Levitikɔs 14:34 - EBƆRƐ BE KAWƆL

³⁴ “Men kaŋ ya luri Keenan be kasawule nɛ mee sha keta n sa menyi ere to, nɛ ŋ kaŋ shin nɛ ndoŋ be laŋ ko be egbal puu,

Levitikɔs 14:34 ပူးပေါင်းရင်းမြစ်များ

Jɛnesis 12:7

Ndoŋ nɛ Enyɛnpe na lar Eebram so ŋ kaŋɛ mo: “Meeŋ ta kasawule ere n sa fo kanaŋ to ebi.” Kumo be kaman nɛ Eebram yuu bɔrɛsure ndoŋ n lara sarga n sa Enyɛnpe Ebɔrɛ nɛ e lar mo so ndoŋ na.

Jɛnesis 13:17

Koso n nite kasawule na be nteŋ to nɛ mparto kikɛ, ŋkpal manɛ so, fo nɛ meeŋ ta kumo n sa.”

Jɛnesis 17:8

Ade kikɛ be kaman, meeŋ ta Keenan be kasawule mo nɛ men la befɔ ashi kumo so naniere ere n sa fo nɛ k ki fo nɛ fo kaman to ebi be kapetɛ mbaanaayɔ nɛ ma alɛ e baa la bumo be Ebɔrɛ.”

Ɛksodɔs 15:26

nseŋ ŋini bumo ŋ kaŋɛ le: “Men baŋ bugi asoe nɛnɛ n nu ma, men Nyɛnpe Ebɔrɛ na be ebɔl nseŋ wora kusɔ nɛ k niŋi ashi ma anishito, nseŋ bɛ ma mbraana so bre, menyeeŋ baa kɔ eleŋ. Ma alɛ maaŋ ta alɔ wurbi be aleblawu nɛ n daŋ ta n lɛ ljiptebi so na n lɛ menyi so.”

Aŋasa 3:33

Enyɛnpe Ebɔrɛ na be shoduu wɔ basa lubi pe nna, nɛ mbe nɛfa malɛ wɔ basa lela pe.

Aizaaya 45:7

Ma e to kefulto nɛ tentembiri kikɛ. Ma e naa nɛfa nseŋ naa bar kumu lubi gboŋgboŋi basa so. Ma, Enyɛnpe Ebɔrɛ na e naa wora ade kikɛ.

Levitikɔs 14:33

Nɛ Enyɛnpe Ebɔrɛ na kaŋɛ Mosis nɛ Ɛɛrɔn le:

Levitikɔs 20:24

N nase kasawule nɛ kenya n ji nseŋ nuu yɛlyɛla so ere be kɔnɔ nna n sa menyi fanɛ k ki menyeya. Ma alɛ beeŋ ta kumo n sa menyi nɛ k baa la menyi be kapetɛsɔ. Ma e la Enyɛnpe Ebɔrɛ, men be Ebɔrɛ nɛ n lara menyi n yili nɛ men baa kɔr efuli pɔtɛana be basa to na.

Levitikɔs 23:10

e kaŋɛ Israɛl be basa na le: “Men kaŋ luri kasawule nɛ mee sha keta n sa menyi na to nseŋ ya dɔ n teŋi, men lara asɔ nɛ menyeeŋ juŋkpar n teŋi na be kuyu pati m ba sa bɔrɛmatapo na.

Levitikɔs 25:2

e ta mbraana ere n sa Israɛl be basa na. “Men kaŋ luri kasawule nɛ Enyɛnpe Ebɔrɛ na bee sa menyi ere to, menyeeŋ ta kemaŋkura n sa Enyɛnpe Ebɔrɛ na nsaa maŋ nase adɔ kafɛ shunusopo kikɛ to.

Eemɔs 3:6

Fo daŋ nu b ka foŋ kena to be kabel kade to nɛ kufu maŋ pɛ basa a? Fo daŋ wu jɛrbi ka ba kade to nɛ Enyɛnpe Ebɔrɛ maŋ nyi kumo be asheŋ a?

Eemɔs 6:11

Enyɛnpe Ebɔrɛ na baŋ malga, elaŋgboŋana nɛ afimbiana kikɛ bee bure to nna kpachɛrkpachɛrbi.

Maika 6:9

Nu nfe! Enyɛnpe Ebɔrɛ na bee kela a shoŋi Jerusalɛm be kadegboŋ na to ebi. E yɛ: “Men baa de kuwurkpabi na, nɛ esa nɛ e kɔ kumo to a ba na so.

Zakareya 5:4

Enyɛnpetale Ebɔrɛ na yɛ e beeŋ shin nɛ kɔnɔsho ere e luri eyu nɛ ekama nɛ e bee bɔ ntaŋ a ku efɛ kikɛ be elaŋana to nseŋ shir elaŋ na so hale nɛ a ya mur cheche.”

Nɔmbɛs 32:22

Kumo be kaman nɛ men bɛta n yɔ epe nɛ Enyɛnpe Ebɔrɛ e shin nɛ kasawule nɛ k wɔ Jɔɔdan be epeŋilarkpa be kaba so na e ki menyeya.

Nɔmbɛs 32:32

Anyeeŋ bɛ mbe kamalga so nseŋ dii n yɔ Keenan be kasawule so n ya kɔ n sa Enyɛnpe Ebɔrɛ, ama kasawule nɛ k wɔ Jɔɔdan be lɔr na be epeŋilarkpa be kaba so na e naaŋ baa la anyi be kapetɛ.”

Nɔmbɛs 35:10

fanɛ e kaŋɛ Israɛlebi na le: “Men baŋ dii Jɔɔdan be lɔr na n yɔ Keenan be kasawule so,

Ditɛronɔmi 12:1

Mbraana nɛ a daga fanɛ men baa wora amo kasonu ashi kasawule nɛ Enyɛnpe Ebɔrɛ nɛ menyi nananyɛnana shuŋ na ta a sa menyi na so nna na. Men nu amo!

Ditɛronɔmi 19:1

Nɛ Enyɛnpe Ebɔrɛ na kaŋ mur basa nɛ e bee ta bumo be kasawule a sa menyi ere nɛ men sɔ bumo be ndegboŋana nɛ nwuana n chena,

Ditɛronɔmi 26:1

Nɛ men kaŋ ya kɔ n sɔ kasawule nɛ Enyɛnpe menyi be Ebɔrɛ na ta a sa menyi na n chena so n loge,

Ditɛronɔmi 27:3

Kumo be kaman nɛ men sibɛ mbraana ere kikɛ n deŋi amo so. Nɛ men kaŋ yɔ kasawule lela nɛ k bee wora adɔjibi ga nɛ Enyɛnpe, men nananyɛnana be Ebɔrɛ na nase kumo be kɔnɔ n sa menyi na so

Ditɛronɔmi 32:49

“Yɔ abee nɛ baa tre Abarim nɛ a wɔ Mowabebi be kasawule so nseŋ shoŋi kadegboŋ nɛ baa tre Jɛriko na so n ya dii kebeegboŋ nɛ baa tre Nebo na n yili kumo so n to kenishi ŋ keni kasawule nɛ mee sha keta n sa Israɛlebi na.

Ditɛronɔmi 7:15

Enyɛnpe Ebɔrɛ na e naaŋ baa kuŋ menyi ashi alɔ kikɛ to nsaa maŋ shin nɛ alɔ lubi nɛ a daa tɔrɔ menyi ashi Ijipt be efuli so na e ba menyi so, ama e beeŋ shin nɛ a pɛ men doŋana kikɛ.

Joshuwa 13:1

Joshuwa ka bel na nɛ Enyɛnpe Ebɔrɛ kaŋɛ mo le: “Naniere bre fo bel ga, ama kasawule damta kraa wɔtɔ nɛ men sɔ.

1 Samuɛl 2:6

Fo Enyɛnpe Ebɔrɛ na e naa sa basa ŋkpa, nseŋ naa tiŋ a sɔ kumo; fo e naa shin nɛ basa bee yɔ nchaŋ to nseŋ naa tiŋ a bɛta bumo a ba ŋkpa to.