Ndoŋ nna nɛ Absalɔm be benapo ba laŋ na to m ba bishi kache na le: “Nnɛ nɛ Ahimaaz nɛ Jonatan wɔ?” Nɛ kache na kaŋɛ bumo le: “B dii Lɔr na n choŋ.” Ndoŋ nna nɛ basa na fin bumo ŋ gben nseŋ bɛta n yɔ Jerusalɛm.
Ndoŋ nna nɛ anebi nimuso na kaŋɛ le: “Ma alɛ gba la anebi nna. Enyɛnpe Ebɔrɛ be malaika e kaŋɛ ma fanɛ n yɛr fo ma laŋ to nɛ fo ya fin kusɔ ko n ji.” Ama anebi nɛ e shi Juda na daa maŋ nyi fanɛ anebi nimuso na daa ku efɛ nna.
Nɛ esa ta amansherbi ŋko asɔ n sa mo barkasa nɛ e yili nɛ eyu ya yuri amo ashi mbe ebu to nɛ b pɛ eyu na nna, k daga fanɛ eyu na e ka loŋ be asɔ be ale anyɔ.
Bumo to be bumo nɛ b kɔ eyilikpa nɛ bumo nɛ b maŋ kɔ eyilikpa kikɛ bee bɔla ekpa lubi so nna a fin amansherbi. Anebiana nɛ bɔrɛmatapoana gba bee puni basa nna nɛ esa maaŋ naŋ tiŋ n yirda bumo.
Men sa maŋ bɛta n yɔ menyi be asɔrso be adɔ to n naŋ ya chuge asɔrso nɛ men maŋ wu n chuge ŋko n ya tise amo nɛ amo gbagba tɔr to na. Men yige amo n sa betirpo nɛ befɔ. Ma e la Enyɛnpe, men be Ebɔrɛ na.
Kaarɛ fanɛ loŋ e tiŋ n wora. Nɛ nyiŋgbasa bre la efɛpo, Ebɔrɛ bre la kashenteŋjipo nna saŋkama fanɛ kananɛ abɔrɛsibɛ na bee kaŋɛ na. A yɛ: “Fo mmalga to e naa ŋini fo ka kɔ kashenteŋ, fo alɛ beeŋ baa ji a lar fo edemu to.”
Amoso, men be ekama e lara efɛsheŋ ashi mbe kebaawɔtɔ to nsaa malga kashenteŋ be mmalga a sa mo braana, ŋkpal manɛ so, an kikɛ la eyur koŋwule to be mba nna.
Ekama nɛ e daa yuri e yige kayu na naniere nseŋ fara a ta mbe enɔana a wora asheŋ lela a shuŋ, saŋɛ na so e beeŋ nya kusɔ nɛ k daga n tiŋ n chɛ bumo nɛ b maŋ kɔ to.
Mo alɛ naŋ bar mbra na nna ŋkpal kesakaleawuraana nɛ benyɛn nɛ bumo gbagba kɔ abar a di na nɛ bumo nɛ baa yuri basa a fin kasɔji na nɛ befɛpo nɛ basa nɛ b maa yɛ asheŋ a wora na nɛ bumo nɛ baa wora asheŋ nɛ a maa bɛ kashenteŋ be keŋini na so kuraa na kikɛ so.
Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”
