Levitikɔs 19:28 - EBƆRƐ BE KAWƆL

²⁸ Men sa maa wora ndulgi men be eyur so ŋko a ku nchule men be eyur so ŋkpal bubuni so. Ma e la Enyɛnpe Ebɔrɛ na.

Levitikɔs 19:28 ပူးပေါင်းရင်းမြစ်များ

1 Bewura 18:28

Amoso agbirwuraana na daa kule awɔrso nna nseŋ ta nsaŋɛbi nɛ etokobi a ku bumo be eyurana daŋkare be ekpa so nɛ ŋklaŋ bee lar.

Jɛremaya 16:6

Betirpo nɛ damawuraana kikɛ beeŋ wu kasawule ere so, nɛ esa kikɛ maaŋ shu bumo be nli ŋko m puli bumo gba kuraa. Menyi to be ekama maaŋ ku mbe eyur ŋko n she mbe emin a ŋini fanɛ mbe kagbene jija mo ŋkpal esa ko ka wu so.

Jɛremaya 48:37

Benyɛn na kikɛ daŋ she bumo be amu nɛ ntɔl nna nɛ basa na kikɛ ta asɔ ŋ kpɛa ŋ kpɛa bumo be enɔana nseŋ ta nli be asɔbuuso m buu.

Levitikɔs 19:27

Men sa maa she men be ataya to be afuibi ŋko a digi men be ntɔl so.

Levitikɔs 19:29

Men sa maa shin nɛ men be bibiche e baa ji kubojua ashi agbir lambu to a ŋaba bumo be amu. Loŋ beeŋ shin nɛ kesakalea nɛ kumu kpakpa e sɔ kasawule na kikɛ so.

Levitikɔs 21:1

Ndoŋ nna nɛ Enyɛnpe Ebɔrɛ na kaŋɛ Mosis fanɛ e kaŋɛ Ɛɛrɔn be mbinyɛnsobi nɛ b la bɔrɛmatapoana na le: “Bɔrɛmatapo kikɛ e sa maŋ kpal ekurgepo ko be keeliwora so a ta mbe kumu a wɔtɔ eyurpisheŋ to,

Levitikɔs 21:11

B gbiti mo ŋku nɛfaso nna n lara mo n yili n sa ma. Amoso a maŋ daga fanɛ e luri eyurpisheŋ to ŋko n shin nɛ ma wajɛbu cheembi na e wora eyurpi ŋkpal e kaa beeŋ lar kumo to n ya luri ebuni kikɛ so, hale mo tuto ŋko mo nio be kebuni gba so.

Levitikɔs 21:5

Bɔrɛmatapo maŋ daga fanɛ e she mbe kumu ŋko n digi mbe katɔl so ŋko ŋ ku mbe eyur be kaplɛkama a ŋini fanɛ e bee shu keeli nna.

Maak 5:5

E daa nite a kilgi to nchaŋana na nɛ abeebi na so nna a boŋ to a ta ajembu a ku mbe kumu kapa nɛ kanyɛ.

Baru lela nɛ Jɔn kute na 20:25

Kumo be kaman nɛ bebɛsopo na kaŋɛ mo fanɛ b wu Enyɛnpe na nɛ e kaŋɛ bumo le: “M ba maŋ wu anyembi na be amaŋ na mbe enɔana to nseŋ ta ma keshilbi n wɔtɔ kakpa nɛ anyembi na daŋ luri na nseŋ naŋ ta ma enɔ n wɔtɔ mbe kekel na to ŋ keni, m maaŋ yirda kesheŋ ere.”

Ditɛronɔmi 14:1

Israɛlebi, menyi ere la Enyɛnpe Ebɔrɛ na be basa nna. Amoso, nɛ menyee shu nli men sa maa ku menyi be eyurana ŋko a she menyi be nsɔto be emin fanɛ kananɛ basa pɔtɛ bee wora na.

Kelaraŋŋini 14:11

Edɛ mo nɛ a bee sa bumo ebesa na be edishi baa wɔtɔ nna mbaanaayɔ. Kapa nɛ kanyɛ bumo nɛ baa maŋ kusɔbɔya na nɛ mbe kaduli na so ŋko ekama nɛ e nya mbe ketre be lamba na daa maa kɔ ewushi kikɛ.”

Kelaraŋŋini 14:9

Ndoŋ nna nɛ malaika sasopo ta m bɛ bumo so a kaŋɛ awɔrso le: “Ekama nɛ e bee maŋ kusɔbɔya na nɛ mbe kaduli na so nseŋ nya mbe ndulgi mbe kɔsɔto so ŋko mbe enɔ so,

Kelaraŋŋini 15:2

Ndoŋ nna nɛ n wu kusɔ ko ka du fanɛ digi nɛ edɛ be weato a dese fanɛ teku nɛ basa nɛ b daŋ kɔ kusɔbɔya na nɛ mbe kaduli na nɛ mbe ketre be lamba na m pɔɔ so na yil m mata teku na. B daa yil nna a kɔ ejaŋjilaŋ ko nɛ Ebɔrɛ daŋ ta n sa bumo na to.

Kelaraŋŋini 16:2

Nɛ malaika juŋkparso na ta mbe katishaŋ nɛ agbo na n chulgi n wurge kasawule so nɛ achuu lubi besaso ko ba basa nɛ b kɔ kusɔbɔya na be ndulgi nɛ bumo nɛ b maŋ kumo be kaduli so na so.

Kelaraŋŋini 19:20

Nɛ b pɛ kusɔbɔya na n ta anebi fɛpo mo nɛ e daŋ wora emamachisheŋ damta kusɔbɔya na be anishito na n ti so. Emamachisheŋ na nɛ e daŋ ta n fule bumo nɛ b daŋ nya kusɔbɔya na be ndulgi na nseŋ maŋ mbe kaduli so na. B daŋ ta kusɔbɔya na nɛ anebi fɛpo na nna ŋ kpa n wɔtɔ edɛ mo nɛ jɛrbi wɔ amo to a chɔɔ na to nna nɛ b kraa keni.

Kelaraŋŋini 20:4

Nɛ n naŋ wu kuwurputiana nɛ bumo nɛ b daa tase amo so na kikɛ. B daŋ sa bumo ekpa nna fanɛ b ji basa demu. Ma alɛ daŋ naŋ wu basa nɛ b daŋ mɔ ŋkpal b ka daŋ ji Yesu be shɛda so nɛ ŋkpal b ka daŋ malga Ebɔrɛ be kamalga na so na be ayoyu. Bumo alɛ daa maŋ maŋ kusɔbɔya na ŋko mbe kaduli na so, bumo alɛ daa maŋ naa kɔ mbe ndulgi na bumo be nsɔto so ŋko bumo be enɔana so. B daŋ naŋ nya ŋkpa nna n tu Kristo n ji kuwura nfɛ kagboŋ.