Levitikɔs 16:22 - EBƆRƐ BE KAWƆL

²² Esa na kaŋ ya fo kiyi na to nɛ e saŋɛ kaboe na n lɛ nɛ k sulɔ bumo be alubi kikɛ n yɔ kakpa nɛ esa kikɛ maŋ wɔ.

Levitikɔs 16:22 ပူးပေါင်းရင်းမြစ်များ

Nshɛ 103:10

E maa gberge anyi kusoe kananɛ a daga fanɛ e gberge anyi kumo na; ŋko a laŋɛ anyi be alubi a ka anyi kukɔ.

Nshɛ 103:12

Kananɛ epeŋilarkpa nɛ epeŋitɔrkpa barga abar a wɔ kufɔ na, aloŋ nɛ Enyɛnpe Ebɔrɛ na lara anyi be alubi ashi anyi so.

Ezikɛl 18:22

Baaŋ nya bumo be alubi kikɛ be ketampaŋ, ŋkpal b ka wora asheŋ nɛ a daga so.

Ezikɛl 4:4

Ade be kaman nɛ fo dese fo bena so nchɛ alfa asa nɛ adekpanu a ŋini fanɛ Israɛl be basa beeŋ luri kasogberge to nfɛ alfa asa nɛ adekpanu. Kachɛ koŋwule kama yili nna n sa bumo be kafɛ koŋwule be awurfoŋ nɛ baaŋ ji na.

Levitikɔs 14:7

ŋ ŋmenyaŋ esa nɛ baa sha e ka nyalɛ so ashi mbe kulɔ lubi to na so ale shunu. Kumo be kaman nɛ bɔrɛmatapo na e shin nɛ mo nɛ ekama e pin fanɛ e nyalɛ so nseŋ yige kabuibi nyɔsopo na to nɛ e firgi n yɔ kupuŋ to.

Levitikɔs 16:21

E beeŋ ta mbe enɔana n deŋi kaboe na be kumu so nseŋ malga kumukpakpaso nɛ kesheŋ kini be asheŋ lubi nɛ Israɛl be basa na wora kikɛ n laŋɛ amo kikɛ n deŋi kaboe na be kumu so. Kumo be kaman nɛ e shin nɛ esa ko e gberge kaboe na n yɔ kiyi to n ya lɛ nɛ k ta basa na be alubi a yɔ.

Levitikɔs 16:23

Kumo be kaman nɛ Ɛɛrɔn e bɛta n luri wajɛbu cheembi na to n ya gbaŋ kabɔrɛmata be asɔbuuso nɛ e buu pɔɛŋ nseŋ luri acheembiana to be kakpa cheembi na to na n nase.

Maika 7:19

Fo e naa wu anyi kuwɔr fanɛ kananɛ fo daa wora na. Fee chichi anyi be alubi so nna a ta amo a lɛ teku be kechimbi to.

Baru lela nɛ Jɔn kute na 1:29

Asheŋ ere ka wora ŋ klade nɛ Jɔn wu Yesu ka bee ba mo kutɔ nɛ e kaŋɛ basa le: “Men keni, Ebɔrɛ be Kpakpafɔlbi nɛ k bee lara durnyaebi be alubi ashi bumo to a lɛ na.

Galeeshaebi 3:13

Ama Kristo sɔ anyi ashi kɔnɔso nɛ mbra na bee bar na to nna n yige. E yili anyi be katelamu to nna n shin nɛ b so mo gbagba kɔnɔ n sa anyi, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ esa kama nɛ baa ta a shiga kedibi so nna.”

Hibruwebi 9:28

To, loŋ koŋwule na nɛ b daŋ ta Kristo gba n lara sarga kela koŋwule pati nɛ e kpra basa damta be alubi ashi bumo so. Mo alɛ beeŋ naŋ bɛta kela nyɔsopo n lar m ba, ama kede bre, mannɛ alubi be kekpara so nɛ e bee ba, e kɔ kumɔlga nna a ba nɛ e ba sa bumo nɛ baa jo mo na kikɛ.

1 Pita 2:24

Mo ere gbagba e ta mbe eyur n ta an be alubi n yɔ kedibi largato na so nɛ an baa la basa nɛ b wu alubi be kaplɛa so nsaa wɔtɔ ŋkpal alelasheŋ so. Mbe eyur be kemurgi so nɛ men nya kechɛ.