Levitikɔs 16:24 - EBƆRƐ BE KAWƆL

²⁴ A daga e yili kakpa cheembi na nna m bɛr nchu pɔɛŋ nseŋ ta mbe asɔbuuso gbagba m buu. Kumo be kaman nɛ e lar m ba lara sarga chɔɔso nɛ k beeŋ kpra mo nɛ basa na kikɛ be alubi na.

Levitikɔs 16:24 ပူးပေါင်းရင်းမြစ်များ

Ɛksodɔs 28:40

Men baa nle nɛ ekreso nɛ eneemu n sa Ɛɛrɔn be bibinyɛn na malɛ nɛ a shin nɛ b baa kɔ bunyaŋ nsaa walɛ ayɛrbi.

Ɛksodɔs 28:41

Ade kikɛ be kaman nɛ men ta le be asɔbuuso ere m buu fo da Ɛɛrɔn nɛ mbe bibinyɛn na nseŋ ta ŋku ŋ gbiti bumo n ta bumo m bɔɔ Ebɔrɛ enɔ, saŋɛ na so baaŋ ki bɔrɛmatapoana cheembi a shuŋ ma.

Ezikɛl 42:14

Bɔrɛmatapoana na baa sha kelar bɔrɛlambu na to n yɔ kowushina be kelɔnɛ na so, a daga fanɛ b bɔla ebuana na ere to n lara bumo be asɔbuuso nɛ b buu n yɔ Enyɛnpe Ebɔrɛ na be anishito na n nase ndoŋ pɔɛŋ nseŋ ta asɔbuuso pɔtɛ m buu n lar.”

Levitikɔs 14:9

Kachɛ shunusopo na e beeŋ naŋ she mbe kumu nɛ katɔl nɛ anishi guŋgumbi nɛ mbe eyur so be afuibi kikɛ. Mo alɛ beeŋ naŋ fɔr mbe asɔbuuso nseŋ bɛr nchu pɔɛŋ nseŋ nyalɛ so.

Levitikɔs 16:25

E beeŋ chɔɔ kusɔbɔya na be nfɔ bɔrɛsure na so n lara kulubi be sarga.

Levitikɔs 22:6

Bɔrɛmatapo kama malɛ nɛ e wora eyurpi beeŋ baa wɔ eyurpi na to, hale n ya fo kaaseso. Mo alɛ maaŋ tiŋ n ji esarga cheembi na, ama e baŋ bɛr nchu nna pɔɛŋ.

Levitikɔs 9:7

Kumo be kaman nɛ Mosis naŋ kaŋɛ Ɛɛrɔn le: “Yɔ bɔrɛsure na ase n ya lara fo kumu so be sarga chɔɔso pɔɛŋ nseŋ lara kulubi be esarga ŋ kule fo nɛ basa na kikɛ be alubi be ketampaŋ fanɛ kananɛ Enyɛnpe Ebɔrɛ na yili kumo na.”

Hibruwebi 9:10

Asɔ na be asheŋ la asɔ jiso nɛ asɔ nuusoana nɛ daŋkare be eyurana so be kefɔr nna. Amo alɛ nseŋ naa la eyur so be atande nɛ a baa wɔtɔ n ya fo jemanɛ nɛ Ebɔrɛ beeŋ shin nɛ asɔ kikɛ e naŋ bɔla ekpa na.