Levitikɔs 17:6 - EBƆRƐ BE KAWƆL

⁶ Bɔrɛmatapo na beeŋ suse ŋklaŋ na ŋ ŋmenyaŋ bɔrɛsure nɛ k wɔ wajɛbu cheembi na be kabuna to na so nseŋ chɔɔ nfɔ nɛ amo be efɛa bee par Enyɛnpe Ebɔrɛ na.

Levitikɔs 17:6 ပူးပေါင်းရင်းမြစ်များ

Ɛksodɔs 29:13

Kede be kaman nɛ men lara apuntosɔ be nfɔ na kikɛ ŋ ku kegberche na be kaseto be kaba nseŋ lara achɛbi anyɔ na nɛ amo be nfɔ kikɛ n chɔɔ bɔrɛsure na so n lara sarga n sa ma.

Ɛksodɔs 29:18

n chɔɔ bɔrɛsure na so n lara sarga n sa ma. Loŋ be sarga chɔɔso na be efɛa bee par ma, Enyɛnpe Ebɔrɛ na nna.

Ezikɛl 44:15

Kumo be kaman, nɛ Enyɛnpetale Ebɔrɛ na kaŋɛ le: “Livai be yiri to be bɔrɛmatapoana nɛ b shi kanyɛn nɛ baa tre Zadɔk na be kabuna na bre daŋ maŋ kini ma kushuŋ bɔrɛlambu na to nseŋ ya shuŋ agbirana jemanɛ nɛ Israɛl be basa na daŋ kini ma na. Amoso bumo e naŋ tiŋ m ba ma anishi to m ba shuŋ ma fanɛ bɔrɛmatapoana nseŋ ta asɔbɔya be nfɔ nɛ ŋklaŋ n lara esarga.

Levitikɔs 17:5

Mbra ere ba nna nɛ k shin nɛ Israɛlebi e baa bar bumo be asɔbɔya nɛ baa mɔ a lara esarga mboŋ pɔtɛ na, Enyɛnpe Ebɔrɛ na kutɔ. Naniere bɔrɛmatapoana na kutɔ ashi wajɛbu na be kabuna to nɛ baaŋ baa bar amo m ba kaa mɔ amo a lara kɔnɔkoŋwule be esarga.

Levitikɔs 3:11

bɔrɛmatapoana na be eko nɛ e chɔɔ amo kikɛ bɔrɛsure na so n lara ajibi be sarga n sa Enyɛnpe Ebɔrɛ na.

Levitikɔs 3:13

e beeŋ ta mbe enɔ n deŋi kumo be kumu so nseŋ mɔ kumo ashi wajɛbu na be anishito. Bɔrɛmatapoana na beeŋ suse ŋklaŋ na ŋ ŋmenyaŋ bɔrɛsure na be mba ana na kikɛ so ŋ kulti

Levitikɔs 3:16

Bɔrɛmatapo na beeŋ chɔɔ amo kikɛ bɔrɛsure na so fanɛ ajibi be sarga nɛ k bee par Enyɛnpe Ebɔrɛ na. Nfɔ na kikɛ la Enyɛnpe Ebɔrɛ na peya nna.

Levitikɔs 3:2

Amodoŋwura beeŋ ta mbe enɔ n deŋi kusɔbɔya na be kumu so nseŋ mɔ kumo ashi wajɛbu na be kabuna ase. Kumo be kaman nɛ Ɛɛrɔn be mbinyɛnsobi nɛ b la bɔrɛmatapoana na e suse ŋklaŋ na ŋ ŋmenyaŋ bɔrɛsure na be mba ana na kikɛ so ŋ kulti,

Levitikɔs 3:5

Bɔrɛmatapoana na be beko beeŋ ta kusɔbɔya na be nfɔ na n ti ayu be sargajibi na so n chɔɔ bɔrɛsure na so nɛ k baa la sarga nɛ kumo be efɛa bee par Enyɛnpe Ebɔrɛ na nna.

Levitikɔs 3:8

e beeŋ ta mbe enɔ n deŋi kumo be kumu so nseŋ mɔ kumo ashi wajɛbu na be kabuna ase nɛ bɔrɛmatapoana na e suse ŋklaŋ na ŋ ŋmenyaŋ bɔrɛsure na be mba ana na so ŋ kulti.

Levitikɔs 4:31

Kumo be kaman nɛ e lara nfɔ na kikɛ fanɛ kananɛ baa lara kɔnɔkoŋwule be sarga be kusɔbɔya be nfɔ na n chɔɔ bɔrɛsure na so saŋɛ na so amo be efɛa beeŋ par Enyɛnpe Ebɔrɛ na. Kananɛ bɔrɛmatapo na beeŋ lara esa be kulubi be sarga nɛ e nya ketampaŋ nna na.

Nɔmbɛs 18:17

Ama a maŋ daga men ka tɔ ana nɛ mbolpɔ nɛ mboe bre be ewurkoŋ. Amo ere daga keta n lara sarga n sa ma ŋkpal manɛ so a la meya nna. Men mɔ amo n chulgi amo be ŋklaŋ n wurge bɔrɛsure na so nseŋ chɔɔ amo be nfɔ saŋɛ na so amo be edishi beeŋ dii m ba ŋ kutɔ ŋkpal manɛ so amo be efɛa bee wora ma ebel nna.