Levitikɔs 19:13 - EBƆRƐ BE KAWƆL

¹³ Sa maŋ kaŋ ji fo barkasa durmu ŋko n suge mo. Sa maŋ kaŋ mɔn esa nɛ fo ber paa mbe kakɔka, sa maŋ shin nɛ kare a chɛ kumo so gba.

Levitikɔs 19:13 ပူးပေါင်းရင်းမြစ်များ

Job be kawɔl 17:5

B ji m bri ma nna ŋkpal kusɔ nɛ baaŋ nya so, amoso shin nɛ bumo be mbia be anishi e biri bumo.

Job be kawɔl 31:39

ŋko nɛ fanɛ n ji adɔjibi nɛ e wora kasawule na so na kikɛ nna nsaa maŋ sa beshumpo nɛ b dɔ amo na,

Job be kawɔl 7:2

An du fanɛ anya nɛ baa fin kiyoyul nɛ b chena to n wushi nna; An la beshumpo nɛ anyee jo anyi be kakɔka kenishipereso nna.

Ɛksodɔs 20:15

Men sa maa yuri.

Ɛksodɔs 22:13

Nɛ k ba fanɛ kupuŋ to be kusɔbɔya e mɔ kumo n ji, k daga fanɛ esa nɛ e bee keni kusɔbɔya na so ka ta kusɔbɔya jiŋka na m ba ŋini shɛdaso, saŋɛ na so, e maaŋ ka kumo be kukɔ n tal to.

Ɛksodɔs 22:15

Ama nɛ fanɛ kusɔbɔya na wu saŋɛ nɛ kumowura wɔtɔ bre, k maŋ daga esa na ka ka kukɔ kikɛ. Nɛ e haya kusɔbɔya na nna bre, kumo ere haya na be kukɔ nɛ e beeŋ ka.

Ɛksodɔs 22:21

Ade kikɛ be kaman, k maŋ daga fanɛ men be ekama e wora efɔ kulubi ŋko m mɛaŋ mo, ŋkpal manɛ so, menyi alɛ gba daa la befɔ nna ashi Ijipt be kasawule so.

Ɛksodɔs 22:7

Nɛ esa ta amansherbi ŋko asɔ n sa mo barkasa nɛ e yili nɛ eyu ya yuri amo ashi mbe ebu to nɛ b pɛ eyu na nna, k daga fanɛ eyu na e ka loŋ be asɔ be ale anyɔ.

Aŋasa 20:10

Enyɛnpe Ebɔrɛ kishi kapuni be kasɔkarga nɛ kapuni be asɔ karga asɔ ga.

Aŋasa 22:22

Sa maŋ puni esa ŋkpal e ka la etirpo so, ŋko m mutir esa ashi demujikpa ŋkpal e ka maŋ kɔ shɛŋ so.

Aŋasa 3:28

Nɛ feeŋ tiŋ n chɛ fo kurgepo to, fo chɛ mo to, sa maŋ shin nɛ e jo nɛ kare e chɛ pɔɛŋ.

Jɛremaya 22:13

Nɛ Enyɛnpe Ebɔrɛ na kaŋɛ ma fanɛ ŋ kaŋɛ Juda be ewura popɔr, Jehowakim le: “Asheŋ maaŋ nyalɛ n sa fo, ŋkpal manɛ so, fo bɔla ekpa lubi so nna m pɔr fo ewurkpa nseŋ pɔr ebu gboŋgboŋiana kumo be awɔlto na. Kumo be kaman nɛ fo wɔtɔ etokurogboŋ nseŋ buu kumo so n ta ndibi nɛ baa tre sida na n tato, nseŋ naŋ ta asɔ nyɔɔso peper n nyɔɔ kowu na. Ama fo alɛ daŋ maŋ wora nɛnɛ. Fo daŋ tintiŋ bepɔrpo na nna nɛ b shuŋ nɛ fo kini keka bumo.

Jɛremaya 22:3

E yɛ: “Ma, Enyɛnpe Ebɔrɛ na e naa kaŋɛ menyi kenishipereso na fanɛ men baa wora asheŋ nɛ e bɔla ekpa so nseŋ niŋi. Men baa kuŋ basa nɛ bumo braana bee puni bumo na nɛ b sa maa nya a puni bumo. Menyi alɛ e sa maa mɛaŋ ŋko a kɔrfɛ befɔ ŋko amunibi ŋko bekulpoche. Men sa maa mɔ basa nɛ b maŋ wora shɛŋ ashi kakpa cheembi ere.

Ezikɛl 18:7

Amodoŋwura malɛ maa puni ŋko a suge esa, mo alɛ maa sɔ tarma pɔɛŋ nseŋ sa esa mpaŋ. Ade be kaman mo alɛ naa chɛ betirpo to a sa bumo ajibi nɛ asɔbuuso.

Ezikɛl 22:12

Ade kikɛ be kaman, basa na be beko wɔtɔ nna a sɔ amansherbi nsaa mɔ basa, nɛ beko malɛ bee wɔtɔ amansherbi nɛ b ta m paŋ bumo braana Israɛl be basa nchu ga a dii kedama nɛ kumo be loŋ maŋ daga. B teŋ ma, Enyɛnpetale Ebɔrɛ na so nna.

Ezikɛl 22:29

Basa na baa wɔ kapuni nɛ kasuge be kebaawɔtɔ to nna. B wɔtɔ nna a kɔrfɛ betirpo nsaa puni befɔ, a mɔn bumo kashenteŋ ashi demuji to.

Levitikɔs 25:14

Amoso nɛ fee fa kasawule a sa fo barkasa Israɛl be esa ŋko fee tɔ kumo nna, fo sa maŋ kaŋ puni na.

Levitikɔs 25:17

Sa maŋ kaŋ puni fo barkasa Israɛl be esa, ama baa ŋana Ebɔrɛ. Ŋkpal manɛ so, ma e la Enyɛnpe fo Ebɔrɛ.

Levitikɔs 6:3

ŋko n wu mo barkasa be kusɔ nɛ k foe nseŋ ku efɛ m bɔ ntaŋ fanɛ e maŋ wu kumo so,

Malakai 3:5

Enyɛnpetale yɛ: “Mee ba nɛ m ba ji ŋkilgiwuraana nɛ basa nɛ baa ji kesakalea nɛ bumo nɛ baa ji efɛ be eshɛda nɛ bekama nɛ baa puni bumo be beshumpo kakɔka to na nɛ bumo nɛ baa tɔrɔ bekulpoche nɛ amunibi nɛ befɔ nɛ bumo nɛ b maŋ kɔ bunyaŋ n sa ma na demu.”

Matiu 20:8

Kaboŋ ka ya kaa jija to nɛ kudɔ na wura kaŋɛ mbe beshumpo be enimu le: ‘Tre beshumpo na ŋ ka bumo. Fara bumo nɛ b shir kaman m ba na ŋ ka n ya fo bumo nɛ b juŋkpar m ba na.’

Maak 10:19

Fo nyi mbraana nɛ a bee kaŋɛ: Sa maŋ kaŋ mɔ, sa maa ji kubojua, sa maŋ kaŋ yuri, sa maŋ kaŋ ji efɛ be shɛda, sa maŋ kaŋ puni, baa bunyaŋ fo tuto nɛ fo nio.”

Luuk 3:13

Nɛ e kaŋɛ bumo: “Men sa maa sɔ basa lampo ga a chɔ kananɛ a daga.”

1 Tɛsalɔnikaebi 4:6

Amoso, ekama e sa maŋ kaŋ wora kulubi kikɛ ŋ gbiti mo barkasa ŋko m puni mo. An chɛr m malga le be kamalga kenishipereso n sa menyi fanɛ ekama nɛ e wora le be asheŋ, Enyɛnpe na beeŋ gberge mo kusoe.

1 Timoti 5:18

Ŋkpal manɛ so, abɔrɛsibɛ na bee kaŋɛ: “A maŋ daga esa ka kre kena nɛ e bee shuŋ ajibi akpa be kɔnɔ,” nɛ “A daga eshumpo ka nya mbe kakɔka.”

Jeems 5:4

Basa nɛ men shin nɛ b dɔ menyi, men kini keka bumo nɛ baa shu a ŋini basa kikɛ, bumo nɛ men ber paa nɛ b teŋi men be asɔ na gba be eyur nyaŋ bumo nɛ baa shu, bumo be kushu na malɛ luri Ebɔrɛ be asoe to.