Levitikɔs 16:4 - EBƆRƐ BE KAWƆL

⁴ E beeŋ bɛr nchu pɔɛŋ nseŋ ta mbe kabɔrɛmata be epiŋi tenteŋ m buu n deŋi kumo be danshiki so nseŋ ta wajɛchɛbi be kreso paŋgelambi na ŋ kre so nseŋ naŋ ta neemu m mɛa kumu.

Levitikɔs 16:4 ပူးပေါင်းရင်းမြစ်များ

Ɛksodɔs 28:2

Nɛ fo baa epiŋi cheembi lela n sa fo da Ɛɛrɔn nɛ a shin nɛ e baa kɔ bunyaŋ nsaa walɛ keyɛrbi.

Ɛksodɔs 29:4

Kede be kaman nɛ men shin nɛ Ɛɛrɔn nɛ mbe bibinyɛn na e ba Enyɛnpe Ebɔrɛ be wajɛbu na be kabuna to m ba bɛr daŋkare be ekpa so.

Ɛksodɔs 30:20

K daga fanɛ b baa fɔr bumo be enɔana nɛ aya pɔɛŋ nsaa luri Enyɛnpe be wajɛbu na to n ya kaa lara sarga chɔɔso bɔrɛsure so, saŋɛ na so b maaŋ wu. Le be kesheŋ ere beeŋ baa la mbra nna a dese n sa bumo nɛ bumo be kaman to ebi kikɛ.”

Ɛksodɔs 40:12

Shin nɛ Ɛɛrɔn nɛ mbe bibinyɛn e ba Enyɛnpe be wajɛbu na be kabuna m ba fɔr bumo amu so daŋkare be ekpa so.

Aizaaya 53:2

Enyɛnpe Ebɔrɛ na gbagba be keparso nɛ mbe kenya daŋ ki fanɛ kusɔduuso nɛ k mur achin kasawule wɔlso so. E daa maŋ walɛ keyɛrbi ŋko a la esagboŋ ko nɛ basa nyi mbe asheŋ ŋko a keni mo a bɔlɔ kenishi. Mbe kapɔr be shɛŋ daa maa par basa, nɛ k shin nɛ basa e baa firgi a taga mo to.

Ezikɛl 44:19

Pɔɛŋ nɛ b lar n yɔ kowushina be kelɔnɛ na so ashi kakpa nɛ basa wɔ na, a daga fanɛ b lara epiŋi nɛ b buu a shuŋ bɔrɛlambu na to na n nase ebu cheembiana na to nna. Kumo be kaman nɛ b ta asɔbuuso pɔtɛ m buu n lar, saŋɛ na so bumo be asɔbuuso cheembi na maaŋ bar tɔrɔ basa so.

Ezikɛl 9:2

Epul to nɛ benyɛn ashe ko shi bɔrɛlambu na be kabuna nɛ k wɔ kelargato be esoso be kaba so na m ba. Bumo be ekama daa bɔ kekɔsɔ enɔ to nna. Kanyɛn ko nɛ e daŋ buu piŋi lela nsaa kɔ kasibɛ be asɔ enɔ to gba daŋ ti bumo so nna. Bumo kikɛ ba luri bɔrɛlambu na to nna n ya yili danyaŋ be bɔrɛsure na ase.

Levitikɔs 16:23

Kumo be kaman nɛ Ɛɛrɔn e bɛta n luri wajɛbu cheembi na to n ya gbaŋ kabɔrɛmata be asɔbuuso nɛ e buu pɔɛŋ nseŋ luri acheembiana to be kakpa cheembi na to na n nase.

Levitikɔs 16:24

A daga e yili kakpa cheembi na nna m bɛr nchu pɔɛŋ nseŋ ta mbe asɔbuuso gbagba m buu. Kumo be kaman nɛ e lar m ba lara sarga chɔɔso nɛ k beeŋ kpra mo nɛ basa na kikɛ be alubi na.

Levitikɔs 16:32

Nɛ Bɔrɛmatapo Nimuso baŋ wu, bɔrɛmatapo kama nɛ e beeŋ sɔ mo so na e naŋ baa wora le be kenyalɛso be kesheŋ wora ere. E beeŋ ta mbe kabɔrɛmata be asɔbuuso nna m buu pɔɛŋ

Levitikɔs 6:10

Bɔrɛmatapo na malɛ daga e ta mbe kabɔrɛmata be piŋi m buu ŋ deŋi mbe danshiki so m ba koli sarga chɔɔso na be nsunɔ na m muu n nase bɔrɛsure na be kekel to.

Levitikɔs 6:3

ŋko n wu mo barkasa be kusɔ nɛ k foe nseŋ ku efɛ m bɔ ntaŋ fanɛ e maŋ wu kumo so,

Luuk 1:35

Nɛ malaika na shuli so ŋ kaŋɛ: “Kiyoyu Cheeŋ na e naaŋ gbelge fo so nɛ Ebɔrɛ be eleŋ e ba buu fo so. Amoso, baaŋ tre kebia cheembi nɛ feeŋ kurge na Ebɔrɛ Pibinyɛn.

Filipaiebi 2:7

Ayai, e maŋ wora loŋ, mo gbagba e yili kumo n sa mbe kumu nseŋ yige kusɔ kama n nase nseŋ shin nɛ b kurge mo fanɛ nyiŋgbasa nɛ e wɔtɔ a kɔ kenya be kebaawɔtɔ gbagba chap.

Hibruwebi 10:22

men shin nɛ an ta kashenteŋ be ŋgbene nɛ yirda nɛ k maŋ kɔ shikashika nɛ ŋgbene mo nɛ b fɔr amo be nfɛra fɛso lubi n lɛ na nɛ eyurana nɛ b ta nchu mo nɛ a maŋ kɔ eyurpi amo to n fɔr na n firgi n taga Ebɔrɛ to.

Hibruwebi 2:14

Kumo alɛ ŋkpal basa na ka kɔ dimɛdi be eyur nɛ ŋklaŋ na so mo gbagba sɔ bumo be kapɔr koŋwule na nna, saŋɛ na so e beeŋ bɔla luwu to m mur esa nɛ e kɔ luwu be eleŋ na. Mo e la Setani na.

Hibruwebi 7:26

Amoso, mo e la bɔrɛmatapo nimuso nɛ e beeŋ tiŋ ŋ keni anyi be asheŋ to nɛnɛ n sa anyi. Mo e du cheembi nɛ shɛŋ maŋ gbiti mo, kulubi kama malɛ maŋ wɔ mo to. Ebɔrɛ lara mo nna nɛ e maŋ wɔ alubiworapoana to nseŋ maŋ mo so n yɔ esoso a chɔ awɔlpa so.