Levitikɔs 17:7 - EBƆRƐ BE KAWƆL

⁷ Israɛlebi na e sa maa lar Enyɛnpe Ebɔrɛ na kaman n ya kaa mɔ bumo be asɔbɔya a lara esarga a sa agbir nɛ a bee ji mboe ŋko ayoyu lubi ashi bumo be ndɔana to. Mbra ere dese nna n sa bumo nɛ bumo be kaman to ebi kikɛ hale mbaanaayɔ.

Levitikɔs 17:7 ပူးပေါင်းရင်းမြစ်များ

2 Kronikɛls 11:15

Ewura Jeroboam daŋ lara mo gbagba be bɔrɛmatapoana nna fanɛ b baa shuŋ kakpa nɛ nnyamase na bee lɔŋɛ bumo be agbir na nsaa sha fanɛ b baa shuŋ ayoyu lubi nɛ egbolufɔlbi nɛ e lɔŋɛ fanɛ agbir na.

Nshɛ 106:37

B daŋ ta bumo be mbia n lara esarga nna n sa ayoyu lubi.

Nshɛ 106:39

Kusɔ nɛ b daŋ wora na shin nɛ b wora eyurpi daŋkare be ekpa so nna. B daa maŋ ji kashenteŋ n sa Ebɔrɛ.

Ɛksodɔs 22:19

Enyɛn kama nɛ e tu kusɔbɔya n di keche nɛ kenyɛn, k daga fanɛ b mɔ mo.

Ɛksodɔs 22:20

Esa kama nɛ e lara sarga n sa kegbir kama m baŋ ma, Enyɛnpe Ebɔrɛ so, b mɔ mo.

Ɛksodɔs 27:21

Ɛɛrɔn nɛ mbe mbinyɛnso e daga fanɛ b baa chɔɔ efitila na so a yili patisa nɛ k kuŋ kɔnɔkoŋwule be ŋkre be deka na be anishito na. B baa chɔɔ efitila na so kaaseso kikɛ nɛ a baa fuli to ma, Enyɛnpe Ebɔrɛ be wajɛbu na to a klade. A daga fanɛ Israɛlebi nɛ bumo be kaman to ebi kikɛ e baa bɛ mbra ere so mbaanaayɔ.

Ɛksodɔs 32:8

B teŋ kini kebɛ mbra nɛ n sa bumo na so nseŋ ŋalga shuwa n lɔŋɛ kenabi a shuŋ nsaa lara esarga a sa kumo a kaŋɛ fanɛ bumo be ebɔrɛ mo nɛ a lara bumo ashi Ijipt be kasawule so na nna na.”

Ɛksodɔs 34:15

Men sa maŋ kaŋ shin nɛ menyi nɛ kasawule na so be basa e wora kɔnɔkoŋwule be ŋkre kikɛ, nɛ mannɛ aloŋ, b baa lɔŋɛ bumo be agbirana, baaŋ tre menyi n fule menyi nɛ men ji agbirjibi na be ako.

Jɛremaya 3:1

Nɛ Enyɛnpe Ebɔrɛ kaŋɛ Israɛl be basa na le: “Nɛ enyɛn baaŋ kini mbe eche nɛ eche na ya kil enyɛn pɔtɛ, loŋ be eche na maaŋ naŋ tiŋ m bɛta n yɔ mo kul dra na kutɔ. Nɛ e wora loŋ kasawule na beeŋ wora eyurpi daŋkare be ekpa so. Ama menyi Israɛl be basa kɔ agbir damta nɛ e chɔ sakaleche be benyɛnana gba. Nɛ manɛ so nɛ ma ere beeŋ naŋ sɔ menyi?

Ezikɛl 23:3

Bumo be kebia to kikɛ nɛ b ki esakaleche ashi Ijipt be efuli so. Ndoŋ nɛ benyɛn daŋ ta bumo ŋ ki beche.

Ezikɛl 23:8

Jemanɛ nɛ benyɛn jija mo nseŋ ta mo ŋ ki eche ashi Ijipt be efuli so mbe kebia to kikɛ hale nɛ mbre e maŋ naŋ yige mbe kesakalea na.

Levitikɔs 17:8

Men baa nyiŋi fanɛ Israɛl be esa kikɛ ŋko efɔ kama nɛ e chena bumo to nseŋ lara sarga chɔɔso ŋko sarga be yiri kikɛ

Levitikɔs 20:5

meeŋ pal kaman n sa esa na nɛ mbe kanaŋ kikɛ nɛ bekama nɛ b ti mo so a maŋ ji kashenteŋ n sa ma nseŋ ya kaa shuŋ kegbir Mɔlɛk na. B maaŋ naa ti ma basa so.

Levitikɔs 3:17

Israɛl be esa kikɛ maŋ daga e ka ji nfɔ ŋko ŋklaŋ. K la mbra nɛ k dese nna n sa Israɛl be basa kikɛ ashi kaplɛkama nɛ b wɔ nna hale mbaanaayɔ.

Baru lela nɛ Jɔn kute na 12:31

Naniere bre keji durnya ere demu be saŋɛ fo, naniere nɛ kegboŋi durnya ere to be ejuŋkparpo na ashi mbe kejuŋkpar na to na fo.

Baru lela nɛ Jɔn kute na 14:30

M maaŋ naŋ malga menyi kutɔ n chɛr, ŋkpal manɛ so, durnya ere to be ejuŋkparpo na bee ba.

1 Kɔrintebi 10:20

Ayai, kusɔ nɛ mee ŋini e la fanɛ esarga mo nɛ basa nɛ b maŋ nyi Ebɔrɛ bee kaa lara na, la asɔ nɛ baa ta a sa alizinaana nna, mannɛ Ebɔrɛ nɛ baa ta a sa. Ma alɛ maa sha fanɛ menyi nɛ alizinaana e baa kɔ kɔnɔkoŋwule a wora asheŋ.

2 Kɔrintebi 4:4

Bumo alɛ maŋ yirda nna, ŋkpal manɛ so, durnya ere to be ebɔrɛ na e tan bumo be anishiana, saŋɛ na so b maaŋ baa wu Kristo nɛ e la Ebɔrɛ be kaduli gbagba na be kemaŋkura be baru lela na be kefulto na.

Ɛfesesebi 2:2

Loŋ be kebaawɔtɔ to nɛ men daa wɔ saŋɛ nɛ men daa bɛ durnya ere be asheŋ woraso so nseŋ daa bɛ esoso be eleŋana be ewura so, mo e la kiyoyu nɛ e wɔ basa nɛ b maa nu a sa Ebɔrɛ na to a shuŋ naniere na.

Ditɛronɔmi 31:16

Kumo be kaman nɛ Enyɛnpe Ebɔrɛ na kaŋɛ Mosis le: “Fo maaŋ naŋ chɛr nseŋ wu. Fo alɛ be luwu be kaman basa na maaŋ naa ji kashenteŋ a sa ma nseŋ lar kɔnɔkoŋwule be ŋkre nɛ ma nɛ bumo kre na to. Baaŋ lar ma kaman n ya kaa shuŋ nnyamase be agbirana nɛ a wɔ kasawule nɛ baa yɔ na so.

Ditɛronɔmi 32:17

B daŋ lara esarga nna n sa agbirana nɛ a maŋ la Ebɔrɛ, agbir popɔr nɛ bumo nananyɛnana daa maŋ nyi, agbirana nɛ Israɛl daa maŋ naŋ wora kasonu ŋ ku so.

Kelaraŋŋini 9:20

Edimɛdi mo nɛ asɔ na daa maŋ mɔ nɛ b daŋ ka na daa maŋ lar bumo be alubi mo nɛ b daŋ ta bumo be enɔana n wora na to, bumo alɛ daa maŋ yige kebaashuŋ alizinaana nɛ eshuwa nɛ egbiti nɛ ntishaŋana be agbirana nɛ ajembu nɛ ndibi mo nɛ a maaŋ tiŋ n nu ŋko n tiŋ n wu asɔ ŋko n nite na to.