Levitikɔs 15:31 - EBƆRƐ BE KAWƆL

³¹ Ade kikɛ be kaman, nɛ Enyɛnpe Ebɔrɛ na naŋ kaŋɛ Mosis fanɛ e kpele Israɛl be basa na kusoe a laŋɛ bumo be eyurpisheŋ be kaplɛa so, saŋɛ na so b maaŋ ta eyurpi m pɛ wajɛbu nɛ k wɔ keeyi na be nferinto na. Nɛ b ta eyurpi m pɛ kumo, efuli na kikɛ beeŋ wu.”

Levitikɔs 15:31 ပူးပေါင်းရင်းမြစ်များ

Nshɛ 66:18

Alubi daa wɔ ma kagbene to, e daa maaŋ nu ma kekule.

Ezikɛl 23:38

B daŋ naŋ keni ma bɔrɛlambu na nɛ ma kewushiachɛ nɛ n yili na jiga nna a maŋ sa amo bunyaŋ.

Ezikɛl 36:17

“Dimɛdi pibi, Israɛlebi na ka daa wɔ bumo be kasawule so na, b daŋ bɔla bumo be kebaawɔtɔ nɛ asheŋ woraso so nna n jija kumo. Kananɛ eche nɛ e bee lar ntamaŋ maŋ walɛ so daŋkare be ekpa so na, nɛ bumo be kebaawɔtɔ na daa du n sa ma.

Ezikɛl 44:23

Bɔrɛmatapoana na e daga fanɛ b baa ŋini ma basa kusɔ nɛ k du cheembi nɛ kusɔ nɛ k maŋ du cheembi nseŋ naŋ ŋini bumo kusɔ nɛ k walɛ so daŋkare be ekpa so nɛ kusɔ nɛ k maŋ walɛ so daŋkare be ekpa so nɛ b pin amo be mbarga.

Ezikɛl 5:11

Ma, Enyɛnpetale Ebɔrɛ na, e naa bɔ ntaŋ a kaŋɛ fanɛ, ŋkpal men ka ta menyi be agbirana nɛ aworbi lubiana n shin nɛ ma bɔrɛlambu ki kakpa nɛ esa maaŋ naŋ tiŋ n shuŋ ma ndoŋ so, m maaŋ wu menyi kuwɔr ŋko n shu menyi so ŋko n shin nɛ men nya menyi be amu n ya ji kikɛ.

Danɛl 9:27

Loŋ be ejuŋkparpo na nɛ basa damta beeŋ wora kɔnɔkoŋwule kpakpaso nfɛnshunu. Nfɛnshunu na be bargato baŋ ji n choŋ, e beeŋ shin nɛ b yige esarga nɛ etoto be kebaa lara. Baaŋ ta Edɔsopogboŋ na be kapɔrduli n yili bɔrɛlambu na be esoso nɛ k ba wɔ ndoŋ n ya fo saŋɛ nɛ emo nɛ e ta kumo n yili ndoŋ na be jemanɛ nɛ Ebɔrɛ yili n sa mo na beeŋ fo ekar.”

Levitikɔs 11:47

Men baa da so nseŋ tiŋ m pin m barga asɔ nɛ a walɛ Ebɔrɛ be ekpa so ashi amo nɛ a maŋ walɛ so to, nseŋ tiŋ m barga asɔbɔya nɛ a daga keji ashi amo nɛ a maŋ daga keji to.”

Levitikɔs 13:59

Mbra nɛ k wɔtɔ a laŋɛ asɔbuuso nɛ b ta ateebi be jese ŋko jese pɔtɛ ŋko kusɔbɔya be kawɔl n wora nɛ k puu be kaplɛa so nna na. Kananɛ menyeeŋ wora m pin amo nɛ a walɛ so nɛ amo nɛ a maŋ walɛ so daŋkare be ekpa so nna na.

Levitikɔs 15:32

Mbraana nɛ a dese a laŋɛ enyɛn nɛ nchu bee lar mbe kenyɛnsɔ to ŋko enyɛn nɛ e di eche nseŋ ba eyur,

Levitikɔs 19:30

Men baa ta Kewushiachɛ na fanɛ kachɛ cheembi nsaa sa kakpa nɛ baa shuŋ ma na bunyaŋ. Ma e la Enyɛnpe Ebɔrɛ.

Levitikɔs 20:3

Esa kikɛ nɛ e ta mbe kebia n sa kegbir Mɔlɛk na jija ma nshɛrbu nseŋ ŋaba ma ketre cheembi na nna na. Ŋkpal loŋ so, meeŋ pal kaman n sa amodoŋwura nɛ e maaŋ naa la ma basa Israɛl ebi to be eko.

Levitikɔs 21:23

Ama ŋkpal mbe ndulgi na so, a maŋ daga e ka taga to patisa cheembi nɛ k bee kuŋ kɔnɔkoŋwule be ŋkre be deka na ŋko bɔrɛsure na to. A maŋ daga fanɛ e ta eyurpi m pɛ le be asɔ cheembi ere, ŋkpal manɛ so, ma e la Enyɛnpe Ebɔrɛ na. Ma alɛ e naa shin nɛ asɔ na bee ki cheembi.”

Nɔmbɛs 19:13

Esa kama nɛ e beta ebuni nseŋ kini kefɔr mbe kumu so daŋkare be ekpa so, wora eyurpi n jija Enyɛnpe be wajɛbu na nna nsaa maaŋ naŋ ti Ebɔrɛ be basa so.

Nɔmbɛs 19:20

Esa kama nɛ e wora eyurpi daŋkare be ekpa so nseŋ kini kefɔr mbe kumu so daŋkare be ekpa so wora eyurpi n jija Enyɛnpe be wajɛbu na nna nsaa maaŋ naŋ ti Ebɔrɛ be basa so.

Nɔmbɛs 5:3

Men ju benyɛn nɛ beche kama nɛ b wora eyurpi daŋkare be ekpa so, saŋɛ na so b maaŋ jija keeyi mo nɛ ma nɛ menyi kikɛ wɔ kumo to na.”

1 Kɔrintebi 3:17

Ekama nɛ e jija Ebɔrɛ be lambu, Ebɔrɛ beeŋ jija amodoŋwura gba, ŋkpal manɛ so, Ebɔrɛ be lambu la lambu cheembi nna, menyi alɛ e la loŋ be lambu na.

Ditɛronɔmi 24:8

Nɛ menyi to be ekama bee lɔ eyur so be kulɔ lubi kama fanɛ keboti a daga fanɛ e bɛ kusɔ nɛ bɔrɛmatapoana nɛ b shi Livai be yiri to na beeŋ kaŋɛ mo kikɛ so. Men baa bɛ mbraana nɛ n ta n sa menyi na so.

Hibruwebi 10:29

To, nɛ kananɛ k du le ere nɛ esa bee keni Ebɔrɛ Pibinyɛn na jiga ŋko a ta Ebɔrɛ be kɔnɔkoŋwule na be ŋkre be ŋklaŋ nɛ baa ta amo a fɔr basa so nɛ baa ki cheembi na fanɛ kusɔ nɛ k maŋ la shɛŋ ŋko a tege kuwɔr be kakɛ be Kiyoyu na bre, amodoŋwura be kasogberge beeŋ baa shi ga a chɔ Mosis be mbra na peya.

Juud 1:4

Mee kaŋɛ le nna, ŋkpal manɛ so, basa ko mo nɛ b maa nu a sa Ebɔrɛ ŋana n nyia n luri menyi to a sha kechɛrga Ebɔrɛ be kuwɔr be kakɛ nɛ e kɔ a sa anyi na be kifito, saŋɛ na so baaŋ nya ekpa a wora kulubi kama nɛ baa sha. Baa kini Yesu Kristo gbagba mo nɛ mo nawule la an Nyɛnpe mo nɛ e bee ji anyi so kuwura na. Dra na malɛ kikɛ nɛ b sibɛ abɔrɛsibɛ na to a kaŋɛ fanɛ Ebɔrɛ beeŋ gberge loŋ be basa na kikɛ kusoe.

1 Samuɛl 3:14

Amoso nɛ n fiɛ Eli be laŋ to ebi so ŋ kaŋɛ fanɛ sarga ŋko toto be kelara maaŋ tiŋ n lara le be alubi be kasogberge ere ashi bumo so na.”