Levitikɔs 13:3 - EBƆRƐ BE KAWƆL

³ Bɔrɛmatapo na beeŋ mige mbe kuchuu na to ŋ keni nɛnɛ nɛ afuibi nɛ a wɔ kumo to na kilgi n fuli nɛ kuchuu na malɛ ji n luri eblaŋ to, kumo ere k beeŋ tiŋ a la kulɔ lubi fanɛ keboti nna. Saŋɛ na so bɔrɛmatapo na beeŋ shin nɛ mo nɛ ekama e pin fanɛ e maŋ walɛ so nna na.

Levitikɔs 13:3 ပူးပေါင်းရင်းမြစ်များ

Jɛnesis 13:3

K maŋ chɛr nɛ Eebram naŋ lar ndoŋ a na a kilgi to hale n ya kaa taga to Bɛtɛl. E ka fo Ai nɛ Bɛtɛl be kefɛato, kakpa nɛ e daŋ yuu mbe ewajɛbu na

Ezikɛl 16:30

Amoso nɛ ma nɛ Enyɛnpetale Ebɔrɛ kaŋɛ fanɛ fo to fo kumu pasaa! Fo wora asheŋ ere kikɛ fanɛ sakaleche nɛ e paŋ anishinyɔr pasaa!

Ezikɛl 44:23

Bɔrɛmatapoana na e daga fanɛ b baa ŋini ma basa kusɔ nɛ k du cheembi nɛ kusɔ nɛ k maŋ du cheembi nseŋ naŋ ŋini bumo kusɔ nɛ k walɛ so daŋkare be ekpa so nɛ kusɔ nɛ k maŋ walɛ so daŋkare be ekpa so nɛ b pin amo be mbarga.

Hoziya 7:9

Bumo alɛ maŋ nyi fanɛ bumo be egbɛ nɛ b ta n deŋi efuli pɔtɛana so ere so nɛ b maŋ naa kɔ eleŋ na. Baaŋ bel n fuli amu nɛ efuli pɔtɛana so ebi e baa kraa ji bumo so eleŋ nɛ bumo alɛ maŋ nyi.

Levitikɔs 10:10

A daga men ka bee barga kusɔ nɛ k du cheembi nsaa la Enyɛnpe Ebɔrɛ na peya ashi kusɔ nɛ k la ekama peya to nseŋ naa barga kusɔ nɛ k du cheche Ebɔrɛ be ekpa so ashi kusɔ nɛ k maŋ du cheche to.

Levitikɔs 13:10

nɛ e mige mo to ŋ keni nɛnɛ. Nɛ k la kuchuu n fuli to nɛ kumo to be afuibi fuli nɛ k bee lar nchu nna,

Levitikɔs 13:2

“Nɛ achuu ŋko asɔtoso lar esa be eyur so nsaa beeŋ tiŋ m pete n suse basa, a daga b bar mo Bɔrɛmatapo Nimuso Ɛɛrɔn ŋko mbe mbinyɛnsobi nɛ b la bɔrɛmatapoana na be eko kutɔ.

Levitikɔs 13:20

Bɔrɛmatapo na beeŋ mige mo to ŋ keni nɛnɛ, nɛ kakpa na wora fanɛ k ji n luri eblaŋ to nɛ kumo to be afuibi na ki n fuli, e beeŋ shin nɛ mo nɛ ekama e pin fanɛ e maŋ walɛ so. Kulɔ lubi e naa kar mo na.

Levitikɔs 13:4

Ama nɛ kuchuu na fuli to nna nsaa maŋ ji n luri eblaŋ to nɛ kumo to be afuibi na maŋ ki n fuli, kumo ere bɔrɛmatapo na beeŋ shin nɛ e barga basa n ya fo nchɛnshunu.

Levitikɔs 13:8

Saŋɛ na so bɔrɛmatapo na beeŋ naŋ mige mo to ŋ keni nɛnɛ, kuchuu na salga to a! Nɛ k salga to e beeŋ shin nɛ mo nɛ ekama e pin fanɛ e maŋ walɛ so daŋkare be ekpa so. Ŋkpal manɛ so, k la kulɔ lubi nɛ k bee suse nna.

Levitikɔs 14:37

E beeŋ ya mige egbal nɛ k puu na kikɛ ŋ keni nɛnɛ. Nɛ mboŋ nɛ a puu na ki kefitiri bumbuŋ ŋko m pere to amo alɛ nseŋ luri egbal na to ga,

Levitikɔs 14:54

Mbraana nɛ a wɔtɔ a laŋɛ eyur so be alɔ lubi fanɛ achuu lubi nɛ achuubɔbɔ nɛ asɔpuŋiso ka wora esa ŋko abibi ka wurge esa be eyur so ŋko afɔr ka to esa be eyur so ŋko asɔbuuso so ŋko nwu ka puu ŋko esa ŋko kusɔ ka walɛ so ŋko k maŋ walɛ so daŋkare be ekpa so be kaplɛa so nna na.

Levitikɔs 5:3

Nɛ esa maŋ kute m beta kusɔ kama nɛ k bee shin nɛ dimɛdi bee wora eyurpi daŋkare be ekpa so gba, nseŋ ba pin kumo be loŋ, e wora n da so nna na.

Heegai 2:11

“Bishi bɔrɛmatapoana na atuwebi nɛ b kɔ a laŋɛ asheŋ bishiso nɛ mee sha kebishi ere be kaplɛa so:

Malakai 2:7

Menyi bɔrɛmatapoana e daga men ka bee malga Ebɔrɛ be asheŋ nɛ basa e baa ba men kutɔ nɛ men ŋini bumo Ebɔrɛ be asheŋ nɛ b pin mo nɛnɛ, ŋkpal manɛ so menyi so nɛ Enyɛnpetale bee bɔla a malga a sa basa.

Matiu 16:19

Meeŋ sa fo ebɔrɛso be kuwura na be kebugi nɛ keti be eleŋ. Kusɔ kama nɛ fo maŋ sa ekpa fanɛ k wora kasawule ere so maaŋ wora ashi ebɔrɛso gba. Kusɔ kama malɛ nɛ fo shin nɛ k wora kasawule ere so beeŋ wora loŋ ashi ebɔrɛso gba.”

Baru lela nɛ Jɔn kute na 20:23

Kede be kaman nɛ e naŋ kaŋɛ bumo le: “Bekama nɛ men ta bumo be alubi m paŋ beeŋ nya amo be ketampaŋ nɛ bekama malɛ nɛ men maŋ ta m paŋ, maaŋ nya ketampaŋ.”

Ashuŋ Shunso 20:28

Men baa de men gbagba be amuana so nsaa de basa nɛ Kiyoyu Cheeŋ na ta m bɔɔ menyi enɔ na so. Men baa keni Ebɔrɛ be asɔriebi nɛ e ta ŋ ki mo peya ashi mo gbagba Pibinyɛn be luwu na so fanɛ kananɛ asɔbɔyakpapo bee keni mbe asɔbɔya so na.

Romebi 7:7

To, naniere, nuso nɛ anyeeŋ kaŋɛ? An kaŋɛ fanɛ mbra na gbagba lubi nna ŋko? Kaarɛ, anyi maaŋ tiŋ ŋ kaŋɛ loŋ kuraa. Ŋkpal manɛ so, mbra na e shin nɛ m pin kusɔ nɛ k la kulubi. Nɛ mbra na daa maŋ kaŋɛ le nna: “Sa maŋ yɛlga fo barkasa be kusɔ,” n daa maaŋ pin loŋ be kayɛlga be asheŋ to.

1 Timoti 1:20

Loŋ be basa na be beko e la Haimɛneeyes nɛ Alɛkzaanda nɛ n ta m bɔɔ Setani enɔ nɛ b pin fanɛ k daga b ka lar kebaamalga a gbiti Ebɔrɛ to.

2 Timoti 3:13

Ama basa lubi nɛ kebirkɔnshiwuraana bre, baa wɔtɔ nna a wora alubi a ti so nsaa fule beko nɛ Setani bee fule bumo alɛ gbagba.

Hibruwebi 13:7

Men baa nyiŋi menyi be benimuana nɛ b daŋ malga abɔrɛsheŋ n sa menyi na n fɛ kananɛ bumo be lalaloge be kebaawɔtɔ daŋ ba kaa du nsaa kute bumo be yirda na to.

Kelaraŋŋini 2:23

Ma alɛ beeŋ naŋ shin nɛ mbe mbia e wu n wu nɛ asɔriana na kikɛ to ebi e pin fanɛ ma e la esa nɛ e bee mige ŋgbene nɛ nfɛraana to a wu amo to na. Ma alɛ beeŋ ka ekama be kusɔ nɛ e wora kikɛ be kukɔ.