Levitikɔs 14:12 - EBƆRƐ BE KAWƆL

¹² nseŋ ya ta kpakpafɔlbi na be kuko n ti ŋku kɔlba koŋwule nɛ bargato na so n lara kewora n jija be sarga. Kumo be kaman nɛ e maŋ amo so a ŋini fanɛ k la sargagboŋ nna n sa Enyɛnpe Ebɔrɛ na nɛ k bee yɔ bɔrɛmatapo na kutɔ.

Levitikɔs 14:12 ပူးပေါင်းရင်းမြစ်များ

Ɛksodɔs 29:22

Ŋkpal kpakpa ere ka la keta m bɔɔ Ebɔrɛ enɔ be kewora be kusɔbɔya na so, men lara kumo be kpandu nɛ k kɔ nfɔ nɛ apuntosɔ be nfɔ nɛ kegberche na be kaseto be kaba nɛ achɛbi anyɔ na nɛ amo be nfɔ nɛ kumo be jisa be kebɛaŋ

Ɛksodɔs 29:24

Men shin nɛ Ɛɛrɔn nɛ mbe bibinyɛn na e maŋ amo so ma, Enyɛnpe Ebɔrɛ na be anishito fanɛ kakɛ cheembi be sarga.

Ɛksodɔs 29:26

Kumo alɛ be kaman nɛ fo maŋ kpakpa nɛ b ta n lara Ɛɛrɔn be keta m bɔɔ Ebɔrɛ enɔ be sarga na be kagbene so ashi ma, Enyɛnpe Ebɔrɛ na be anishito. Kusɔbɔya na be kagbene na la fo kachige nna.

Aizaaya 53:10

Kumo be kaman nɛ Enyɛnpe Ebɔrɛ na kaŋɛ le: “Ma keparso nɛ ma kenya bee ji awurfoŋ. Mbe luwu na la sarga nɛ k beeŋ bar alubi be ketampaŋ m ba sa basa pɔtɛ nna. Amoso e beeŋ naŋ wu mbe kaman to ebi kenishiso nsaa wɔ ŋkpa to n chɛr. Mo so nɛ kusɔ nɛ ŋ kre kikɛ beeŋ wora m bɔlɔ so nɛnɛ.

Levitikɔs 14:10

Kachɛ burwasopo na e beeŋ ta ekpakpafɔlbi anyɔ nɛ kubolpɔche nɛ k fo kafɛ koŋwule nsaa maŋ kɔ ndulgi kikɛ nɛ nyifu nɛ b ta ɔlif be ŋku m baga be kurwa koŋwule nɛ bargato nɛ ɔlif be ŋku kɔlba koŋwule nɛ bargato n ti so m ba bɔrɛmatapo na kutɔ.

Levitikɔs 14:11

Saŋɛ na so bɔrɛmatapo na beeŋ keta mo nɛ mbe esarga be asɔ na kikɛ n yɔ wajɛbu na be kabuna ase

Levitikɔs 14:19

Ade be kaman nɛ bɔrɛmatapo na e lara kulubi be sarga nseŋ wora kusɔ nɛ k beeŋ shin nɛ esa nɛ e maŋ walɛ so na e nyalɛ so. Kumo alɛ be kaman nɛ e mɔ sarga chɔɔso na be kusɔbɔya

Levitikɔs 5:15

“Nɛ esa maŋ ka asɔ cheembi nɛ a daga e ka n sa Enyɛnpe Ebɔrɛ na ŋkpal e ka maŋ nyi so, e wora n da so nna na. Amodoŋwura beeŋ bar kpakpa nɛ k maŋ kɔ ndulgi kikɛ ŋko bɔrɛmatapo na beeŋ ku kukɔ n sa mo nɛ e ka nɛ b ta n tɔ kakpa na.