Levitikɔs 16:10 - EBƆRƐ BE KAWƆL

¹⁰ nseŋ ta kenyɔsopo keniso na n lara sarga n sa Enyɛnpe Ebɔrɛ na nseŋ yige mo n lɛ kiyi to nɛ k ta basa na be alubi n yɔ.

Levitikɔs 16:10 ပူးပေါင်းရင်းမြစ်များ

Levitikɔs 14:7

ŋ ŋmenyaŋ esa nɛ baa sha e ka nyalɛ so ashi mbe kulɔ lubi to na so ale shunu. Kumo be kaman nɛ bɔrɛmatapo na e shin nɛ mo nɛ ekama e pin fanɛ e nyalɛ so nseŋ yige kabuibi nyɔsopo na to nɛ e firgi n yɔ kupuŋ to.

Levitikɔs 16:8

Ndoŋ nɛ meeŋ ŋini mo kusɔ nɛ e beeŋ wora. E beeŋ ta ajembu anyɔ n to beri n lara mboe anyɔ na to be kumo nɛ k beeŋ baa la Enyɛnpe Ebɔrɛ na peya nɛ kumo nɛ baaŋ yige n lɛ kupuŋ to nɛ k baa yɔ na.

Levitikɔs 16:9

Ɛɛrɔn beeŋ mɔ kaboe nɛ e to beri n lara n sa Enyɛnpe Ebɔrɛ na n lara kulubi be sarga

Romebi 3:25

Ebɔrɛ ta mo nna n sa basa nɛ e wu m mata be luwu nɛ k bee shin nɛ dimɛdi bee bɔla yirda so a nya alubi be ketampaŋ na. Ebɔrɛ wora loŋ nna nɛ e ŋini kananɛ e bee ji asheŋ nɛ amo be ekpa so, ŋkpal manɛ so, saŋɛ na e daa nyi basa be alubi nna nsaa nyiti bumo.

Romebi 4:25

Ebɔrɛ shin nɛ b daŋ ta mo nna n sa nɛ e wu ŋkpal anyi be alubi so nseŋ naŋ shin nɛ e tiŋi luwu na to nɛ an baa la belelapo Ebɔrɛ be anishito.

2 Kɔrintebi 5:21

Anyi so nɛ Ebɔrɛ shin nɛ mo ere, esa nɛ e maŋ nyi kulubi na ki kulubi, saŋɛ na so mo so nɛ anyeeŋ ki Ebɔrɛ be anishito be belelapo.

1 Jɔn 2:2

Mo e wu m mata be luwu nɛ k shin nɛ an nya alubi be ketampaŋ. Mannɛ anyi nawule be alubi so nɛ e wu, durnyaebi kikɛ be alubi so nɛ e wu.

1 Jɔn 3:16

Le nɛ an bɔla m pin kusɔ nɛ k la kasha. Yesu Kristo e shin nɛ b lara mbe ŋkpa ashi mo to n sa anyi. Amoso, a daga fanɛ anyi alɛ gba ka ta anyi be ŋkpaana n sa an niopibiana.