Levitikɔs 14:54 - EBƆRƐ BE KAWƆL

^54-57 Mbraana nɛ a wɔtɔ a laŋɛ eyur so be alɔ lubi fanɛ achuu lubi nɛ achuubɔbɔ nɛ asɔpuŋiso ka wora esa ŋko abibi ka wurge esa be eyur so ŋko afɔr ka to esa be eyur so ŋko asɔbuuso so ŋko nwu ka puu ŋko esa ŋko kusɔ ka walɛ so ŋko k maŋ walɛ so daŋkare be ekpa so be kaplɛa so nna na.

Levitikɔs 14:54 ပူးပေါင်းရင်းမြစ်များ

Levitikɔs 11:46

Mbraana nɛ a wɔtɔ a laŋɛ asɔbɔya nɛ mbuibi nɛ nchu to be asɔ keniso kikɛ nɛ kusɔ kama nɛ k bee nite ŋko a gbeye kasawule so be kaplɛa so nna na.

Levitikɔs 13:3

Bɔrɛmatapo na beeŋ mige mbe kuchuu na to ŋ keni nɛnɛ nɛ afuibi nɛ a wɔ kumo to na kilgi n fuli nɛ kuchuu na malɛ ji n luri eblaŋ to, kumo ere k beeŋ tiŋ a la kulɔ lubi fanɛ keboti nna. Saŋɛ na so bɔrɛmatapo na beeŋ shin nɛ mo nɛ ekama e pin fanɛ e maŋ walɛ so nna na.

Levitikɔs 14:2

“Mbraana nɛ a wɔtɔ n sa esa nɛ e lɔ eyur so be kulɔ lubi fanɛ keboti ŋ ku so nseŋ nya kechɛ nde. Kachɛ nɛ a daga b shin nɛ ekama e pin fanɛ e nyalɛ so na kaŋ fo, b shin nɛ bɔrɛmatapo na e pin mbe asheŋ.

Levitikɔs 14:32

Mbraana nɛ a dese n sa esa nɛ kulɔ lubi fanɛ keboti pɛ nɛ mo alɛ maaŋ tiŋ n nya esargasɔ nɛ a daga e lara nseŋ nyalɛ so nna na.

Levitikɔs 14:53

Kumo be kaman nɛ e shin nɛ kabuibi keniso na e firgi n lar kade na to n yɔ kupuŋ to. Kananɛ e beeŋ wora kenyalɛso be kasheŋwora nɛ laŋ na e naŋ nyalɛ so daŋkare be ekpa so nna na.”

Levitikɔs 15:32

Mbraana nɛ a dese a laŋɛ enyɛn nɛ nchu bee lar mbe kenyɛnsɔ to ŋko enyɛn nɛ e di eche nseŋ ba eyur,

Levitikɔs 6:14

Ayu be sargajibi be mbraana nɛ a wɔtɔ nde. Bɔrɛmatapoana na e daga b ta ayu be sargajibi m ba Enyɛnpe Ebɔrɛ na kutɔ ashi bɔrɛsure na be anishito.

Levitikɔs 6:25

“Kaŋɛ Ɛɛrɔn nɛ mbe mbinyɛnsobi fanɛ mbraana nɛ a wɔtɔ a yɔ kulubi be sarga be kaplɛa so nde: Kakpa nɛ baa mɔ sarga chɔɔso be kusɔbɔya na a daga b mɔ kulubi be sarga be kusɔbɔya gba. K la sarga cheembi ga nna.

Levitikɔs 6:9

“Kaŋɛ Ɛɛrɔn nɛ mo mbinyɛnsobi fanɛ mbraana nɛ n yili a laŋɛ sarga chɔɔso be kaplɛa so nde: A daga fanɛ b baa chɔɔ esarga bɔrɛsure na so saŋkikɛ. A maŋ daga bɔrɛsure na so be edɛ ka duŋ kikɛ.

Levitikɔs 7:1

Kewora n jija be sarga la sarga cheembi nna. Mbraana nɛ a dese a laŋɛ kananɛ baa lara kumo be kaplɛa so nde:

Levitikɔs 7:37

Mbraana nɛ a dese a laŋɛ sarga chɔɔso nɛ ayu be sargajibi nɛ kulubi be sarga nɛ kewora n jija be sarga nɛ kelara n yili n sa Ebɔrɛ be sarga nɛ kɔnɔkoŋwule be sarga na nna na.

Nɔmbɛs 19:14

Nɛ fanɛ esa ko malɛ wu wajɛbu to, bekama nɛ b wɔ kumo to nɛ e wu na nɛ bekama nɛ e wu pɔɛŋ nɛ b luri kumo to na kikɛ wora eyurpi daŋkare be ekpa so nchɛnshunu.

Nɔmbɛs 5:29

Mbra nɛ k dese n sa enyɛn kama nɛ e maŋ yirda mbe eche nsaa fɛ fanɛ eche na bee ji kubojua nna na. Bɔrɛmatapo na beeŋ shin nɛ eche na e ba yili bɔrɛsure na be anishito nɛ e wora le be daŋkaresheŋ ere.

Nɔmbɛs 6:13

Jemanɛ nɛ e nase nnɔ fanɛ e baa wɔtɔ n sa Enyɛnpe Ebɔrɛ nawule na baŋ fo ekar e beeŋ yɔ Enyɛnpe be wajɛbu na be kabuna to

Ditɛronɔmi 24:8

Nɛ menyi to be ekama bee lɔ eyur so be kulɔ lubi kama fanɛ keboti a daga fanɛ e bɛ kusɔ nɛ bɔrɛmatapoana nɛ b shi Livai be yiri to na beeŋ kaŋɛ mo kikɛ so. Men baa bɛ mbraana nɛ n ta n sa menyi na so.