Levitikɔs 14:22 - EBƆRƐ BE KAWƆL

²² Mo alɛ beeŋ naŋ bar ali anyɔ ŋko elepɔ anyɔ, nɛ ekoŋwule e baa la kulubi be sarga peya nɛ ekoŋwule malɛ e baa la sarga chɔɔso peya.

Levitikɔs 14:22 ပူးပေါင်းရင်းမြစ်များ

Nshɛ 68:13

Abɛlso be ali nɛ b ta gbiti m mata amo be aba so nseŋ ta shuwa nɛ a bee kpa edɛ n wora amo be atɛ e ki basa nɛ b shir kaman a keni mbolpɔ so na peya.

Sɔlɔmɔn 2:14

Fo du nna fanɛ lepɔ nɛ e ŋana kefalta to ashi kebeegboŋ so na. Shin nɛ n wu fo anishito; nseŋ nu fo ebɔl belbelso na.

Aizaaya 38:14

N daa shu nna fanɛ kabɔrɛpɔpɔbi, nseŋ daa naa shu kuwɔr so fanɛ lepɔ na. N daŋ dese nna a keni fo Enyɛnpe Ebɔrɛ na anishito, hale nɛ ma anishi gben, a maŋ naa wu nɛnɛ. Jande, Enyɛnpe Ebɔrɛ, mɔlga ma ashi etɔrɔ ere kikɛ to.

Aizaaya 59:11

Anyee munto nna fanɛ eshishiri nsaa shu fanɛ ali na. Anyi alɛ daa tama fanɛ Ebɔrɛ beeŋ mɔlga anyi ashi kanyaŋ nɛ alubi to, ama loŋ maŋ wora.

Jɛremaya 48:28

Menyi basa nɛ men wɔ Mowab be efuli so na e lar menyi be ndeana to nseŋ ya kaa wɔ abeelaŋ to fanɛ kananɛ elepɔ bee tɔ asha abeelaŋ to a di to na.

Ezikɛl 7:16

Bekama nɛ baaŋ ji efute na malɛ beeŋ shile n yɔ abee so fanɛ kufu ka pɛ elepɔ nɛ a firgi n shi ketaŋɛ to n yɔ kebee so na. Ndoŋ nɛ baaŋ ya shu ŋkpal bumo be alubi so.

Levitikɔs 14:21

Ama nɛ e la etirpo nna nsaa maaŋ tiŋ n nya ade kikɛ, e bar kpakpa koŋwule nseŋ ta nyifu nɛ b baga amo ŋku be kurwa koŋwule nɛ bargato nɛ a baa la ayu be sargajibi n ti so m ba lara kewora n jija be sarga nseŋ maŋ kumo so a ŋini fanɛ k la sargagboŋ nna n sa Enyɛnpe Ebɔrɛ na nsaa yɔ bɔrɛmatapo na kutɔ.

Levitikɔs 14:24

Bɔrɛmatapo na beeŋ maŋ kpakpa na nɛ ɔlif be ŋku na so ashi Enyɛnpe Ebɔrɛ na be anishito nɛ a baa la sargagboŋ nɛ k bee yɔ bɔrɛmatapo na kutɔ.

Levitikɔs 15:14

Kachɛ burwasopo na nɛ e ta elepɔ anyɔ ŋko ali anyɔ m ba sa bɔrɛmatapo na ashi wajɛbu na be kabuna ase.

Levitikɔs 5:7

Nɛ esa na maaŋ tiŋ n nya kubolpɔ ŋko kaboe, e bar elepɔ anyɔ ŋko ali anyɔ Enyɛnpe Ebɔrɛ na be anishito m ba lara mbe kulubi na be sarga. Baaŋ ta mbuibi na be ekoŋwule n lara kulubi be sarga nseŋ ta ekoŋwule malɛ n lara sarga chɔɔso.

Nɔmbɛs 6:10

Kumo be kachɛ burwasopo na nɛ e ta elepɔ anyɔ ŋko ali anyɔ m ba sa bɔrɛmatapo na ashi Enyɛnpe Ebɔrɛ na be wajɛbu na be kabuna to.