Levitikɔs 18:2 - EBƆRƐ BE KAWƆL

² e kaŋɛ Israɛl be basa le: “Ma e la Enyɛnpe, men be Ebɔrɛ na.

Levitikɔs 18:2 ပူးပေါင်းရင်းမြစ်များ

Jɛnesis 17:7

Meeŋ nase ma kɔnɔkoŋwule be ŋkre n sa fo nɛ fo kaman to ebi nɛ bumo alɛ be kaman to ebi mbaanaayɔ. Meeŋ baa la fo nɛ fo kaman to ebi kikɛ be Ebɔrɛ.

Nshɛ 33:12

Kagbenefuli la efuli kama so ebi nɛ bumo be Ebɔrɛ la Enyɛnpe na peya nna. Kagbenefuli la bekama nɛ e lara fanɛ b baa la mbe basa na peya nna.

Ɛksodɔs 20:2

“Ma e la Enyɛnpe Ebɔrɛ, men be Ebɔrɛ mo nɛ e lara menyi ashi Ijipt be kasawule so, kakpa nɛ men daa wɔ kenyaya to na.

Ɛksodɔs 6:7

Menyeeŋ ba kraa la ŋ gbagba be basa nɛ ma alɛ e baa la menyi be Ebɔrɛ. Saŋɛ na so nɛ menyeeŋ pin fanɛ ma e la Enyɛnpe Ebɔrɛ nɛ e la menyi be Ebɔrɛ nɛ e lara menyi kenyaya to ashi Ijiptebi be enɔ to.

Ezikɛl 20:5

nseŋ naŋ kaŋɛ bumo fanɛ kusɔ nɛ Enyɛnpetale Ebɔrɛ na bee kaŋɛ e la fanɛ kachɛ nɛ e lara menyi nɛ men baa la mbe basa na, e daŋ bɔ ntaŋ nna n nase kɔnɔ n sa Jeekɔb nɛ men tutoana nseŋ lara mbe kumu ŋ ŋini bumo ashi Ijipt be efuli so ŋ kaŋɛ fanɛ e beeŋ baa la menyi nɛ men be kaman to ebi be Ebɔrɛ.

Ezikɛl 20:7

Kumo be kaman, nɛ e naŋ kaŋɛ bumo fanɛ bumo be ekama e yige agbirana nɛ men ta menyi be anishi n yuu so, nɛ amo be asheŋ bee nu ma agbo nɛ ŋ kishi amo ga na be kebaashuŋ; saŋɛ na so, menyi maaŋ ta Ijipt be efuli so be agbirana n jija menyi be kebaawɔtɔ. Ŋkpal manɛ so, ma e la Enyɛnpe menyi be Ebɔrɛ na.”

Levitikɔs 11:44

Ma e la Enyɛnpe Ebɔrɛ menyi be Ebɔrɛ na nɛ a daga men lara menyi be amu n yili a kɔr bekama to a ŋini fanɛ men la n nawule peya nna, ŋkpal manɛ so, n du cheembi nna.

Levitikɔs 18:1

Nɛ Enyɛnpe Ebɔrɛ na kaŋɛ Mosis fanɛ

Levitikɔs 18:30

Ade kikɛ be kaman nɛ Enyɛnpe Ebɔrɛ na naŋ kaŋɛ: “Men wora asɔ nɛ n yili n sa menyi ere kasonu nsaa maŋ wora mbushusheŋ nɛ basa nɛ b daa wɔ kasawule na so na wora na. Men sa maŋ kaŋ wora amo nseŋ luri eyurpi to. Ma e la Enyɛnpe, men be Ebɔrɛ na.”

Levitikɔs 18:4

Men baa nu nsaa wora a bɛ ma mbraana so. Ma e la Enyɛnpe, men be Ebɔrɛ na.

Levitikɔs 19:10

Men sa maŋ bɛta n yɔ menyi be asɔrso be adɔ to n naŋ ya chuge asɔrso nɛ men maŋ wu n chuge ŋko n ya tise amo nɛ amo gbagba tɔr to na. Men yige amo n sa betirpo nɛ befɔ. Ma e la Enyɛnpe, men be Ebɔrɛ na.

Levitikɔs 19:34

Men baa keta bumo fanɛ men braana Israɛl be basa nsaa sha bumo fanɛ men gbagba be amu. Men baa nyiŋi fanɛ menyi alɛ gba daa la befɔ nna ashi Ijipt be efuli so. Ma e la Enyɛnpe, men be Ebɔrɛ na.

Levitikɔs 20:23

Men sa maa bɛ basa nɛ b wɔ ndoŋ na be edaŋkaresheŋ so a wora asheŋ fanɛ bumo. Mee ju nnyamase na nna nɛ men nya ekpa n luri kasawule na so, ŋkpal b ka wora asheŋ lubi n shin nɛ ma kagbene kaa so.

Levitikɔs 20:7

Men lara menyi be amu n yili a du cheembi n sa ma, ŋkpal manɛ so, ma e la Enyɛnpe, men be Ebɔrɛ na.