Levitikɔs 16:34 - EBƆRƐ BE KAWƆL

³⁴ Mbraana ere wɔtɔ nna mbaanaayɔ nɛ b baa bɛ amo so jemanɛ kikɛ. Alubi be keyigempaŋ be sarga ere daga kelara kela koŋwule kafɛ kikɛ nna nɛ Israɛlebi na e baa nya bumo be alubi be ketampaŋ.” Ndoŋ nna nɛ Mosis wora kusɔ nɛ Enyɛnpe Ebɔrɛ na kaŋɛ mo na kikɛ.

Levitikɔs 16:34 ပူးပေါင်းရင်းမြစ်များ

Ɛksodɔs 27:21

Ɛɛrɔn nɛ mbe mbinyɛnso e daga fanɛ b baa chɔɔ efitila na so a yili patisa nɛ k kuŋ kɔnɔkoŋwule be ŋkre be deka na be anishito na. B baa chɔɔ efitila na so kaaseso kikɛ nɛ a baa fuli to ma, Enyɛnpe Ebɔrɛ be wajɛbu na to a klade. A daga fanɛ Israɛlebi nɛ bumo be kaman to ebi kikɛ e baa bɛ mbra ere so mbaanaayɔ.

Ɛksodɔs 30:10

Kafɛ kikɛ malɛ a daga fanɛ Ɛɛrɔn e ta asɔbɔya nɛ b ta n lara kulubi be sarga na be ŋklaŋ n do bɔrɛsure na so kela koŋwule nɛ k ki cheembi. Le be kesheŋ ere la kusɔ nɛ menyi nɛ menyi be kaman to ebi beeŋ baa wora nna hale mbaanaayɔ. Bɔrɛsure ere la kusɔ cheembi nna n sa ma, Eyɛnpe Ebɔrɛ na.”

Ɛksodɔs 39:43

Mosis ka keni asɔ nɛ basa na lɔŋɛ na kikɛ n loge na nɛ e wu fanɛ b wora kushuŋ na kananɛ Enyɛnpe Ebɔrɛ daŋ kaŋɛ na gbagba chap. Ndoŋ nna nɛ Mosis nɛfa bumo.

Levitikɔs 16:2

“Kaŋɛ fo da Ɛɛrɔn fanɛ jemanɛ nɛ k daga nawule nɛ e beeŋ tiŋ n luri acheembiana to be kakpa cheembi nɛ k wɔ patisa na be kaman na to, ŋkpal manɛ so, ndoŋ nɛ mee bɔla kuwɔlpa nɛ k buu kɔnɔkoŋwule be ŋkre be deka na so a lara ma kumu a ŋini. Nɛ mannɛ aloŋ, e beeŋ wu.

Levitikɔs 17:1

Nɛ Enyɛnpe Ebɔrɛ na kaŋɛ Mosis le:

Levitikɔs 23:28

Men sa maŋ kaŋ shuŋ shɛŋ loŋ be kachɛ na, ŋkpal manɛ so, k la kachɛ nɛ baa nyiŋi Alubi be Ketampaŋ be daŋkare na nna. Loŋ be kachɛ nɛ baa yili menyi be katelamu to a kule Enyɛnpe men be Ebɔrɛ na alubi be ketampaŋ a sa menyi.

Levitikɔs 23:31

Le be mbra ere dese nna n sa menyi be kaman to ebi kikɛ ashi kaplɛkama nɛ b wɔ.

Levitikɔs 24:23

Mosis ka kaŋɛ Israɛlebi na mbraana na n loge, nɛ b keta kanyɛn nɛ e malga ŋ gbiti Ebɔrɛ na n lar keeyi na to n ya kpa mo ajembu m mɔ. Kananɛ Israɛl be basa na daŋ wora kusɔ nɛ Enyɛnpe Ebɔrɛ na kaŋɛ Mosis na nna na.

Levitikɔs 3:17

Israɛl be esa kikɛ maŋ daga e ka ji nfɔ ŋko ŋklaŋ. K la mbra nɛ k dese nna n sa Israɛl be basa kikɛ ashi kaplɛkama nɛ b wɔ nna hale mbaanaayɔ.

Nɔmbɛs 29:7

Men sa maŋ kaŋ shuŋ kushuŋ kikɛ ŋko n ji ajibi kufɔl shunusopo na be kachɛ kudusopo na. Men ba abar so m ba bunyaŋ Enyɛnpe Ebɔrɛ kumo be kamɔnchɛ.

Hibruwebi 10:14

Amoso, sarga koŋwule nɛ e baŋ ta n shin nɛ basa nɛ baa ki cheembi na bee ki basa cheembi na mbaanaayɔ.

Hibruwebi 10:3

Ama esarga mo nɛ b daŋ lara kafɛ kafɛ na e daa ŋini a ŋini bumo alubi ka wɔ bumo to.

Hibruwebi 9:25

Mo nawule e maŋ du fanɛ bɔrɛmatapo nimusoana nɛ b daa ta ŋklaŋ nɛ a maŋ la bumo gbagba peyaana a luri acheembiana to be kakpa cheembi kafɛ kafɛ a lar na. Mo ere daa maŋ luri n ta mbe kumu n lara sarga ale damta.

Hibruwebi 9:7

Ama bɔrɛmatapo nimuso na nawule e daa luri ebu nyɔsopo na to kela koŋwule kafɛ kama to. Mo alɛ gba daa maaŋ tiŋ n luri ndoŋ ama e ta ŋklaŋ nna n luri n ya lara mo gbagba be alubi so be sarga nseŋ naŋ yili basa na be katelamu to n lara sarga ŋkpal bumo be alubi nɛ b wora a maŋ de so na so.