Levitikɔs 19:10 - EBƆRƐ BE KAWƆL

¹⁰ Men sa maŋ bɛta n yɔ menyi be asɔrso be adɔ to n naŋ ya chuge asɔrso nɛ men maŋ wu n chuge ŋko n ya tise amo nɛ amo gbagba tɔr to na. Men yige amo n sa betirpo nɛ befɔ. Ma e la Enyɛnpe, men be Ebɔrɛ na.

Levitikɔs 19:10 ပူးပေါင်းရင်းမြစ်များ

Aizaaya 17:6

Basa gbrɛbi ko e naŋ ji efute nɛ Israɛl e ki fanɛ ɔlif be kedibi nɛ b chuge kumo so be asɔrso kikɛ nseŋ ka anyɔ ŋko asa ko ashi kumo be awɔlto ŋko asɔrso gbrɛbi ko ashi kumo be kaseto be ayabi so na. Ma, Enyɛnpe, Israɛl be Ebɔrɛ na e kaŋɛ na.”

Aizaaya 24:13

Kusɔ nɛ k beeŋ wora efuliana nɛ a wɔ durnya kikɛ to nna na. K beeŋ baa du fanɛ kasɔteŋi be jemanɛ nɛ b ŋeri ndibi kikɛ be asɔrso n lɛ nseŋ chuge waindibi be asɔrso koko na malɛ kikɛ na nna.

Jɛremaya 49:9

Basa nɛ baa teŋi ayu ŋko a chuge asɔrso bee teŋi ŋko a chuge nna nsaa ka ako nɛ betirpo malɛ e baa shishi amo. Beyu malɛ baa yɔ kayu to kanyɛso, asɔ nɛ baa sha nawule nɛ baa ta.

Levitikɔs 11:44

Ma e la Enyɛnpe Ebɔrɛ menyi be Ebɔrɛ na nɛ a daga men lara menyi be amu n yili a kɔr bekama to a ŋini fanɛ men la n nawule peya nna, ŋkpal manɛ so, n du cheembi nna.

Levitikɔs 19:11

Sa maŋ kaŋ yuri ŋko m puni ŋko ŋ ku efɛ.

Levitikɔs 19:25

Ama menyeeŋ tiŋ n ji kafɛ nusopo na to be asɔrso na. Nɛ men wora ade kikɛ bre, men be ndibi sɔrso beeŋ baa sɔr nɛnɛ ga. Ma e la Enyɛnpe, men be Ebɔrɛ na.

Levitikɔs 19:9

Nɛ menyee teŋi menyi be adɔjibi, men sa maŋ kaa teŋi ekarso peya na ŋko m bɛta n ya shishi amo nɛ a beeŋ ka ndɔ na to na.

Levitikɔs 23:22

Men baŋ teŋi men be adɔjibi, men sa maŋ kaŋ teŋi amo nɛ a yil dɔkar na. Menyi alɛ e sa maŋ naŋ bɛta n ya buri ŋko n teŋi amo; men yige amo n sa betirpo nɛ befɔ. Ma e la Enyɛnpe Ebɔrɛ men be Ebɔrɛ na.”

Levitikɔs 25:6

Hale men ka maaŋ dɔ kasawule na gba na, k kraa beeŋ sa menyi nɛ men be anya nɛ men be paawuraana nɛ befɔ nɛ menyi nɛ bumo chena na

Obadaya 1:5

Nɛ beyu ŋko besugepo daŋ ba fo to kanyɛso, ndafanɛ kusɔ nɛ k daa beeŋ nya fo gba maaŋ baa walɛ. B daa beeŋ yuri fo kananɛ baa sha. Beyu baŋ ba kanyɛso, asɔ nɛ baa sha nawule nɛ baa ta. Basa baa chuge greep be asɔrso malɛ, baa kaa yige amo be gbrɛ ko nna a chɔga so, ama fo ere, fo doŋana beeŋ mur fo cheche.

Maika 7:1

Asheŋ malɛ tu ma bre! N du fanɛ esa nɛ akoŋ kɔ nɛ mo alɛ maŋ nya kusɔrso kama kedibisɔrso ŋko kefeelebi so nɛ e chuge n ji nna. B chuge afeelebi be asɔrso nɛ baa tre greeps na nɛ figidibi be asɔrso na kikɛ nyam.

Ditɛronɔmi 24:19

Nɛ men teŋi menyi be adɔjibi n sulɔ amo m ba epe nseŋ teŋ ako so ashi ndɔ na to, men sa maŋ naŋ bɛta n ya ta amo. Men yige amo n sa befɔ nɛ amunibi nɛ bekulpoche, saŋɛ na so Enyɛnpe menyi be Ebɔrɛ na beeŋ nɛfa kusɔ kama nɛ menyee wora.

Ditɛronɔmi 24:20

Nɛ menyee chuge menyi be ɔlif be asɔrso men sa maa chuge amo kikɛ ndibi na so, ama men baa yige ako a sa betirpo nɛ bumo alɛ e baa shishi amo a ji.

Ditɛronɔmi 24:21

Kumo be kaman, nɛ men ya chuge menyi be asɔrso nɛ baa tre greep na, men sa maŋ naŋ bɛta n ya chuge amo nɛ a beeŋ ka afeelebi na so na kela nyɔsopo. Men yige amo n sa befɔ nɛ amunibi nɛ bekulpoche nɛ bumo alɛ e ya chuge n ta.

Demujipoana 8:2

Nɛ Gidiɔn kaŋɛ bumo le: “Kusɔ nɛ ma ere wora maŋ fo kusɔ nɛ menyi ere wora so. Kusɔ nɛ menyi, Efrayimebi, wora ere bee bɔlɔ kenishi a chɔ kusɔ nɛ ma kabuna ebi kikɛ wora.

Ruf be kawɔl 2:2

Kachako nɛ Ruf nɛ e shi Mowab na kaŋɛ Nawomi le: “Shin nɛ n yɔ basa be ndɔana to n ya keni, esa ko beeŋ wu ma kuwɔr n shin nɛ m bɛ mo so n shishi n shishi ajibi m ba a!” Nɛ Nawomi shuli so ŋ kaŋɛ mo: “To, m pibi, baa yɔ.”