Levitikɔs 19:15 - EBƆRƐ BE KAWƆL

¹⁵ Men baa kɔ kashenteŋji nsaa ji asheŋ nɛ amo be ekpa so ashi men be demuji kikɛ to. Men sa maa kpɛa betirpo to ŋko a ŋana damawuraana.

Levitikɔs 19:15 ပူးပေါင်းရင်းမြစ်များ

Job be kawɔl 13:8

jemanɛ nɛ men sɔ mo so a malga, nsaa maa ji kashenteŋ na.

Job be kawɔl 32:21

M maaŋ malga ŋ kpɛa ekama to, ma alɛ maaŋ ku efɛ n fur esa ko.

Job be kawɔl 34:19

Ebɔrɛ e to anyi kikɛ kuraa. Mo alɛ maa keni eko a bɔlɔ kenishi a chɔ eko. Damawura ŋko etirpo, ewura ŋko ebɔlpo, kikɛ la kukoŋwule nna ashi mbe anishito.

Nshɛ 82:2

“A maŋ daga men baa ji demu a kpɛa beko to; men sa maa ji a chɛ kumukpakpaso wuraana to!

Ɛksodɔs 18:21

Ama a daga fanɛ fo lara benyɛn nɛ b kɔ kabɔrɛŋana nsaa la basa nɛ esa beeŋ tiŋ n yirda nɛ baaŋ tiŋ n shuŋ fo kushuŋ ere ashi basa na to. Shin nɛ b ki bejuŋkparpo a keni basa kagboŋ kagboŋ so nɛ basa kalfa kalfa so nɛ basa adununu so nɛ basa kudu kudu so.

Aŋasa 18:5

Alubiworapo maŋ daga kesɔ n yige ashi kasogberge to, esa nɛ e maŋ wora n jija malɛ maŋ daga kemɔn kashenteŋ.

Aŋasa 24:23

Kanyiasheŋ be mmalga ko gba nde: A maŋ daga demujipo ka bee kpɛa to.

Aŋasa 31:9

Baa ji demu nɛ kumo be ekpa so a sa betirpo nɛ bumo nɛ b maŋ la shɛŋ na.

Levitikɔs 19:35

Men sa maa ta kapuni be kasɔkarga be asɔ a karga asɔ a sa basa.

Baru lela nɛ Jɔn kute na 7:24

Men sa maa yili basa be asheŋ nɛ menyee wu kenishiso so a ji bumo demu, men baa ji kashenteŋ be demu.”

Ashuŋ Shunso 23:3

Nɛ Pɔɔl kaŋɛ mo: “Kebirkɔnshiwura ere! Ebɔrɛ beeŋ ŋmɛa fo kɔnɔ loŋ. Fo yɛ fo chena nfe nna nɛ fo bɔla ekpa nɛ mbra na bee ŋini na so n ji demu, ama ma nɛ fee shin nɛ baa ŋmɛa n naa wora a da mbra na so na.”

Ditɛronɔmi 1:17

Men sa maa kpɛa to ashi menyi be demuji to. Ekpa koŋwule so a daga fanɛ men baa ji bepɔshipo nɛ belempo kikɛ demu. Men sa maa ŋana esa kikɛ, ŋkpal manɛ so, Ebɔrɛ beeŋ chɛ menyi to nɛ men ji asheŋ nɛnɛ. Nɛ fanɛ demu ko du kpakpa n sa menyi, men ta kumo m bar ma nɛ n ji kumo.

Ditɛronɔmi 10:17

Enyɛnpe menyi be Ebɔrɛ na e la Ebɔrɛ nɛ e kɔ eleŋ a chɔ agbirana kikɛ nseŋ naa la benyɛnpe to be Enyɛnpe, Ebɔrɛ lempo nɛ mbe asheŋ shi nsaa kɔ kufu. Mo alɛ maa kpɛa to ŋko a tu basa a sɔ asɔ pɔɛŋ nsaa wora asheŋ a sa bumo.

Ditɛronɔmi 16:19

K maŋ daga b baa ji durmu ŋko a kpɛa to ashi bumo be demujiana to. B sa maŋ kaa sɔ brɔbu basa kutɔ pɔɛŋ nsaa ji bumo demu, ŋkpal manɛ so ŋkɛ be kesɔ beeŋ tiŋ n shin nɛ enyiashempo e sa maŋ ji kashenteŋ nseŋ shin nɛ beshenteŋjipo e ki befɛpo, saŋɛ na so nɛ b baa ji asheŋ ekpa nɛ k maŋ daga so.

Ditɛronɔmi 27:19

Nɛ b naŋ kaŋɛ, “Ebɔrɛ be kɔnɔsho beeŋ ba esa kama nɛ e beeŋ mɔn befɔ nɛ amunibi nɛ bekulpoche kashenteŋ na ŋkpal basa nɛ b la so.” Nɛ basa nɛ b yil Ebal be kebee so na e kaŋɛ: ‘Amɛn!’