Levitikɔs 16:2 - EBƆRƐ BE KAWƆL

² “Kaŋɛ fo da Ɛɛrɔn fanɛ jemanɛ nɛ k daga nawule nɛ e beeŋ tiŋ n luri acheembiana to be kakpa cheembi nɛ k wɔ patisa na be kaman na to, ŋkpal manɛ so, ndoŋ nɛ mee bɔla kuwɔlpa nɛ k buu kɔnɔkoŋwule be ŋkre be deka na so a lara ma kumu a ŋini. Nɛ mannɛ aloŋ, e beeŋ wu.

Levitikɔs 16:2 ပူးပေါင်းရင်းမြစ်များ

1 Bewura 6:16

B daŋ pɔr ŋkpar to be ebu nɛ baa tre acheembiana to be kakpa cheembi na bɔrɛlambu na to nna. Sida be ndibi nɛ b daŋ ta n yili kumo be kaseto m mata kumo be atarbi so hale n ya fo kumo be epɔ to kikɛ. Kumo be nteŋ daa la ayadra adesa nna.

1 Bewura 8:6

Bɔrɛmatapoana na e daŋ sulɔ Enyɛnpe Ebɔrɛ be ŋkre be deka na n ya yili m mata emalaika anyɔ na be aya ase ashi acheembiana to be kakpa cheembi na.

Ɛksodɔs 30:10

Kafɛ kikɛ malɛ a daga fanɛ Ɛɛrɔn e ta asɔbɔya nɛ b ta n lara kulubi be sarga na be ŋklaŋ n do bɔrɛsure na so kela koŋwule nɛ k ki cheembi. Le be kesheŋ ere la kusɔ nɛ menyi nɛ menyi be kaman to ebi beeŋ baa wora nna hale mbaanaayɔ. Bɔrɛsure ere la kusɔ cheembi nna n sa ma, Eyɛnpe Ebɔrɛ na.”

Levitikɔs 16:13

E beeŋ ta duwu na n wɔtɔ edɛ na to ashi Enyɛnpe Ebɔrɛ na be anishito ndoŋ nɛ duwu na be edishi a buu kɔnɔkoŋwule be ŋkre be deka na be buuso na so, saŋɛ na so e maaŋ wu kumo kenishiso nseŋ wu.

Levitikɔs 16:34

Mbraana ere wɔtɔ nna mbaanaayɔ nɛ b baa bɛ amo so jemanɛ kikɛ. Alubi be keyigempaŋ be sarga ere daga kelara kela koŋwule kafɛ kikɛ nna nɛ Israɛlebi na e baa nya bumo be alubi be ketampaŋ.” Ndoŋ nna nɛ Mosis wora kusɔ nɛ Enyɛnpe Ebɔrɛ na kaŋɛ mo na kikɛ.

Levitikɔs 8:35

A daga men baa wɔ wajɛbu na be kabuna to kapa nɛ kanyɛ kikɛ nsaa wora kusɔ nɛ Enyɛnpe Ebɔrɛ na yili na n ya fo nchɛ ashunu na. Nɛ men maŋ wora loŋ menyeeŋ wu.”

Nɔmbɛs 17:10

Nɛ Enyɛnpe Ebɔrɛ kaŋɛ Mosis le: “Bɛta Ɛɛrɔn bre be kekpabi na n ya nase ŋkre be deka na be anishito, nɛ k baa la kefiɛso n sa Israɛlebi nɛ baa fubel a bile asheŋ a malga a gbiti ma na. B baa maŋ yige bumo be nfubel na, bumo kikɛ beeŋ wu.”

Nɔmbɛs 18:7

Fo nɛ fo mbinyɛnsobi nawule e naaŋ baa shuŋ kabɔrɛmata be kushuŋ na ashi bɔrɛsure na so nɛ acheembiana to be kakpa cheembi na to. Ŋkpal manɛ so ma e ta kabɔrɛmata be kushuŋ ere n sa menyi. Amoso esa kama nɛ e ta kpramɛ n shuŋ kumo, daga b ka mɔ mo.”

Nɔmbɛs 4:19

e taga asɔ cheembi na to saŋɛ nɛ b maŋ naŋ buu amo so, mannɛ aloŋ, baaŋ wu. Amoso men shin nɛ Ɛɛrɔn nɛ mbe mbinyɛnsobi e tu Kohafebi na n luri wajɛbu na to ŋ ŋini bumo be ekama kusɔ nɛ e beeŋ sulɔ.

Nɔmbɛs 4:5

Enyɛnpe Ebɔrɛ daŋ kaŋɛ Mosis nna fanɛ nɛ b kaa shin nɛ b kaa bumo be keeyi to, b shin nɛ Ɛɛrɔn nɛ mbe mbinyɛnsobi e luri n saŋɛ patisa nɛ k kuŋ ŋkre be deka nɛ k wɔ kakpa cheembi na nɛ wajɛbu to na nseŋ ta kumo m buu deka na so.

Matiu 27:51

Ndoŋ nna nɛ bɔrɛlambu na to be patisa na yili kumo be esoso n chaŋɛ to m ba kaseto. Nɛ kasawule gbuŋgbuŋ to nɛ afalta baŋɛ m baŋɛ to.

Hibruwebi 6:19

Le be tama ere e shin nɛ anyi be yirda nɛ k wɔ anyi be ŋgbene to na bee wora eleŋ nɛnɛ a yili fanɛ kananɛ baa chɛ ekuloŋ a muni na a jo saŋɛ nɛ anyeeŋ nya n luri acheembiana to be kakpa cheembi to na.

Hibruwebi 9:25

Mo nawule e maŋ du fanɛ bɔrɛmatapo nimusoana nɛ b daa ta ŋklaŋ nɛ a maŋ la bumo gbagba peyaana a luri acheembiana to be kakpa cheembi kafɛ kafɛ a lar na. Mo ere daa maŋ luri n ta mbe kumu n lara sarga ale damta.

Hibruwebi 9:3

Patisa nyɔsopo ko malɛ daa wɔtɔ nɛ fo baŋ baŋ kumo so, fee luri ebu mo nɛ baa tre acheembiana to be kakpa cheembi na to nna.

Hibruwebi 9:5

Asɔ pɔrso anyɔ ko nɛ baa tre chɛrubim nɛ a daa ŋini fanɛ Ebɔrɛ be kemaŋkura wɔ ndoŋ na daa yuu deka na be kumu so nna m parga to m buu kakpa nɛ baa tre kuwɔr be kakpa na. Ama anyi maaŋ tiŋ m malga m malga asheŋ ere to n luri to n loge.

Kelaraŋŋini 15:8

Ade be kaman nɛ edishi shi Ebɔrɛ be kemaŋkura to nɛ mbe eleŋ to n sɔ bɔrɛlambu na kikɛ to nɛ esa kikɛ malɛ daa maŋ tiŋ n luri bɔrɛlambu na to hale nɛ emalaika ashunu na be etɔrɔ ashunu na ya loge.