Levitikɔs 19:31 - EBƆRƐ BE KAWƆL

³¹ Men sa maa yɔ basa nɛ baa tre abuniyoyu a kpal na kutɔ n ya kaa fin kepin asheŋ to, ŋkpal manɛ so, baaŋ shin nɛ men luri eyurpi to. Ma e la Enyɛnpe, men be Ebɔrɛ na.

Levitikɔs 19:31 ပူးပေါင်းရင်းမြစ်များ

2 Bewura 17:17

B daa ta bumo be mbia nna a chɔɔ a lara esarga nnyamase be agbir so nseŋ ki belejipo a kpal. Kusɔ nɛ Enyɛnpe Ebɔrɛ kishi na nɛ baa wora nɛ mbe agbo nyaŋɛ to.

2 Bewura 21:6

E daŋ ta mo gbagba pibinyɛn nna n lara sarga chɔɔso ashi ketaŋɛ nɛ baa tre Hinnɔm na to. E daa wora kegbaya nɛ ŋkilgisheŋ nna nsaa yɔ belejipoana kutɔ n ya ka kpal nsaa shuŋ bubuni gba a ti so. E daŋ wora alubi damta nna ŋ gbiti Enyɛnpe Ebɔrɛ n shin nɛ mbe agbo kaa ga.

2 Bewura 23:24

Ewura Josaya ka daa sha nɛ e bɛ mbra be kawɔl nɛ anebi Hilkiya wu Enyɛnpe Ebɔrɛ be bɔrɛlambu na to na be mmalga so so, e daŋ lara bekpalpo nɛ ŋkilgiwuraana nɛ basa be elaŋ to be agbirana nɛ agbir kikɛ ashi Juda nɛ Jerusalɛm to nna.

1 Kronikɛls 10:13

Sɔɔl ka daa maa ji kashenteŋ a sa Enyɛnpe Ebɔrɛ so nɛ e daŋ wu na. E daŋ kini kebɛ Ebɔrɛ be mbra so nna nsaa yɔ belejipo kutɔ n ya ka kpal.

2 Kronikɛls 33:6

E daŋ ta mbe mbia nna n lara sarga chɔɔso ashi ketaŋɛ nɛ baa tre Hinnɔm na to. E daa wora kegbaya nɛ ŋkilgisheŋ nna nsaa yɔ belejipo kutɔ n ya ka kpal nsaa shuŋ bubuni gba a ti so. E daŋ wora alubi damta nna ŋ gbiti Enyɛnpe Ebɔrɛ n shin nɛ mbe agbo kaa ga.

Ɛksodɔs 22:18

Eche kikɛ nɛ e kɔ kegba be ŋkilgisheŋ, b mɔ mo.

Aizaaya 29:4

Jerusalɛm beeŋ ki fanɛ kebuniyoyu ka wɔ nchaŋ to a wora ania nɛ e malga fanɛ ebɔl ka fɛa nseŋ shi kasawule to a malga nɛ k maa nu to na.

Aizaaya 47:13

Dra dra men daa yɔ basa nɛ baa keni achɛkpabi nsaa kaŋɛ kusɔ nɛ k beeŋ wora echefoso kufɔl kikɛ na kutɔ n ya kaa fin kasotoji, ama k maŋ chɛ menyi to. To, men ya bishi bumo kananɛ menyeeŋ wora n nya kumɔlga a laŋɛ kusɔ nɛ k bee shin nɛ k wora ere be kaplɛa so.

Aizaaya 8:19

Ama basa beeŋ kaŋɛ menyi fanɛ men yɔ bekpalpo nɛ belejipo nɛ baa gbar a jugeto na kutɔ n ya bishi so n nu abɔya nɛ a wɔtɔ. Baaŋ kaŋɛ le: “Basa bee yili bumo nɛ b wɔ ŋkpa to be katelamu to nna a bishi abɔya ashi ayoyu nɛ bubuni kutɔ.”

Levitikɔs 19:26

Men sa maŋ kaŋ ji eblaŋ nɛ ŋklaŋ kraa wɔ kumo to. Men sa maŋ kaa kpal ŋko a wora kegbaya be asheŋ kikɛ.

Levitikɔs 19:3

Men be ekama daga e sa mo nio nɛ mo tuto bunyaŋ, nseŋ ta Kewushiachɛ na kachɛ cheembi fanɛ kananɛ n yili n sa menyi na. Ma e la Enyɛnpe menyi be Ebɔrɛ na.

Levitikɔs 20:27

Esa kama nɛ e yɛ mo ere bee tiŋ a malga bubuni kutɔ a kpal nna, e daga fanɛ b kpa mo ajembu m mɔ nɛ mbe luwu be turju a baa bɛ mo.”

Ashuŋ Shunso 8:11

Saŋɛ nɛ e daŋ fara a wora emamachisheŋ ŋana so damta na daa maŋ taga to, amoso, b daŋ bugi bumo be asoe kikɛ nna n nu kusɔ kikɛ nɛ e daŋ kaŋɛ bumo.

Galeeshaebi 5:20

nɛ agbirshunsheŋ nɛ kegbaya nɛ kekishi nɛ nlusheŋ nɛ abar be asɔ be kebaayɛlga nɛ kanya agbo nɛ nfɛragboŋ be kebaafɛ nɛ amu be kebarga a wɔ ntuŋ so be kebaawɔtɔ.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”

1 Samuɛl 28:3

Samuɛl ka wu, nɛ Israɛlebi na kikɛ ba abar so m ba shu mbe keeli nseŋ ta mo n ya puli mbe kade to ashi Raama. Ndoŋ nna nɛ Sɔɔl ju bekpalpo nɛ belejipo kikɛ ashi Israɛl be kasawule so.