Levitikɔs 14:4 - EBƆRƐ BE KAWƆL

⁴ bɔrɛmatapo na beeŋ shin nɛ b ya bar mbuibi keniso anyɔ nɛ a daga keta n lara sarga nɛ kedibi nɛ baa tre sida na nɛ kechɛbi peper chɛŋchɛŋ nɛ keduuso nɛ baa tre hisɔp na be afantaŋ.

Levitikɔs 14:4 ပူးပေါင်းရင်းမြစ်များ

Nshɛ 51:7

Ta hisɔp n fɔr ma so nɛ n nyalɛ so n fuli fanɛ ateebi.

Ɛksodɔs 12:22

Men ta echeenshi n suse n suse ŋklaŋ na nseŋ ta keche n nyɔ amo to ŋ gbiti ŋ gbiti menyi be mbuna be akel to nɛ esoso kikɛ. Kumo be kaman ekama e sa maŋ kaŋ naŋ lar kowu kikɛ hale nɛ kare e ya chɛ kachipurso.

Levitikɔs 1:14

Nɛ fanɛ kabuibi nɛ esa na kɔ a lara sarga na, a daga k baa la lepɔ ŋko keli.

Levitikɔs 12:8

Nɛ eche na maaŋ tiŋ n nya kpakpafɔlbi na, e beeŋ bar ali anyɔ ŋko elepɔ anyɔ, nɛ kukoŋwule e baa la sarga chɔɔso peya nɛ kenyɔsopo na e baa la kulubi be sarga peya. Nɛ bɔrɛmatapo na e ta amo n lara kenyalɛso be sarga nɛ eche na e nyalɛ so daŋkare be ekpa so.”

Levitikɔs 14:5

Kumo be kaman nɛ bɔrɛmatapo na e shin nɛ b ta mbuibi anyɔ na to be ekoŋwule n chulgi kapuya nɛ k kɔ kechubu to be nchu so m mɔ kumo.

Levitikɔs 14:6

Kede be kaman nɛ e ta kabuibi nyɔsopo na nɛ sida be kedibi na be keyabi nɛ kechɛbi peper chɛŋchɛŋ na nɛ hisɔp be afantaŋ na n nyɔ kabuibi nɛ b mɔ na be ŋklaŋ na to

Levitikɔs 5:7

Nɛ esa na maaŋ tiŋ n nya kubolpɔ ŋko kaboe, e bar elepɔ anyɔ ŋko ali anyɔ Enyɛnpe Ebɔrɛ na be anishito m ba lara mbe kulubi na be sarga. Baaŋ ta mbuibi na be ekoŋwule n lara kulubi be sarga nseŋ ta ekoŋwule malɛ n lara sarga chɔɔso.

Nɔmbɛs 19:18

Nɛ esa nɛ e walɛ so daŋkare be ekpa so, e ta kedibi nɛ baa tre hisɔp be keyabi n nyɔ nchu na to ŋ ŋmenyaŋ ŋ ŋmenyaŋ wajɛbu na nɛ kusɔ kama nɛ k wɔ kumo to na, nɛ basa nɛ b daa wɔ ndoŋ na kikɛ so. Loŋ koŋwule nɛ baaŋ wora esa kama nɛ e beta dimɛdi be kuwibi ŋko kebuni ŋko nchaŋ.

Nɔmbɛs 19:6

Nɛ bɔrɛmatapo na e ta kedibi nɛ baa tre sida na nɛ kumo nɛ baa tre hisɔp na nɛ jese peper n lɛ edɛ na to.

Hibruwebi 9:19

Ŋkpal manɛ so, an ta fanɛ Mosis le. E ka daŋ kaŋɛ basa na kikɛ mbra na be ntaŋana na kikɛ n loge, e daŋ ta ateebi nɛ b nyɔɔ kepeper nna ŋ kre kedibi ko nɛ baa tre hisɔp na so. Kumo be kaman nɛ e naŋ ta kumo n nyɔɔ anabiana be ŋklaŋ to nɛ nchu to nseŋ ta ŋ ŋmenyaŋ n wurge basa na kikɛ nɛ mbra be kawɔl na so