Levitikɔs 19:26 - EBƆRƐ BE KAWƆL

²⁶ Men sa maŋ kaŋ ji eblaŋ nɛ ŋklaŋ kraa wɔ kumo to. Men sa maŋ kaa kpal ŋko a wora kegbaya be asheŋ kikɛ.

Levitikɔs 19:26 ပူးပေါင်းရင်းမြစ်များ

Jɛnesis 44:5

Manɛ e ba nɛ men yuri n nyɛnpe be gbiti be kusɔnuunchu? To, kumo nɛ e kɔ a nuu asɔ nseŋ naa kɔ kumo a bishi so. Kusɔ nɛ men wora ere maŋ walɛ kuraa!’ ”

Jɛnesis 9:4

Ama men sa maŋ kaŋ we eblaŋ kama nɛ kumo be ŋklaŋ maŋ lar kumo to, ŋkpal manɛ so, ŋklaŋ na to nɛ ŋkpa wɔ.

2 Bewura 17:17

B daa ta bumo be mbia nna a chɔɔ a lara esarga nnyamase be agbir so nseŋ ki belejipo a kpal. Kusɔ nɛ Enyɛnpe Ebɔrɛ kishi na nɛ baa wora nɛ mbe agbo nyaŋɛ to.

2 Bewura 21:6

E daŋ ta mo gbagba pibinyɛn nna n lara sarga chɔɔso ashi ketaŋɛ nɛ baa tre Hinnɔm na to. E daa wora kegbaya nɛ ŋkilgisheŋ nna nsaa yɔ belejipoana kutɔ n ya ka kpal nsaa shuŋ bubuni gba a ti so. E daŋ wora alubi damta nna ŋ gbiti Enyɛnpe Ebɔrɛ n shin nɛ mbe agbo kaa ga.

2 Kronikɛls 33:6

E daŋ ta mbe mbia nna n lara sarga chɔɔso ashi ketaŋɛ nɛ baa tre Hinnɔm na to. E daa wora kegbaya nɛ ŋkilgisheŋ nna nsaa yɔ belejipo kutɔ n ya ka kpal nsaa shuŋ bubuni gba a ti so. E daŋ wora alubi damta nna ŋ gbiti Enyɛnpe Ebɔrɛ n shin nɛ mbe agbo kaa ga.

Ɛksodɔs 7:11

Ndoŋ nna nɛ Fɛɛro malɛ tre mbe benyiashempo nɛ ŋkilgiwuraana nɛ bumo alɛ gba ba ta bumo be ŋkilgi n wora loŋ gbagba chap.

Ɛksodɔs 8:7

Ndoŋ nna nɛ ŋkilgiwuraana na gba ta bumo be ŋkilgi n wora bumo be ewulosheŋ, nɛ epulo ba Ijipt be kasawule na so.

Jɛremaya 10:2

E yɛ: “Men sa maa kute efuli pɔtɛana na be basa to a wora asheŋ. Menyi alɛ e sa maŋ shin nɛ asheŋ nɛ e bee wora awɔlpa so a ta kufu a da efuli pɔtɛana na be basa na, e baa ta kufu a da menyi alɛ gba.

Danɛl 2:10

Ndoŋ nna nɛ mbe besoetojipoana na kaŋɛ le: “Yiramu, esa kikɛ maŋ wɔ durnya ere to nɛ e beeŋ tiŋ m pin ŋ kaŋɛ kusɔ nɛ fee sha ere. Ewura kama, nɛ e bee ji eleŋ kanaŋkama so, maŋ naŋ kaŋɛ mbe belejipo nɛ ŋkilgiwuraana nɛ benyiashempo fanɛ b wora le be kesheŋ kikɛ.

Levitikɔs 19:25

Ama menyeeŋ tiŋ n ji kafɛ nusopo na to be asɔrso na. Nɛ men wora ade kikɛ bre, men be ndibi sɔrso beeŋ baa sɔr nɛnɛ ga. Ma e la Enyɛnpe, men be Ebɔrɛ na.

Levitikɔs 3:17

Israɛl be esa kikɛ maŋ daga e ka ji nfɔ ŋko ŋklaŋ. K la mbra nɛ k dese nna n sa Israɛl be basa kikɛ ashi kaplɛkama nɛ b wɔ nna hale mbaanaayɔ.

Levitikɔs 7:26

Kaplɛkama malɛ nɛ men wɔ, men sa maŋ kaŋ ji kabuibi ŋko kusɔbɔya kikɛ be ŋklaŋ.

Malakai 3:5

Enyɛnpetale yɛ: “Mee ba nɛ m ba ji ŋkilgiwuraana nɛ basa nɛ baa ji kesakalea nɛ bumo nɛ baa ji efɛ be eshɛda nɛ bekama nɛ baa puni bumo be beshumpo kakɔka to na nɛ bumo nɛ baa tɔrɔ bekulpoche nɛ amunibi nɛ befɔ nɛ bumo nɛ b maŋ kɔ bunyaŋ n sa ma na demu.”

Ashuŋ Shunso 15:20

Ama a daga fanɛ an sibɛ kawɔl ŋ kaŋɛ bumo fanɛ b sa maa ji ajibi nɛ a maŋ walɛ so ŋkpal a ka la kalɔŋɛ be ajibi so. An kaŋɛ bumo fanɛ b baa gelge kubojuaji nsaa maa ji ŋklaŋ ŋko kusɔbɔya kama nɛ b maŋ teŋ.

Ditɛronɔmi 12:16

Ama a maŋ daga fanɛ men ji amo be ŋklaŋ bre. A daga fanɛ men baa chulgi ŋklaŋ na a wurge kasawule nna fanɛ nchu.

Ditɛronɔmi 12:23

Ama men sa maŋ kaa ji eblaŋ nɛ ŋklaŋ wɔ kumo to, ŋkpal manɛ so, kusɔbɔya na be ŋkpa wɔ ŋklaŋ na to nna nɛ a maŋ daga men baa ji eblaŋ na nɛ ŋkpa wɔ kumo to.

Ditɛronɔmi 15:23

Ama men sa maŋ kaa ji amo be ŋklaŋ bre. A daga fanɛ men chulgi amo n wurge kasawule.

1 Samuɛl 14:32

Amoso b daŋ shile nna n ya kaa mɔ mbolpɔ nɛ ana nɛ anabi nɛ b kɔ Filistiebi m pɔɔ so n suge na epul to ndoŋ a kuya amo to a we amo nɛ ŋklaŋ.

1 Samuɛl 14:33

Nɛ esa ko kaŋɛ Sɔɔl le: “Keni basa na bee wora alubi a gbiti Enyɛnpe Ebɔrɛ na nna ŋkpal b ka bee we eblaŋ nɛ a kɔ ŋklaŋ amo to so.” Nɛ Sɔɔl kaŋɛ kenishipereso le: “Kashenteŋ nɛ fo ji, b wora n da Enyɛnpe Ebɔrɛ so nna na. Men gbelti kejembu gboŋgboŋi m ba nfe manaŋ m ba sa ma.”

1 Samuɛl 15:23

Kekini kenu n sa Enyɛnpe Ebɔrɛ du fanɛ kegbaya nna. Nɛ kamoowu malɛ du fanɛ kagbirshuŋ. Ŋkpal fo ka kini kenu n sa Enyɛnpe Ebɔrɛ na so, mo alɛ gba kini fo fanɛ ewura.”