Levitikɔs 19:30 - EBƆRƐ BE KAWƆL

³⁰ Men baa ta Kewushiachɛ na fanɛ kachɛ cheembi nsaa sa kakpa nɛ baa shuŋ ma na bunyaŋ. Ma e la Enyɛnpe Ebɔrɛ.

Levitikɔs 19:30 ပူးပေါင်းရင်းမြစ်များ

2 Kronikɛls 33:7

E daŋ ta kegbir be kapɔrduli nna n yili bɔrɛlambu nɛ Ebɔrɛ kaŋɛ kumo be asheŋ le n sa ewura Deevid nɛ mo pibinyɛn ewura Sɔlɔmɔn na to. E yɛ: “Bɔrɛlambu ere to ashi Jerusalɛm nɛ n lara ashi Israɛl be efuli so kikɛ fanɛ b baa bunyaŋ ma kumo to mbaanaayɔ.

2 Kronikɛls 36:14

Ndoŋ nna nɛ Juda be basa nɛ bɔrɛmatapoana na wora alubi damta nɛ Ebɔrɛ kishi ga na. B daa shuŋ efuli pɔtɛana nɛ a chena m mata bumo na be agbirana nna, nsaa wora eyurpisheŋ a gbiti Enyɛnpe Ebɔrɛ be bɔrɛlambu cheembi nɛ k wɔ Jerusalɛm to na.

Nshɛ 89:7

Fo nɛ ekama bee ŋana ga ashi ebɔrɛso ndoŋ. Fo asheŋ malɛ bee keta kufu nsaa kɔ bunyaŋ ga a chɔ bekama nɛ b wɔ ebɔrɛso.

Ɛksodɔs 20:8

Men baa ta kewushiachɛ na fanɛ ma, Enyɛnpe Ebɔrɛ be kachɛ nɛ k du cheembi.

Kaŋinichiŋgeliŋ 5:1

Baa da asheŋ nɛ fee wora ashi Ebɔrɛ be lambu to so. Fee yɔ ndoŋ nna nɛ fo ya nu kusɔ nɛ beŋinipo bee ŋini, mannɛ keya lara kawuliso be sarga fanɛ bewulpo nɛ b maŋ nyi alubi nɛ alela be mbarga na.

Ezikɛl 9:6

Men ya mɔ benyɛnnimu nɛ mbrantiɛ nɛ besuŋgurbi nɛ bechekpar nɛ mbi wurbi kikɛ ama men sa maŋ beta ekama nɛ e kɔ ndulgi mbe kasɔto na. Men fara ma bɔrɛlambu to a mɔ a yɔ.” Nɛ b ta benimuana nɛ b daa wɔ bɔrɛlambu na be anishito na n fara.

Levitikɔs 10:3

Ndoŋ nna nɛ Mosis kaŋɛ Ɛɛrɔn: “Kusɔ nɛ Enyɛnpe Ebɔrɛ na daa de saŋɛ nɛ e daa malga fanɛ, bekama nɛ baa shuŋ mo daga b bɔla mbe kecheembiya so n sa mo bunyaŋ. Mo alɛ beeŋ shin nɛ mbe kemaŋkura a dii efuli ashi mbe basa to nɛ b bunyaŋ mo.” Ama Ɛɛrɔn daa maŋ kaŋɛ shɛŋ.

Levitikɔs 15:31

Ade kikɛ be kaman, nɛ Enyɛnpe Ebɔrɛ na naŋ kaŋɛ Mosis fanɛ e kpele Israɛl be basa na kusoe a laŋɛ bumo be eyurpisheŋ be kaplɛa so, saŋɛ na so b maaŋ ta eyurpi m pɛ wajɛbu nɛ k wɔ keeyi na be nferinto na. Nɛ b ta eyurpi m pɛ kumo, efuli na kikɛ beeŋ wu.”

Levitikɔs 16:2

“Kaŋɛ fo da Ɛɛrɔn fanɛ jemanɛ nɛ k daga nawule nɛ e beeŋ tiŋ n luri acheembiana to be kakpa cheembi nɛ k wɔ patisa na be kaman na to, ŋkpal manɛ so, ndoŋ nɛ mee bɔla kuwɔlpa nɛ k buu kɔnɔkoŋwule be ŋkre be deka na so a lara ma kumu a ŋini. Nɛ mannɛ aloŋ, e beeŋ wu.

Levitikɔs 19:3

Men be ekama daga e sa mo nio nɛ mo tuto bunyaŋ, nseŋ ta Kewushiachɛ na kachɛ cheembi fanɛ kananɛ n yili n sa menyi na. Ma e la Enyɛnpe menyi be Ebɔrɛ na.

Levitikɔs 26:2

Men baa ta Kewushiachɛ na fanɛ nchɛ cheembi nsaa sa kakpa nɛ baa shuŋ ma Ebɔrɛ na bunyaŋ. Ma e la Enyɛnpe Ebɔrɛ na.

Matiu 21:13

nseŋ kaŋɛ basa na le: “Abɔrɛsibɛ na bee kaŋɛ fanɛ Ebɔrɛ kaŋɛ: ‘Baaŋ tre ma kowu kabɔrɛkule be kakpa.’ Ama menyi ere ta kumo ŋ ki beyu be eŋanakpa.”

2 Kɔrintebi 6:16

Manɛ be ŋkre e wɔ Ebɔrɛ be lambu nɛ agbirana be nferinto? Ŋkpal manɛ so, anyi e la Ebɔrɛ nɛ e wɔ ŋkpa to na be lambu. Kumo be asheŋ nɛ Ebɔrɛ malɛ gba kaŋɛ na fanɛ: “Meeŋ baa wɔ bumo to nsaa na bumo to a la bumo be Ebɔrɛ nɛ bumo alɛ e baa la ma basa.

1 Pita 4:17

Demu be kejiachɛ na taga to, Ebɔrɛ malɛ be kowu to ebi to nɛ k bee fara. Nɛ k baŋ fara anyi to bre, nuso nɛ asheŋ beeŋ ba kaa du n sa basa nɛ b maa nu a sa Ebɔrɛ be baru lela na?