Levitikɔs 17:5 - EBƆRƐ BE KAWƆL

⁵ Mbra ere ba nna nɛ k shin nɛ Israɛlebi e baa bar bumo be asɔbɔya nɛ baa mɔ a lara esarga mboŋ pɔtɛ na, Enyɛnpe Ebɔrɛ na kutɔ. Naniere bɔrɛmatapoana na kutɔ ashi wajɛbu na be kabuna to nɛ baaŋ baa bar amo m ba kaa mɔ amo a lara kɔnɔkoŋwule be esarga.

Levitikɔs 17:5 ပူးပေါင်းရင်းမြစ်များ

Jɛnesis 21:33

Kumo be kaman nɛ Eebraham duu kedibi ko nɛ baa tre tamariski na ashi Bɛshiba nseŋ bunyaŋ Enyɛnpe Ebɔrɛ nɛ e wɔ ŋkpa to mbaanaayɔ na be ketre ndoŋ.

Jɛnesis 22:13

Malaika na ka kaŋɛ loŋ na nɛ Eebraham maŋ kumo so ŋ keni nɛ asɔ ko fanɛ chakpaŋare kre kpakpa ko n yili, nɛ e yɔ n ya saŋɛ kpakpa na m ba mɔ n chɔɔ n lara sarga n sa Ebɔrɛ, nseŋ yige mbe kebia na.

Jɛnesis 22:2

Nɛ Ebɔrɛ kaŋɛ mo: “Ta fo pibinyɛn koŋwule Aizek nɛ fee sha ga na n yɔ Moriya be kasawule so n ya mɔ mo n chɔɔ n lara sarga n sa ma ashi abee na be kumo nɛ meeŋ ŋini fo na so.”

Jɛnesis 31:54

Kumo be kaman nɛ e lara sarga abee be efuli na so ndoŋ nseŋ tre basa nɛ b wɔ ndoŋ na kikɛ nɛ b ba ji. B ka ji n loge nɛ b di ndoŋ ŋklade.

1 Bewura 14:23

B daŋ pɔr agbirlambuana nna nseŋ ta ajembu m pɔr eshabɔrɛ nɛ kegbirche Ashira be mpɔrduli n yili abee so nɛ ndibigboŋ nɛ a maaŋ gbaŋgbaŋ amo be afantaŋ be afito nsaa bunyaŋ amo.

1 Bewura 3:2

Kumo be saŋɛ na nɛ b maŋ naŋ pɔr bɔrɛlambu n sa Enyɛnpe Ebɔrɛ na, ŋkpal loŋ so abee so be mboŋ ko nɛ ekama daa yɔ n ya kaa bunyaŋ Ebɔrɛ nsaa lara sarga.

1 Bewura 3:3

Ewura Sɔlɔmɔn ka daa sha Enyɛnpe Ebɔrɛ ga so, e daŋ bɛ kusɔ nɛ mo tuto ewura Deevid kaŋɛ mo so nna. Mo alɛ gba daa ta asɔbɔya nna a lara sarga nsaa chɔɔ duwu ashi abee so be kakpa nɛ baa bunyaŋ Enyɛnpe Ebɔrɛ na.

2 Bewura 16:4

Ahaz daa lara mbe esarga nsaa chɔɔ duwu mboŋ nɛ nnyamase bee shuŋ bumo be agbir ashi abee so nɛ ndibi be afito nna.

2 Bewura 17:10

B daŋ ta ajembu nna m pɔr agbir nɛ kegbirche Ashira be kapɔrduli n yili abee so nɛ ndibi be afito a shuŋ amo.

2 Kronikɛls 28:4

Ewura Ahaz daa lara mbe esarga nsaa chɔɔ duwu, ashi nnyamase be mboŋ nɛ baa shuŋ bumo be agbir nɛ abee so nɛ ndibi be afito nna.

Ɛksodɔs 24:5

Kumo be kaman nɛ Mosis lara Israɛl be basa na to be mbrantiɛbia nɛ b ya lara sarga chɔɔso nseŋ ta ana n lara kɔnɔkoŋwuleso be esarga n sa Enyɛnpe Ebɔrɛ na.

Ezikɛl 20:28

Jemanɛ nɛ m bar men tutoana kasawule nɛ n nase kɔnɔ fanɛ meeŋ sa bumo na so n loge na, nɛ b baa wu agoŋgulombi nɛ ndibigboŋ nɛ a kɔ afantaŋ nseŋ ta amo ŋ ki bumo be agbirshuŋkpaana nsaa wɔtɔ a lara esarga amo ase a sa bumo be agbirana. B daa chɔɔ eduwu nna nsaa duga nsa a wurge agbirana na nɛ kumo be loŋ daa nu ma agbo nsaa kaa ma kagbene.

Ezikɛl 22:9

Fo basa na be beko bee ku efɛ nna a deŋi beko a fin bumo be kamɔ. Beko malɛ bee ji agbirjibi nna nɛ beko malɛ wɔtɔ a wora kusɔjiya be asheŋ.

Ezikɛl 43:27

Nchɛ ashunu na kaŋ choŋ, bɔrɛmatapoana na beeŋ fara a lara esarga chɔɔso nɛ kɔnɔkoŋwule be esarga bɔrɛsure na so. Saŋɛ na so nɛ ma kagbene e fuli Israɛl be basa so. Kusɔ nɛ ma, Enyɛnpetale Ebɔrɛ na kaŋɛ nna na.”

Ezikɛl 44:15

Kumo be kaman, nɛ Enyɛnpetale Ebɔrɛ na kaŋɛ le: “Livai be yiri to be bɔrɛmatapoana nɛ b shi kanyɛn nɛ baa tre Zadɔk na be kabuna na bre daŋ maŋ kini ma kushuŋ bɔrɛlambu na to nseŋ ya shuŋ agbirana jemanɛ nɛ Israɛl be basa na daŋ kini ma na. Amoso bumo e naŋ tiŋ m ba ma anishi to m ba shuŋ ma fanɛ bɔrɛmatapoana nseŋ ta asɔbɔya be nfɔ nɛ ŋklaŋ n lara esarga.

Levitikɔs 17:6

Bɔrɛmatapo na beeŋ suse ŋklaŋ na ŋ ŋmenyaŋ bɔrɛsure nɛ k wɔ wajɛbu cheembi na be kabuna to na so nseŋ chɔɔ nfɔ nɛ amo be efɛa bee par Enyɛnpe Ebɔrɛ na.

Ditɛronɔmi 12:2

Men ya jija abee jeŋgreŋ nɛ agoŋgulombi nɛ ndibigboŋ nɛ basa na ta ŋ ki bumo be agbirshuŋkpa na kikɛ.