Levitikɔs 16:29 - EBƆRƐ BE KAWƆL

²⁹ Mbraana ere daga fanɛ a baa dese nna nɛ b baa bɛ amo so mbaanaayɔ. Kufɔl shunusopo to be kachɛ kudusopo kikɛ, Israɛlebi nɛ befɔ kama nɛ b tu bumo n chena na kikɛ daga b kishi nsaa maŋ shuŋ kushuŋ kikɛ loŋ be kachɛ na.

Levitikɔs 16:29 ပူးပေါင်းရင်းမြစ်များ

1 Bewura 8:2

Kufɔl shunusopo nɛ baa tre Itaim na be saŋɛ nɛ baa ji ewajɛbu to be kejigboŋ na nɛ bumo kikɛ ba shɛr abar so.

Ɛzra 3:1

Israɛlebi na daŋ ta afɔl ashunu nna n chena bumo be ndeana to n loge. Kumo be kaman nɛ bumo kikɛ ba shɛr Jerusalɛm to.

Ɛzra 8:21

Ahava be kabombi na ase nɛ ŋ kaŋɛ fanɛ a daga an kikɛ ka kishi nseŋ bar anyi be amu kaseto ashi Ebɔrɛ be anishito nseŋ kule mo nɛ e juŋkpar anyi nseŋ keni anyi nɛ anyi be mbia nɛ anyi be asɔ kikɛ so ashi anyi be enite to.

Nshɛ 35:13

Ama b ka bee lɔ, kagbenejijaso be asɔbuuso nɛ m buu; m mɔn ma kumu ajibi; m bar ma kumu ase ŋ kule Ebɔrɛ

Nshɛ 69:10

Mee kishi nsaa shu; ama b kraa tege ma.

Ɛksodɔs 12:16

Men ta kachɛ sososo na nɛ kachɛ shunusopo na n shɛr n shuŋ Ebɔrɛ. Loŋ be nchɛ na, ekama e sa maŋ kaŋ shuŋ kushuŋ kikɛ, ama menyeeŋ tiŋ n daŋɛ ajibi bre kanaŋkamaso nɛ ekama beeŋ tiŋ n ji.

Ɛksodɔs 20:10

Kachɛ shunusopo na bre la ewushi be kachɛ nna n sa Enyɛnpe Ebɔrɛ men be Ebɔrɛ na. Kumo be kachɛ na bre menyi nɛ men be bibinyɛn nɛ bibiche nɛ anya nyɛnso nɛ becheso nɛ asɔbɔya dɔso nɛ befɔ nɛ b wɔ men be nde to kikɛ, maŋ daga fanɛ b shuŋ kushuŋ kikɛ.

Ɛksodɔs 30:10

Kafɛ kikɛ malɛ a daga fanɛ Ɛɛrɔn e ta asɔbɔya nɛ b ta n lara kulubi be sarga na be ŋklaŋ n do bɔrɛsure na so kela koŋwule nɛ k ki cheembi. Le be kesheŋ ere la kusɔ nɛ menyi nɛ menyi be kaman to ebi beeŋ baa wora nna hale mbaanaayɔ. Bɔrɛsure ere la kusɔ cheembi nna n sa ma, Eyɛnpe Ebɔrɛ na.”

Ɛksodɔs 31:14

Men baa bɛ loŋ be kewushiachɛ na be daŋkare so nsaa ta kumo fanɛ kachɛ cheembi. A daga b ka mɔ esa kama nɛ e kini kebɛ kumo so nseŋ shuŋ kumo be kamɔnchɛ.

Ɛksodɔs 31:15

Nchɛnshe e daga fanɛ men ta n shuŋ menyi be ashuŋ. Kachɛ shunusopo na bre la kachɛ cheembi n sa ma, Enyɛnpe Ebɔrɛ nna nɛ esa kama daga e ka wushi kamɔnchɛ. Esa kama nɛ e shuŋ kushuŋ kikɛ kumo be kamɔnchɛ daga b ka mɔ mo.

Aizaaya 58:13

Ade kikɛ be kaman nɛ Enyɛnpe Ebɔrɛ na naaŋ kaŋɛ le: “Nɛ men ta kewushiachɛ na fanɛ kachɛ cheembi a maa wora menyi gbagba be aparsheŋ fanɛ kebaayɔ nde ŋko a shuŋ kushuŋ be yiri kikɛ ŋko a malga mmalga jiga loŋ be kachɛ na,

Aizaaya 58:3

Kumo be kaman nɛ basa na bishi le: “Manɛ nna nɛ anyee kishi nɛ Enyɛnpe Ebɔrɛ na maa wu fanɛ anyee kishi? Nɛ manɛ nna nɛ anyee bar anyi be amu kaseto nɛ mbe lakal maŋ wɔ anyi so?” Ade be kaman nɛ Enyɛnpe Ebɔrɛ na malɛ kaŋɛ bumo le: “Kashenteŋ na e la fanɛ, jemanɛ kikɛ nɛ menyee kishi menyi gbagba be aparsheŋ nɛ menyee wora nsaa mɛaŋ menyi be beshumpoana.

Aizaaya 58:5

Men baŋ kishi kikɛ, menyee ta menyi be amu nna a wɔtɔ awurfoŋ to. Menyi alɛ naa wora asheŋ nna fanɛ bebɔlpo, a kurgi amu a yuu to fanɛ ayu ka bel n chulgi na nseŋ naa buu nli to be asɔbuuso a dese nsunɔ to a ŋini men ka bar menyi be amu kaseto. Le nɛ menyee tre ekishi nɛ k bee par ma nna a?

Danɛl 10:12

Ndoŋ nna nɛ e kaŋɛ le: “Danɛl sa maa lɔ kufu, baŋ yili saŋɛ nɛ fo fara m bar fo kumu ase a fin kepin asheŋ to na, nɛ Ebɔrɛ nu fo kabɔrɛkule nseŋ shuŋi ma fo kutɔ

Danɛl 10:3

N daa maŋ ji ajibi gbɛgbɛso kikɛ ŋko n we eblaŋ ŋko n nuu asɔnuuso ŋko ŋ gbiti ŋku bɔkwe asa na kikɛ to.

Levitikɔs 23:21

Men sa maŋ kaŋ shuŋ kushuŋ kikɛ loŋ be kachɛ na, ama keshɛr m bunyaŋ Enyɛnpe Ebɔrɛ na nawule. Kaplɛkama nɛ men wɔ, a daga fanɛ men be kaman to ebi ka bee bɛ mbraana ere so hale mbaanaayɔ.

Levitikɔs 23:3

Nchɛnshe nɛ menyeeŋ ta n shuŋ menyi be ashuŋ, ama men baa nyiŋi fanɛ kachɛ shunusopo na bre la Kewushiachɛ nna. Loŋ be kachɛ nɛ menyeeŋ ta n shɛr abar so m bunyaŋ ma Enyɛnpe Ebɔrɛ na. Kaplɛkama nɛ men wɔ, Kewushiachɛ na la Enyɛnpe Ebɔrɛ na be kachɛ nna.

Levitikɔs 23:36

Nchɛnshunu na kikɛ to menyeeŋ baa lara esargajibi karechɛ kikɛ. Kachɛ burwasopo na nɛ men shɛr m bunyaŋ Enyɛnpe Ebɔrɛ na nseŋ lara sargajibi n sa mo, ŋkpal manɛ so, k la kabɔrɛshuŋ be kachɛ nna nɛ a maŋ daga fanɛ men shuŋ shɛŋ.

Levitikɔs 25:9

Nfɛ adena nɛ akpanu na to be kufɔl shunusopo na be kachɛ kudusopo na nɛ b foŋ kabel awɔrso efuli na kikɛ to. Alubi be Ketampaŋ be Kachɛ nna na.

Levitikɔs 3:17

Israɛl be esa kikɛ maŋ daga e ka ji nfɔ ŋko ŋklaŋ. K la mbra nɛ k dese nna n sa Israɛl be basa kikɛ ashi kaplɛkama nɛ b wɔ nna hale mbaanaayɔ.

Nɔmbɛs 29:7

Men sa maŋ kaŋ shuŋ kushuŋ kikɛ ŋko n ji ajibi kufɔl shunusopo na be kachɛ kudusopo na. Men ba abar so m ba bunyaŋ Enyɛnpe Ebɔrɛ kumo be kamɔnchɛ.

Ashuŋ Shunso 27:9

An daŋ chɛr ndoŋ ga hale nɛ anyi be kenaŋ pɛ ekpa ya ki kpakpa, ŋkpal manɛ so, saŋɛ na so nɛ kachɛ nɛ baa nyiŋi alubi be keyigempaŋ be asheŋ be daŋkare na gba baŋ so.

1 Kɔrintebi 11:31

Ama nɛ an baŋ keni anyi gbagba be ŋgbene to nɛnɛ bre, anyi maaŋ luri demuji kama to.

Hibruwebi 4:10

Ŋkpal manɛ so, esa kama nɛ e luri Ebɔrɛ be kewushi to bee wushi ashi mo gbagba be ashuŋ to fanɛ kananɛ Ebɔrɛ daŋ wushi ashi mbe ashuŋ to na.

1 Samuɛl 7:6

Nɛ Israɛlebi na ba shɛr abar so ashi Mizpa. Samuɛl e daa la bumo be ejuŋkparpo. B daŋ saŋ nchu nna n chulgi n wurge kasawule fanɛ sarga n sa Enyɛnpe Ebɔrɛ. Bumo alɛ daŋ kishi kumo be kamɔnchɛ kikɛ nna nseŋ bugi to ŋ kaŋɛ Enyɛnpe Ebɔrɛ fanɛ b wora alubi n da mo so.