Levitikɔs 14:3 - EBƆRƐ BE KAWƆL

³ Saŋɛ na so bɔrɛmatapo na beeŋ lar keeyi na to n ya tu mo nseŋ mige mo to ŋ keni nɛnɛ. Nɛ esa na nya kechɛ ashi eyur so be kulɔ lubi na to,

Levitikɔs 14:3 ပူးပေါင်းရင်းမြစ်များ

2 Bewura 5:14

B ka kaŋɛ loŋ na nɛ Neeman yɔ Jɔɔdan be lɔr na to n ya muni kumo to ale shunu nɛ mbe keboti na kikɛ yɔ fanɛ kananɛ anebi Elaisha kaŋɛ na gbagba chap. Nɛ mbe kayurwule nyalɛ so a du fanɛ kebibi be kayurwule.

2 Bewura 5:3

Ndoŋ nna nɛ kachako nɛ kebichebi na kaŋɛ mo chepe le: “N nyɛnpe daa beeŋ yɔ anebi nɛ e wɔ Samɛria na kutɔ nna, dafanɛ e beeŋ chɛ mbe keboti ere.”

Job be kawɔl 5:18

E beeŋ tiŋ m bar doro nɛ ebesa fo so, ama mo alɛ beeŋ naŋ chɔɔ fo achuu nɛ alɔbi na kikɛ n chɛ amo.

Ɛksodɔs 15:26

nseŋ ŋini bumo ŋ kaŋɛ le: “Men baŋ bugi asoe nɛnɛ n nu ma, men Nyɛnpe Ebɔrɛ na be ebɔl nseŋ wora kusɔ nɛ k niŋi ashi ma anishito, nseŋ bɛ ma mbraana so bre, menyeeŋ baa kɔ eleŋ. Ma alɛ maaŋ ta alɔ wurbi be aleblawu nɛ n daŋ ta n lɛ ljiptebi so na n lɛ menyi so.”

Levitikɔs 13:2

“Nɛ achuu ŋko asɔtoso lar esa be eyur so nsaa beeŋ tiŋ m pete n suse basa, a daga b bar mo Bɔrɛmatapo Nimuso Ɛɛrɔn ŋko mbe mbinyɛnsobi nɛ b la bɔrɛmatapoana na be eko kutɔ.

Levitikɔs 13:46

Jemanɛ nɛ kulɔ na kɔ esa na bre kikɛ na, e maŋ walɛ so nna na nɛ a daga fanɛ b lara mo basa to nɛ e ya ka wɔ keeyi na to be ekar so.

Levitikɔs 14:48

Ama bɔrɛmatapo na ka naŋ ya keni laŋ na jemanɛ nɛ b lɔŋɛ kumo n la na, n wu fanɛ kapuu na maŋ naŋ lar egbal na so, e beeŋ shin nɛ ekama e pin fanɛ k walɛ so daŋkare be ekpa so, ŋkpal manɛ so, kapuu na maŋ naa wɔ laŋ na to.

Matiu 10:8

Men kaŋ yɔ, men chɛ belɔpo n tiŋi bubuni n shin nɛ bebotipo e nyalɛ so nseŋ ju mbuibi lubi basa to. Menyi maŋ tɔ nseŋ nya, amoso, menyi alɛ gba e sa nsaa maa fin kakɔka.

Matiu 11:5

Mee shin nɛ betanpo bee wu nɛ ebobi bee nite nɛ bebotipo bee nyalɛ so nɛ ekpawu bee nu nɛ bubuni bee tiŋi luwu to nɛ bebɔlpo malɛ bee nya a nu baru lela na be asheŋ.

Luuk 4:27

Anebi Elaisha malɛ be jemanɛ na bebotipo damta e daa wɔ Israɛl be efuli so, ama Ebɔrɛ daa maŋ shin nɛ e chɛ bumo be ekama she Neeman nɛ e shi Siriya na.”

Luuk 7:22

Amoso, le nɛ e daŋ kaŋɛ Jɔn be mbɔ na: “Men bɛta n ya kaŋɛ Jɔn asɔ nɛ men wu nɛ amo nɛ men nu ere be asheŋ fanɛ: Mee shin nɛ betanpo bee wu nɛ ebobi bee nite nɛ bebotipo bee nyalɛ so nɛ ekpawu bee nu nɛ bubuni bee tiŋi luwu to nɛ bebɔlpo malɛ bee nya a nu baru lela na be asheŋ.