kumu fuful la kemankura be kuwurwuro nna, basa nɛ baa wora asheŋ niŋiso nawule e naa buu kumo.

Aŋasa 20:29

Mbifɔlbi be kemaŋkura e la bumo be eleŋ, nɛ benimu malɛ be kemaŋkura la bumo be emin fuful.

Aŋasa 23:22

Baa nu fo tuto be mmalga, mo e kurge fo. Sa maŋ kplaŋ fo nio so ashi mbe mbel to.

Aizaaya 3:5

Basa beeŋ baa kɔrfɛ abar. Mbifɔlbi maaŋ baa sa bumo be benimuana bunyaŋ. Basa jiga maaŋ naa bunyaŋ basa nɛ b daga bunyaŋ.

Nfabel 5:12

B pɛ anyi be bewuraana n ya chɛ efɔl; esa malɛ maa sa anyi be benimuana bunyaŋ.

Levitikɔs 19:14

Sa maŋ kaŋ shoduu kpawu ŋko n ta kusɔ ko n yili tanpo be ekpa to nɛ e ber kumo to. Men baa wora ma kasonu. Ma e la Enyɛnpe, men be Ebɔrɛ na.

Romebi 13:7

Amoso, men baa ka akɔ kama nɛ men ji bumo. Nɛ k la fanɛ menyi be amu so be lampo nna, men ka, nɛ kumo alɛ naa la fanɛ menyi be asɔ be lampo nna, men ka amo alɛ gba be kukɔ. Nɛ k naa la fanɛ bunyaŋ nna, men jɔŋɛ bumo ase m bunyaŋ bumo.

1 Timoti 5:1

Sa maŋ kaa ponte enyɛnnimu so, ama baa malga mo kutɔ a leŋ mo to fanɛ kananɛ feeŋ wora fo tuto kurgeso. Baa leŋ mbrantiɛbia to fanɛ kananɛ feeŋ wora fo sipoana gbagba.

1 Pita 2:17

Men baa sa basa kikɛ bunyaŋ nsaa sha bekurgepoana na kikɛ. Men baa ŋana Ebɔrɛ nsaa bunyaŋ men be efuli so be ewurgboŋ na.