Levitikɔs 19:22 - EBƆRƐ BE KAWƆL

²² Bɔrɛmatapo na beeŋ ta kpakpa na n wora kenyalɛso be kewora n lara enyɛn na be kulubi na nɛ Ebɔrɛ e ta mbe alubi m paŋ mo.

Levitikɔs 19:22 ပူးပေါင်းရင်းမြစ်များ

Levitikɔs 19:21

Enyɛn nɛ e di kenyache na beeŋ bar kpakpa wajɛbu na be kabuna to m ba lara kewora n jija be sarga n sa Enyɛnpe Ebɔrɛ na.

Levitikɔs 19:23

Men kaŋ luri Keenan be kasawule so nseŋ duu ndibi nɛ a bee sɔr, nfɛ asa nɛ a juŋkpar na to be asɔrso na maŋ walɛ so. Men sa maŋ kaŋ ji amo.

Levitikɔs 4:20

Kananɛ e baa wora egbolu nɛ baa ta a lara kulubi be esarga na nɛ e beeŋ wora gbolu ere gba, saŋɛ na so e beeŋ lara basa na be kulubi be sarga nɛ b nya ketampaŋ.

Levitikɔs 4:26

E beeŋ chɔɔ kaboe na be nfɔ kikɛ fanɛ kananɛ e bee chɔɔ kɔnɔkoŋwule be sarga be kusɔbɔya be nfɔ na. Ekpa nɛ bɔrɛmatapo na beeŋ bɔla so n lara eyiri to be enimu be kulubi be sarga nɛ e nya ketampaŋ nna na.

Levitikɔs 4:31

Kumo be kaman nɛ e lara nfɔ na kikɛ fanɛ kananɛ baa lara kɔnɔkoŋwule be sarga be kusɔbɔya be nfɔ na n chɔɔ bɔrɛsure na so saŋɛ na so amo be efɛa beeŋ par Enyɛnpe Ebɔrɛ na. Kananɛ bɔrɛmatapo na beeŋ lara esa be kulubi be sarga nɛ e nya ketampaŋ nna na.

Levitikɔs 4:35

Kumo alɛ be kaman nɛ e lara kubolpɔ na be nfɔ kikɛ fanɛ kananɛ baa lara kusɔbɔya nɛ baa ta a lara kɔnɔkoŋwule be sarga be nfɔ na nseŋ ta amo n ti ajibi be sarga nɛ b bar m ba sa Enyɛnpe Ebɔrɛ na so n chɔɔ bɔrɛsure na so. Kananɛ bɔrɛmatapo na beeŋ lara esa be kulubi be sarga nɛ e nya ketampaŋ nna na.”

Levitikɔs 5:7

Nɛ esa na maaŋ tiŋ n nya kubolpɔ ŋko kaboe, e bar elepɔ anyɔ ŋko ali anyɔ Enyɛnpe Ebɔrɛ na be anishito m ba lara mbe kulubi na be sarga. Baaŋ ta mbuibi na be ekoŋwule n lara kulubi be sarga nseŋ ta ekoŋwule malɛ n lara sarga chɔɔso.