Levitikɔs 16:18 - EBƆRƐ BE KAWƆL

¹⁸ e beeŋ lar m ba lara sarga chɔɔso n lɔŋɛ bɔrɛsure nɛ k yil Enyɛnpe Ebɔrɛ na be anishito na so. A daga e wora gbolu na nɛ kaboe na be ŋklaŋ na be ako ŋ gbiti bɔrɛsure na be alambɛ ana na be nnɔso so.

Levitikɔs 16:18 ပူးပေါင်းရင်းမြစ်များ

Ɛksodɔs 30:10

Kafɛ kikɛ malɛ a daga fanɛ Ɛɛrɔn e ta asɔbɔya nɛ b ta n lara kulubi be sarga na be ŋklaŋ n do bɔrɛsure na so kela koŋwule nɛ k ki cheembi. Le be kesheŋ ere la kusɔ nɛ menyi nɛ menyi be kaman to ebi beeŋ baa wora nna hale mbaanaayɔ. Bɔrɛsure ere la kusɔ cheembi nna n sa ma, Eyɛnpe Ebɔrɛ na.”

Ezikɛl 43:20

Kumo be kaman, nɛ b suse kusɔbɔya na be ŋklaŋ ŋ gbiti bɔrɛsure na be akel to be nnɔso ana na so nɛ kumo be nferinto gba peya so nɛ kumo be ekarso kikɛ ŋ kulti. Kananɛ menyeeŋ wora nɛ k nyalɛ so nsaa la kusɔ nɛ menyeeŋ tiŋ a lara esarga kumo so a sa ma nna na.

Ezikɛl 43:22

Kumo be ŋklade nɛ men ta kaboenyɛnso nɛ doro kikɛ maŋ wɔ kumo so n lara kulubi be sarga. Menyeeŋ ta kumo be ŋklaŋ n lɔŋɛ bɔrɛsure na so fanɛ kananɛ men ta gbolu na be ŋklaŋ n wora na.

Ezikɛl 45:19

Bɔrɛmatapowura na beeŋ suse kulubi be sarga be kusɔbɔya na be ŋklaŋ na be ako ŋ gbiti bɔrɛlambu na be akuloŋ be ndibi na nɛ bɔrɛsure na be mba ana na nɛ epunto be kelɔnɛ be akuloŋ be ndibi na.

Levitikɔs 16:16

Kananɛ e beeŋ wora nɛ acheembiana to be kakpa cheembi na e nyalɛ so ŋkpal Israɛl be basa na be eyurpisheŋ nɛ alubi nɛ b wora na so nna na. Aloŋ e daga fanɛ e wora wajɛbu na gba, ŋkpal manɛ so, k wɔ keeyi nɛ bumo be eyurpisheŋ wɔ kumo to na be nferinto nna.

Levitikɔs 16:17

Yili jemanɛ nɛ Ɛɛrɔn beeŋ luri acheembiana to be kakpa cheembi na to nɛ e ya wora kenyalɛso be kesheŋ wora na hale n ya fo e ka beeŋ lar, a maŋ daga esa kikɛ ka luri wajɛbu na to. E kaŋ wora loŋ n sa mo nɛ mbe kanaŋ nɛ efuli na kikɛ n loge na,

Levitikɔs 4:18

Kumo be kaman nɛ e ta ŋklaŋ na be eko ŋ gbiti bɔrɛsure na be mba ana na be nnɔso pɔɛŋ nseŋ chulgi amo nɛ a ka na n wurge bɔrɛsure nɛ k wɔ wajɛbu na be kabuna ase nɛ baa chɔɔ esarga kumo so na be kaseto.

Levitikɔs 4:25

Kumo be kaman nɛ bɔrɛmatapo na e suse ŋklaŋ na be eko n ta mbe keshilbi n nyɔ amo to ŋ gbiti bɔrɛsure na be mba ana na be nnɔso nseŋ chulgi amo nɛ a ka na n wurge bɔrɛsure na be kaseto.

Levitikɔs 4:7

Kumo be kaman nɛ e wora ŋklaŋ na be ako ŋ gbiti bɔrɛsure nɛ baa chɔɔ duwu kumo so na be mba ana be nnɔso na be kekama so, ashi wajɛbu na to na nseŋ chulgi ŋklaŋ nɛ a ka na n wurge bɔrɛsure nɛ baa chɔɔ esarga kumo so na be kaseto ashi wajɛbu na be kabuna ase.

Nɔmbɛs 28:22

B ta kaboelote n ti so n lara alubi be sarga daŋkare be ekpa so n sa basa na.

Baru lela nɛ Jɔn kute na 17:19

Bumo alɛ so mee lara ma kumu nna a yili a sa fo, saŋɛ na so bumo alɛ gba beeŋ lara bumo be amu n yili n sa fo kashenteŋto.

Hibruwebi 2:11

Basa nɛ b lara nɛ b ki Ebɔrɛ be basa na nɛ bumo be elarapo Yesu kikɛ shi kanaŋ koŋwule to nna. Amoso nɛ ketre bumo mo niopibiana maa wora mo anishinyɔr na.