Levitikɔs 16:26 - EBƆRƐ BE KAWƆL

²⁶ Esa nɛ e keta kaboe na n ya lɛ kiyi to na daga fanɛ e fɔr mbe asɔbuuso nseŋ bɛr nchu nna pɔɛŋ nseŋ bɛta m ba keeyi na to.

Levitikɔs 16:26 ပူးပေါင်းရင်းမြစ်များ

Levitikɔs 11:24

Esa kama nɛ e beta asɔbɔya ere be kekama be kuwuso maaŋ baa walɛ so hale nɛ epeŋi e ya tɔr. Asɔbɔya na a la amo nɛ a kɔ alotobi nɛ a maŋ barga to nɛ amo alɛ maa gbu a pla nɛ asɔbɔya kikɛ nɛ a kɔ akuti. Esa kama nɛ e sulɔ asɔbɔya ere be kekama be kuwuso daga e fɔr mbe asɔbuuso, ama e kraa beeŋ baa wɔ eyurpi to n ya fo kaaseso.

Levitikɔs 11:31

Esa kama nɛ e beeŋ beta amo be kekama be kekeniso ŋko kuwuso beeŋ baa wɔ eyurpi to hale nɛ epeŋi e ya tɔr.

Levitikɔs 11:32

Nɛ emo be kekama wu n tɔr kusɔ kikɛ so fanɛ kedibi ŋko wajɛ ŋko kawɔl ŋko bɔtɛ, k beeŋ wora eyurpi nseŋ daga kefɔr. Ama kumo alɛ kraa beeŋ baa wɔ eyurpi na to hale n ya fo kaaseso.

Levitikɔs 11:39

Nɛ asɔbɔya nɛ menyeeŋ tiŋ n ji na gba be kekama wu kpi nɛ esa beta kumo, esa na beeŋ wora eyurpi hale nɛ kaase e ya fo.

Levitikɔs 11:40

Esa kama nɛ e we kusɔbɔya na be eblaŋ daga e fɔr mbe asɔbuuso, ama e beeŋ kraa wɔ eyurpi to hale nɛ kaase e ya fo. Esa kama malɛ nɛ e sulɔ loŋ be kusɔbɔya gba daga kefɔr mbe asɔbuuso, ama mo alɛ kraa beeŋ baa wɔ eyurpi to hale nɛ kaase e ya fo.

Levitikɔs 14:8

Ade kikɛ be kaman, esa na beeŋ fɔr mbe asɔbuuso nseŋ she mbe emin kikɛ. Kumo be kaman nɛ e bɛr nchu pɔɛŋ nseŋ nyalɛ so daŋkare be ekpa so. B baŋ wora loŋ n loge, e beeŋ tiŋ m bɛta n yɔ keeyi na to, ama nchɛnshunu be kaman pɔɛŋ nɛ e beeŋ tiŋ n luri mo gbagba be wajɛbu to.

Levitikɔs 15:27

Esa kama nɛ e beta kusɔ deseso ŋko kusɔ chenaso na gba wora eyurpi nseŋ daga fanɛ e fɔr mbe asɔbuuso nseŋ bɛr nchu, ama mo alɛ kraa beeŋ baa wɔ eyurpi to n ya fo kaaseso.

Levitikɔs 16:10

nseŋ ta kenyɔsopo keniso na n lara sarga n sa Enyɛnpe Ebɔrɛ na nseŋ yige mo n lɛ kiyi to nɛ k ta basa na be alubi n yɔ.

Levitikɔs 16:25

E beeŋ chɔɔ kusɔbɔya na be nfɔ bɔrɛsure na so n lara kulubi be sarga.

Levitikɔs 16:28

Esa nɛ e beeŋ chɔɔ amo na daga fanɛ e fɔr mbe asɔbuuso nseŋ bɛr nchu pɔɛŋ nseŋ bɛta m ba keeyi na to.

Levitikɔs 16:8

Ndoŋ nɛ meeŋ ŋini mo kusɔ nɛ e beeŋ wora. E beeŋ ta ajembu anyɔ n to beri n lara mboe anyɔ na to be kumo nɛ k beeŋ baa la Enyɛnpe Ebɔrɛ na peya nɛ kumo nɛ baaŋ yige n lɛ kupuŋ to nɛ k baa yɔ na.

Nɔmbɛs 19:21

Mbra ere maaŋ chɛrga kikɛ. Ekama nɛ e bee ŋmenyaŋ nchu na a fɔr basa so daŋkare be ekpa so gba, daga e fɔr mbe epiŋi. Ekama nɛ e beta nchu na malɛ beeŋ wora eyurpi daŋkare be ekpa so n ya fo kaaseso.

Hibruwebi 7:19

Ŋkpal manɛ so, Mosis be mbra na daa maŋ tiŋ n ta shɛŋ ŋ ki cheembi. Ama naniere tama popɔr naŋ ba nɛ an bɔla kumo so n firgi n taga Ebɔrɛ to.