Levitikɔs 15:18 - EBƆRƐ BE KAWƆL

¹⁸ Nɛ enyɛn nɛ eche di abar nɛ enyɛn na ba eyur nɛ nchu lar mo to, enyɛn nɛ eche na kikɛ daga kebɛr nchu, ama bumo alɛ kraa beeŋ baa wɔ eyurpi to n ya fo kaaseso.

Levitikɔs 15:18 ပူးပေါင်းရင်းမြစ်များ

2 Samuɛl 11:4

Nɛ Deevid shuŋi fanɛ b ya tre mo m ba. B ka ya bar mo, nɛ e keta mo n ya di nɛ kache na bɛta n yɔ epe. Kumo be jemanɛ so malɛ nɛ e baŋ wora eyurpi n loge.

Nshɛ 51:5

Kachɛ nɛ b kurge ma na kikɛ nɛ n la alubiworapo.

Ɛksodɔs 19:15

Kumo be kaman nɛ Mosis kaŋɛ bumo: “Men wora shiriya a jo eklade. Men sa maŋ kaŋ di keche nɛ kenyɛn hale n ya fo kumo be kachɛ na.”

Levitikɔs 15:16

Enyɛn kama nɛ enyɛn be nchu lar mo to, daga fanɛ e bɛr nchu nɛnɛ, ama mo alɛ kraa beeŋ baa wɔ eyurpi to n ya fo kaaseso.

Levitikɔs 15:17

Wajɛ ŋko kusɔbɔya be kawɔl be kusɔ kama nɛ enyɛn be nchu na beta daga kefɔr, ama kumo alɛ kraa beeŋ baa wɔ eyurpi to n ya fo kaaseso.

Levitikɔs 15:5

Esa kama malɛ nɛ e beta mbe kusɔ deseso daga e fɔr mbe asɔbuuso nseŋ m bɛr nchu. Mo alɛ kraa beeŋ baa wɔ eyurpi to hale n ya fo kaaseso.

1 Kɔrintebi 6:12

Menyi be beko bee kaa kaŋɛ le kukoko to: “Ŋ kɔ ekpa nɛ n wora kusɔ kama nɛ mee sha.” Kashenteŋ nna, ama mannɛ kusɔ kama malɛ e walɛ n sa ma. Menyee yɛ kukoko to: “Ŋ kɔ ekpa nɛ n wora kusɔ kama nɛ mee sha.” Kashenteŋ nna, ama ma alɛ maaŋ shin nɛ kusɔ kama e ta ma ŋ ki kumo be kenya.

1 Kɔrintebi 6:18

Amoso, men baa gelge kesakalea be keji. Kulubi kama nɛ esa wora, e maa wora kumo a gbiti mbe eyur, ama ekama nɛ e bee ji kesakalea bee ji kumo nna a gbiti mo gbagba be eyur nna na.

2 Timoti 2:22

Amoso, baa gelge kebrantiɛ to be ayɛlgasɔ nsaa ta fo nfɛra a wɔtɔ alelasheŋ nɛ yirda nɛ kasha nɛ kagbenewushi to nɛ fo nɛ bumo nɛ b kɔ kagbene koŋwule cheembi a kule Ebɔrɛ na e baa wɔ loŋ be kebaawɔtɔ to.

Hibruwebi 13:4

A daga fanɛ ekama e baa bunyaŋ kakil nsaa maŋ ta eyurpi a wɔ kakil to, ŋkpal manɛ so, Ebɔrɛ beeŋ gberge bekama nɛ b kɔ kesakalea nɛ bekama nɛ b wɔtɔ a kɔ kusɔjigaya be kebaawɔtɔ kusoe.

1 Pita 2:11

N teri lelaana, mee kule menyi nna fanɛ men baa gelge ayɛlgasɔ lubiana nɛ a wɔ men be eyurana to a kɔ men be ayoyuana kena, a na fanɛ befɔ nɛ benitepo ashi durnya ere to.