Levitikɔs 19:17 - EBƆRƐ BE KAWƆL

¹⁷ Sa maŋ kaŋ ta kusɔ nɛ fo barkasa wora fo n wɔtɔ kagbene to ŋkpal loŋ so ŋ kishi mo, ama shin nɛ e pin kulubi nɛ e wora, saŋɛ na so, fo nɛ mo kikɛ maaŋ tɔr kulubi to.

Levitikɔs 19:17 ပူးပေါင်းရင်းမြစ်များ

Jɛnesis 27:41

Ndoŋ nna nɛ Isɔɔ fara a kishi Jeekɔb ŋkpal nɛfa nɛ mo tuto daŋ sa mo na so nseŋ fɛ mbe kumu to le: “K maaŋ naŋ chɛr nɛ n tuto e wu nɛ an shu mbe keeli. Keeli na be kaman meeŋ mɔ n sipo Jeekɔb.”

2 Samuɛl 13:22

Absalɔm daa maŋ tuge Amnɔn shɛŋ ama e daŋ kishi mo nna, ŋkpal e ka pur mo sipoche Tamaa so so.

Nehemaya 13:17

Ndoŋ nna nɛ n nya agbo n fɛa Juda be bejuŋkparpoana so ŋ kaŋɛ: “Kulubi nɛ menyee wora ere, Kewushiachɛ na nɛ menyee keni jiga na!

Nshɛ 141:5

Shin nɛ fo basa niŋiso e baa ŋini ma ekpa; ŋ kaŋ wora n foe nɛ b gberge ma kusoe. M maaŋ shin nɛ basa lubi e maŋkura ma kikɛ, ŋkpal manɛ so, mee kule Ebɔrɛ nna a gbiti bumo.

Aŋasa 9:8

Sa maŋ kaŋ fiɛ esa nɛ e bee puchi so, fo baŋ wora loŋ, e beeŋ kishi fo. Ama fo baŋ ŋini enyiashempo bre ekpa e beeŋ sa fo bunyaŋ.

Luuk 17:3

Men be ekama e baa de mbe kumu so nɛ mo kurgepo, Yesu be ebɛsopo wora kulubi, e fiɛ mo so nɛ e lar kumo to nɛ e ta m paŋ mo.

Romebi 1:32

B nyi Ebɔrɛ be mbra na ka bee kaŋɛ fanɛ bekama nɛ b wɔ le be kebaawɔtɔ ere to daga luwu, ama b kraŋ pere kenishi nna a wora amo nsaa leŋ basa pɔtɛ gba to a wɔtɔ loŋ be asheŋ na be kewora to.

1 Kɔrintebi 5:2

Le be asheŋ ere e baa wora menyi to nɛ menyee wu menyi be amu ere a? Cha, a daŋ daga fanɛ men be ŋgbene ka jija menyi ga nna nɛ men daŋ lara esa nɛ e bee wora loŋ na menyi to.

Galeeshaebi 6:1

Ŋ kurgepoana, nɛ men be ekama baŋ tɔr kulubi to, menyi nɛ Kiyoyu Cheeŋ na bee juŋkpar na e bar men be amu kaseto n chɛ mo to nɛ e lar alubi na to. Ama nɛ menyee wora loŋ, men baa de men be amu so nɛ menyi alɛ gbagba e sa maŋ luri kechɔŋkeni to n tɔr.

Ɛfesesebi 5:11

Men shin nɛ men be asheŋ e sa maa wɔ tentembiri be chilchil be asheŋ woraso to, ama men baa lara loŋ be asheŋ na efuli.

1 Timoti 5:20

Benimu nɛ b wɔ alubi to na, fiɛ bumo so asɔri to ebi na kikɛ be anishito nɛ kufu e pɛ bumo nɛ b ka na.

1 Timoti 5:22

Sa maa nya manaŋ a ta fo enɔ a deŋi esa kikɛ so a ta mo a bɔɔ Ebɔrɛ enɔ kabɔrɛkule to. Fo alɛ e sa maŋ kaŋ luri basa pɔtɛ be alubi to ŋko kusɔ jigaya be kebaawɔtɔ to.

2 Timoti 4:2

fo baa bɔ kubɔya na a sa basa. Kelela ŋko kulubi to kikɛ baa sha kebaabɔ kubɔya na a sa basa a shin nɛ b baa wu kananɛ kashenteŋ na baa dese geeŋ. Baa ta kubɔya na a fiɛ basa so ŋko a leŋ bumo to nsaa kɔ kanyiti a ŋini bumo abɔrɛsheŋ na.

Taites 1:13

Kashenteŋ be kamalga nna, amoso, baa fiɛ bumo so kenishipereso nɛ b baa wɔ kashenteŋ be yirda na to.

Taites 2:15

Baa ŋini asheŋ ere a leŋ basa na to nsaa ta fo kejuŋkpar be eleŋ kikɛ na a fiɛ bumo so. Sa maŋ shin nɛ esa kikɛ e fɛl fo.

1 Jɔn 2:11

Ama ekama nɛ e bee kishi mo niopibi wɔ tentembiri to nna na, mo alɛ nsaa na tentembiri to. E maŋ nyi kakpa nɛ e bee yɔ, ŋkpal manɛ so, tentembiri na e naa shin nɛ e maa wu.

1 Jɔn 2:9

Esa kama nɛ e bee kaŋɛ fanɛ e wɔ kefulto na to, mo alɛ nsaa kishi mo niopibi, kraa wɔ tentembiri to nna na.