Levitikɔs 16:21 - EBƆRƐ BE KAWƆL

²¹ E beeŋ ta mbe enɔana n deŋi kaboe na be kumu so nseŋ malga kumukpakpaso nɛ kesheŋ kini be asheŋ lubi nɛ Israɛl be basa na wora kikɛ n laŋɛ amo kikɛ n deŋi kaboe na be kumu so. Kumo be kaman nɛ e shin nɛ esa ko e gberge kaboe na n yɔ kiyi to n ya lɛ nɛ k ta basa na be alubi a yɔ.

Levitikɔs 16:21 ပူးပေါင်းရင်းမြစ်များ

Ɛzra 10:1

Anebi Ɛzra ka wɔ nɛ alubi be ketampaŋ be kabɔrɛkule to nsaa shu ŋkpal bumo be alubi damta nɛ b wora na so na, nɛ Israɛlebi be benyɛn nɛ beche nɛ mbia damta ko ba yili ŋ kulti mo ŋ wɔtɔ a shu kenishipereso.

Nshɛ 32:5

Nɛ n tuba nseŋ kaŋɛ fo ma alubi kikɛ. M maŋ naŋ ta kulubi kikɛ n ŋana; nɛ fo ta ma alubi kikɛ m paŋ ma.

Nshɛ 51:3

Ŋkpal manɛ so, n nyi ma alubi kikɛ be asheŋ. Ma alɛ maaŋ teŋ asheŋ lubi nɛ n wora na so kikɛ.

Ɛksodɔs 29:10

Men baŋ mɛa bumo to n loge, a daga fanɛ men ta gbolu na m ba Enyɛnpe be wajɛbu na be kabuna to m ba shin nɛ Ɛɛrɔn nɛ mbe bibinyɛn na e ta bumo be enɔana n deŋi kumo be kumu so.

Aŋasa 28:13

Esa kama nɛ e bee ta mbe alubi a ŋana maaŋ yɔ anishito kikɛ, ama Ebɔrɛ beeŋ wu esa nɛ e bee bugi to a kaŋɛ mbe alubi nsaa tuba a lar amo to bre kuwɔr.

Aizaaya 53:6

Anyi kikɛ daa du fanɛ mbolpɔ nɛ b yeŋ n foe n luri to nna. Ekama daŋ sɔ mbe ekpa nna a yɔ. Ama Enyɛnpe Ebɔrɛ na daŋ shin nna nɛ anyi be kasogberge ba mbe kenya so.

Levitikɔs 1:4

Esa nɛ e lara sarga na beeŋ ta mbe enɔ n deŋi gbolu na be kumu so, saŋɛ na so, k beeŋ baa la alubi be ketampaŋ be sarga n sa mo.

Levitikɔs 16:20

Ɛɛrɔn kaŋ wora acheembiana to be kakpa cheembi na nɛ wajɛbu na nɛ bɔrɛsure na be kenyalɛso be kesheŋ wora n loge, e beeŋ bar kaboe keniso nɛ baaŋ yige n lɛ nɛ k yɔ kiyi to na Enyɛnpe Ebɔrɛ na be anishito.

Levitikɔs 16:22

Esa na kaŋ ya fo kiyi na to nɛ e saŋɛ kaboe na n lɛ nɛ k sulɔ bumo be alubi kikɛ n yɔ kakpa nɛ esa kikɛ maŋ wɔ.

Levitikɔs 26:40

Ama nɛ menyi be kaman to ebi beeŋ tuba ashi bumo gbagba nɛ bumo nananyɛnana be alubi nɛ b wora ŋkpal b ka daŋ maŋ sa ma kashuli nseŋ nyaŋɛ to n wɔtɔ ma,

Levitikɔs 5:5

Esa kama nɛ e wora n da so ashi asheŋ ere be kekama to daga e tuba kulubi na to

Romebi 10:10

Ŋkpal manɛ so, esa be yirda ashi kagbene to e naa shin nɛ e bee ki elelapo Ebɔrɛ be anishito nɛ mbe kebaabugi kɔnɔ a ji eshɛda malɛ bee shin nɛ e bee nya kumɔlga.

2 Kɔrintebi 5:21

Anyi so nɛ Ebɔrɛ shin nɛ mo ere, esa nɛ e maŋ nyi kulubi na ki kulubi, saŋɛ na so mo so nɛ anyeeŋ ki Ebɔrɛ be anishito be belelapo.