Levitikɔs 17:15 - EBƆRƐ BE KAWƆL

¹⁵ Israɛl be esa kikɛ ŋko efɔ kama nɛ e we kusɔbɔya nɛ e wu kpi ŋko kusɔbɔya nɛ kupuŋ to be kusɔ pɛ, daga fanɛ e fɔr mbe asɔbuuso nseŋ bɛr nchu, ama e kraa beeŋ baa wɔ eyurpi to n ya fo kaaseso.

Levitikɔs 17:15 ပူးပေါင်းရင်းမြစ်များ

Ɛksodɔs 22:30

nɛ men be ana nɛ mbolpɔ gba peya m bɔɔ ma enɔ. Asɔbɔya na bre daga fanɛ b baa wɔ bumo nioana kutɔ nchɛnshunu nna, kachɛ burwasopo na nɛ b ta amo m bɔɔ ma enɔ.

Ɛksodɔs 22:31

Men la ma basa cheembi nna, amoso men sa maa ji eblaŋ nɛ kupuŋ to be asɔbɔya jiŋka. Men baa ta amo a lɛ njɔnɔ.

Ezikɛl 4:14

Nɛ ma alɛ kaŋɛ Enyɛnpetale Ebɔrɛ le: “Loŋ maaŋ wora, ŋkpal manɛ so, m maŋ naŋ ji ma ekishi n jija ma kumu kikɛ. Yili ma kebia to kikɛ, m maŋ naŋ ji kusɔ wuso ŋko kusɔ nɛ kusɔbɔya pɛ n ji ŋ ka kikɛ. Ajibi nɛ a maŋ walɛ so maŋ naŋ luri ma kɔnɔ kikɛ.”

Ezikɛl 44:31

Bɔrɛmatapoana maŋ daga fanɛ b ji kusɔbɔya ŋko kabuibi nɛ k wu kpi ŋko kumo nɛ kusɔbɔya pɔtɛ mɔ n ji ŋ ka be eblaŋ.”

Levitikɔs 11:24

Esa kama nɛ e beta asɔbɔya ere be kekama be kuwuso maaŋ baa walɛ so hale nɛ epeŋi e ya tɔr. Asɔbɔya na a la amo nɛ a kɔ alotobi nɛ a maŋ barga to nɛ amo alɛ maa gbu a pla nɛ asɔbɔya kikɛ nɛ a kɔ akuti. Esa kama nɛ e sulɔ asɔbɔya ere be kekama be kuwuso daga e fɔr mbe asɔbuuso, ama e kraa beeŋ baa wɔ eyurpi to n ya fo kaaseso.

Levitikɔs 11:31

Esa kama nɛ e beeŋ beta amo be kekama be kekeniso ŋko kuwuso beeŋ baa wɔ eyurpi to hale nɛ epeŋi e ya tɔr.

Levitikɔs 11:32

Nɛ emo be kekama wu n tɔr kusɔ kikɛ so fanɛ kedibi ŋko wajɛ ŋko kawɔl ŋko bɔtɛ, k beeŋ wora eyurpi nseŋ daga kefɔr. Ama kumo alɛ kraa beeŋ baa wɔ eyurpi na to hale n ya fo kaaseso.

Levitikɔs 11:39

Nɛ asɔbɔya nɛ menyeeŋ tiŋ n ji na gba be kekama wu kpi nɛ esa beta kumo, esa na beeŋ wora eyurpi hale nɛ kaase e ya fo.

Levitikɔs 11:40

Esa kama nɛ e we kusɔbɔya na be eblaŋ daga e fɔr mbe asɔbuuso, ama e beeŋ kraa wɔ eyurpi to hale nɛ kaase e ya fo. Esa kama malɛ nɛ e sulɔ loŋ be kusɔbɔya gba daga kefɔr mbe asɔbuuso, ama mo alɛ kraa beeŋ baa wɔ eyurpi to hale nɛ kaase e ya fo.

Levitikɔs 15:10

Esa kama nɛ e beta kusɔ kama nɛ e chena so beeŋ baa wɔ eyurpi to n ya fo kaaseso. Esa kama malɛ nɛ e sulɔ kusɔ kama nɛ e chena so daga fanɛ e fɔr mbe asɔbuuso nseŋ bɛr nchu, ama mo alɛ kraa beeŋ baa wɔ eyurpi to n ya fo kaaseso.

Levitikɔs 15:21

Esa kama nɛ e beta mbe kusɔ deseso ŋko kusɔ chenaso nɛ e dese so ŋko n chena so daga fanɛ e fɔr mbe asɔbuuso nseŋ bɛr nchu, ama mo alɛ kraa beeŋ baa wɔ eyurpi to n ya fo kaaseso.

Levitikɔs 15:5

Esa kama malɛ nɛ e beta mbe kusɔ deseso daga e fɔr mbe asɔbuuso nseŋ m bɛr nchu. Mo alɛ kraa beeŋ baa wɔ eyurpi to hale n ya fo kaaseso.

Levitikɔs 22:8

Bɔrɛmatapo maŋ daga fanɛ e ji kusɔbɔya nɛ k wu kpi ŋko kusɔbɔya nɛ kupuŋ to be kusɔ pɛ. Ŋkpal manɛ so k beeŋ shin nɛ e wora eyurpi. Ma e la Enyɛnpe Ebɔrɛ na.

Levitikɔs 7:24

Menyeeŋ tiŋ n ta kusɔbɔya wuso ŋko amo nɛ kusɔ pɛ be nfɔ n wora kusɔ pɔtɛ kikɛ, ama men sa maŋ kaŋ ji amo kikɛ.

Nɔmbɛs 19:19

Esa nɛ e walɛ so daŋkare be ekpa so na e naaŋ ta nchu na ŋ ŋmenyaŋ basa nɛ b wora eyurpi daŋkare be ekpa so na so kachɛ sasopo nɛ kushunusopo na. Loŋ be kachɛ shunusopo na, nɛ esa nɛ e maŋ walɛ so na e fɔr mbe epiŋi nseŋ bɛr pɔɛŋ n nyalɛ so kaaseso.

Nɔmbɛs 19:21

Mbra ere maaŋ chɛrga kikɛ. Ekama nɛ e bee ŋmenyaŋ nchu na a fɔr basa so daŋkare be ekpa so gba, daga e fɔr mbe epiŋi. Ekama nɛ e beta nchu na malɛ beeŋ wora eyurpi daŋkare be ekpa so n ya fo kaaseso.

Nɔmbɛs 19:8

Esa nɛ e chɔɔ kena na gba daga kefɔr mbe epiŋi nseŋ bɛr. Mo alɛ gba maaŋ baa walɛ so hale n ya fo kaaseso.

Ditɛronɔmi 14:21

Menyi ere la Enyɛnpe menyi be Ebɔrɛ na be basa nna, amoso men sa maŋ kaa ji kusɔbɔya kikɛ nɛ k wu kpi. Menyeeŋ tiŋ n shin nɛ befɔ nɛ b chena menyi to na bre e ji kumo, ŋko menyeeŋ tiŋ n fa kumo n sa befɔ pɔtɛ. Men sa maŋ kaa daŋɛ kubolpɔbi ŋko kaboebi be eblaŋ kumo nio be kenyipochu to kikɛ.

Kelaraŋŋini 7:14

Ndoŋ nna nɛ ŋ kaŋɛ mo le: “Ebunyampo, fo e nyi.” Nɛ e kaŋɛ ma: “Bumo e la basa nɛ b ji n lar tɔrɔgboŋ to na nseŋ fɔr bumo be epiŋi n ta amo n wɔtɔ Kpakpafɔlbi na be ŋklaŋ to nɛ a fuli parr na.