Levitikɔs 18:19 - EBƆRƐ BE KAWƆL

¹⁹ Sa maŋ kaŋ di eche jemanɛ nɛ e bee lar ntamaŋ, ŋkpal manɛ so, e wɔ eyurpi to nna na.

Levitikɔs 18:19 ပူးပေါင်းရင်းမြစ်များ

2 Samuɛl 11:4

Nɛ Deevid shuŋi fanɛ b ya tre mo m ba. B ka ya bar mo, nɛ e keta mo n ya di nɛ kache na bɛta n yɔ epe. Kumo be jemanɛ so malɛ nɛ e baŋ wora eyurpi n loge.

Ezikɛl 18:6

E maa ji agbirjibi ŋko a shuŋ Israɛl be basa be agbirana na. Mo alɛ maa sha mo barkasa be eche ŋko a di eche jemanɛ nɛ e bee lar ntamaŋ.

Ezikɛl 22:10

Basa na be beko wɔtɔ nna a di bumo tutoana be beche nɛ beko malɛ bee tintiŋ a di beche nɛ baa lar ntamaŋ.

Levitikɔs 12:2

e kaŋɛ Israɛlebi na le: “Eche kama nɛ e di kedampo ŋ kurge ebinyɛn beeŋ wora eyurpi daŋkare be ekpa so nchɛnshunu fanɛ kananɛ e bee wora eyurpi jemanɛ nɛ e bee lar ntamaŋ na.

Levitikɔs 15:19

Nɛ eche lar ntaman nna, e beeŋ wora eyurpi nchɛ ashunu. Esa kama malɛ nɛ e beta mo gba beeŋ wora eyurpi n ya fo kaaseso.

Levitikɔs 15:24

Nɛ enyɛn di eche nɛ e bee lar ntaman, eche na be eyurpi na suse enyɛn na nna na. Enyɛn na gba beeŋ baa wɔ eyurpi to nchɛ ashunu nɛ kusɔ kama nɛ e dese so gba a wora eyurpi.

Levitikɔs 18:18

Sa maŋ kaŋ ta fo eche mo sipo ŋ ki fo eche nɛ mo nɛ mo da e ki kechamana jemanɛ nɛ fo eche kraa wɔ ŋkpa to.

Levitikɔs 20:18

Nɛ enyɛn di eche jemanɛ nɛ eche na bee lar ntamaŋ, a daga fanɛ b ju bumo benyɔ na kikɛ n lar kade na to, ŋkpal manɛ so, b wora n da kebaawalɛ so ashi Ebɔrɛ be anishi be mbra so nna na.