Levitikɔs 14:48 - EBƆRƐ BE KAWƆL

⁴⁸ Ama bɔrɛmatapo na ka naŋ ya keni laŋ na jemanɛ nɛ b lɔŋɛ kumo n la na, n wu fanɛ kapuu na maŋ naŋ lar egbal na so, e beeŋ shin nɛ ekama e pin fanɛ k walɛ so daŋkare be ekpa so, ŋkpal manɛ so, kapuu na maŋ naa wɔ laŋ na to.

Levitikɔs 14:48 ပူးပေါင်းရင်းမြစ်များ

Job be kawɔl 5:18

E beeŋ tiŋ m bar doro nɛ ebesa fo so, ama mo alɛ beeŋ naŋ chɔɔ fo achuu nɛ alɔbi na kikɛ n chɛ amo.

Hoziya 6:1

Le nɛ basa na daa kaŋɛ: “Men shin nɛ an bɛta n yɔ Enyɛnpe Ebɔrɛ kutɔ! E doro anyi ga ama mo alɛ beeŋ chɛ anyi. E doro anyi ama mo alɛ beeŋ kre anyi be atamɛ, ŋko e maaŋ wora loŋ?

Levitikɔs 14:3

Saŋɛ na so bɔrɛmatapo na beeŋ lar keeyi na to n ya tu mo nseŋ mige mo to ŋ keni nɛnɛ. Nɛ esa na nya kechɛ ashi eyur so be kulɔ lubi na to,

Levitikɔs 14:43

B kaŋ lara ajembu ŋko ebirkesi dra na n ta apopɔr m pɔr nseŋ la egbal na, nɛ kapuu na kraŋ naŋ lar egbal na so,

Levitikɔs 14:47

Esa kama nɛ e beeŋ dese ŋko n ji laŋ na to daga e fɔr mbe asɔbuuso.

Levitikɔs 14:49

Mbuibi anyɔ nɛ kedibi nɛ baa tre sida na be keyabi nɛ kechɛbi peper chɛŋchɛŋ nɛ keduuso nɛ baa tre hisɔp na be afantaŋ nɛ bɔrɛmatapo na beeŋ ta n wora kenyalɛso be kesheŋ wora n shin nɛ laŋ na e naŋ nyalɛ so.

Maak 5:29

E ka beta mbe asɔbuuso na, epul na to nɛ ŋklaŋ na ku. Nɛ mo gbagba pin mbe eyur to fanɛ e nya alenfia.

Maak 5:34

Nɛ Yesu kaŋɛ mo: “M pibiche, fo yirda e chɛ fo. Baa yɔ nɛ kagbenewushi. Fo nya alenfia.”

Luuk 7:21

Kumo be jemanɛ na malɛ gbagba so nɛ Yesu chɛ belɔpo damta be alɔ be nnaŋ to kikɛ nseŋ ju mbuibi lubi basa to nseŋ bugi betanpo damta be anishi.

1 Kɔrintebi 6:11

Loŋ nɛ menyi be beko daa du, ama naniere bre Ebɔrɛ fɔr menyi so ashi kulubi to nseŋ lara menyi nɛ men ki mbe basa. Men bɔla Enyɛnpe Yesu Kristo be ketre so nɛ an be Ebɔrɛ be Kiyoyu na so n ji n lar.