Levitikɔs 15:14 - EBƆRƐ BE KAWƆL

¹⁴ Kachɛ burwasopo na nɛ e ta elepɔ anyɔ ŋko ali anyɔ m ba sa bɔrɛmatapo na ashi wajɛbu na be kabuna ase.

Levitikɔs 15:14 ပူးပေါင်းရင်းမြစ်များ

Levitikɔs 1:14

Nɛ fanɛ kabuibi nɛ esa na kɔ a lara sarga na, a daga k baa la lepɔ ŋko keli.

Levitikɔs 12:6

Nchɛ nɛ eche na beeŋ ta n nyalɛ so na kaŋ fo ekar, e beeŋ bar kpakpa nɛ k fo kafɛ koŋwule nɛ keli ŋko lepɔ m ba sa bɔrɛmatapo na ashi wajɛbu cheembi na be kabuna nɛ e ta kpakpa na n lara sarga chɔɔso nseŋ ta keli ŋko lepɔ na n lara kulubi be sarga.

Levitikɔs 12:8

Nɛ eche na maaŋ tiŋ n nya kpakpafɔlbi na, e beeŋ bar ali anyɔ ŋko elepɔ anyɔ, nɛ kukoŋwule e baa la sarga chɔɔso peya nɛ kenyɔsopo na e baa la kulubi be sarga peya. Nɛ bɔrɛmatapo na e ta amo n lara kenyalɛso be sarga nɛ eche na e nyalɛ so daŋkare be ekpa so.”

Nɔmbɛs 6:10

Kumo be kachɛ burwasopo na nɛ e ta elepɔ anyɔ ŋko ali anyɔ m ba sa bɔrɛmatapo na ashi Enyɛnpe Ebɔrɛ na be wajɛbu na be kabuna to.

2 Kɔrintebi 5:21

Anyi so nɛ Ebɔrɛ shin nɛ mo ere, esa nɛ e maŋ nyi kulubi na ki kulubi, saŋɛ na so mo so nɛ anyeeŋ ki Ebɔrɛ be anishito be belelapo.

Hibruwebi 10:10

Ŋkpal Yesu Kristo ka daŋ wora kusɔ nɛ Ebɔrɛ daa sha e ka wora na so, an kikɛ fɔr so n nyalɛ so, ŋkpal sarga mo nɛ e ta mo gbagba be kumu n lara na so.

Hibruwebi 10:12

Ama mo Yesu ere, sarga koŋwule pati nɛ e lara ŋkpal alubi so nɛ k bee kukwe a sa saŋkikɛ. Kumo be kaman nɛ e chena Ebɔrɛ be jisoso, ebunyampo be kakpa na.

Hibruwebi 10:14

Amoso, sarga koŋwule nɛ e baŋ ta n shin nɛ basa nɛ baa ki cheembi na bee ki basa cheembi na mbaanaayɔ.

Hibruwebi 7:26

Amoso, mo e la bɔrɛmatapo nimuso nɛ e beeŋ tiŋ ŋ keni anyi be asheŋ to nɛnɛ n sa anyi. Mo e du cheembi nɛ shɛŋ maŋ gbiti mo, kulubi kama malɛ maŋ wɔ mo to. Ebɔrɛ lara mo nna nɛ e maŋ wɔ alubiworapoana to nseŋ maŋ mo so n yɔ esoso a chɔ awɔlpa so.