Levitikɔs 19:19 - EBƆRƐ BE KAWƆL

¹⁹ Men baa wora ma mbraana kasonu. Men sa maŋ shin nɛ asɔbɔya pɔtɛ a baa dii asɔbɔya pɔtɛ a kurge. Men sa maa duu asɔduuso pɔtɛ a wea abar to kasawule koŋwule so. Men sa maa buu asɔbuuso nɛ b ta achɛbi pɔtɛana n wea abar to m ba.

Levitikɔs 19:19 ပူးပေါင်းရင်းမြစ်များ

Jɛnesis 36:24

Zibiɔn malɛ be mbia e daa la Aya nɛ Ana. Le be Ana ere e daŋ fara n wu kabombi tushiso na ashi kiyi to saŋɛ nɛ e daa kpa mo tuto Zibiɔn be ekurma na.

2 Samuɛl 13:29

Ndoŋ nna nɛ nyɛrbi na bɛ kusɔ nɛ Absalɔm kaŋɛ bumo na so nseŋ mɔ Amnɔn. Nɛ ewura na be mbinyɛnbi nɛ Absalɔm tre na kikɛ ta bumo be ekurma nɛ enyɔma n shile n choŋ ŋ ka mo ndoŋ.

2 Samuɛl 18:9

Ndoŋ nna nɛ Absalɔm ba purgi Deevid be benapo ko. E daŋ dii kurma nna m bɔla kedibi gboŋgboŋi ko be kifito nɛ mbe kumu ya fɛga kumo be ayabi to nɛ kurma na shile ŋ ka mo n shiga kedibi na so.

1 Bewura 1:33

nɛ e kaŋɛ bumo le: “Men keta ma benimuana ere be beko n ya shin nɛ m pibi Sɔlɔmɔn e dii ŋ gbagba be kurma n chena so nɛ men bɛ mo so ŋ keta mo n yɔ kebuye nɛ baa tre Gihɔn na ase,

Ɛzra 2:66

Bumo be egbaŋɛ daa la alfa ashunu nɛ adesa nɛ ashe nɛ asɔbɔya nɛ kurma nɛ gbaŋɛ gama ŋ kurge na malɛ daa la alfa anyɔ nɛ adena nɛ anu.

Levitikɔs 18:4

Men baa nu nsaa wora a bɛ ma mbraana so. Ma e la Enyɛnpe, men be Ebɔrɛ na.

Levitikɔs 19:37

Men baa wora ma mbraana nɛ atande kikɛ kasonu, ŋkpal manɛ so, ma e la Enyɛnpe Ebɔrɛ na.”

Levitikɔs 20:8

Men baa wora ma mbraana kasonu nsaa bɛ amo so, ŋkpal manɛ so, ma e la Enyɛnpe Ebɔrɛ na. Ma alɛ bee sha fanɛ men baa du cheembi nna.”

Levitikɔs 22:31

Kumo be kaman nɛ Enyɛnpe Ebɔrɛ na naŋ kaŋɛ: “Men nu nseŋ bɛ ma mbraana so, ŋkpal manɛ so, ma e la Enyɛnpe Ebɔrɛ na.

Levitikɔs 25:18

Baa bɛ Enyɛnpe Ebɔrɛ na be mbraana nɛ mbe atande na so, saŋɛ na so feeŋ baa wɔ kayurwushi to ashi kasawule na so.

Luuk 5:36

Kamalga ere be kaman nɛ Yesu bɔ bumo keŋasa ere: “Basa maa kaa ku kusɔbuuso popɔr a tɛ kusɔbuuso dra. Nɛ b wora loŋ baaŋ kpɛa kepopɔr na to. Kechɛbi popɔr na nɛ kedra na malɛ maaŋ kukwe abar to.

Romebi 11:6

K ka baa la kuwɔr be kakɛ be asheŋ ere bre, k maŋ naa la ashuŋ shunso be asheŋ, nɛ k daa la ashuŋ shunso be asheŋ nna, kumo ere Ebɔrɛ be kuwɔr be kakɛ na daa maaŋ naa la kuwɔr be kakɛ.

Ditɛronɔmi 4:1

Ade kikɛ be kaman, nɛ Mosis kaŋɛ basa na le: “Nɛ menyee wora mbraana nɛ mee ŋini menyi ere kikɛ kasonu, menyeeŋ baa wɔtɔ nseŋ tiŋ n ya chena kasawule nɛ Enyɛnpe Ebɔrɛ nɛ men nananyɛnana shuŋ na, bee ta a sa menyi na so.

Ditɛronɔmi 4:5

Mbraana nɛ Enyɛnpe, ma Ebɔrɛ na ta n sa ma na kikɛ nɛ ŋ ŋini menyi na. Men wora amo kasonu ashi kasawule nɛ menyee yɔ nɛ men ya kɔ n sɔ n chena so na so.