Levitikɔs 13:20 - EBƆRƐ BE KAWƆL

²⁰ Bɔrɛmatapo na beeŋ mige mo to ŋ keni nɛnɛ, nɛ kakpa na wora fanɛ k ji n luri eblaŋ to nɛ kumo to be afuibi na ki n fuli, e beeŋ shin nɛ mo nɛ ekama e pin fanɛ e maŋ walɛ so. Kulɔ lubi e naa kar mo na.

Levitikɔs 13:20 ပူးပေါင်းရင်းမြစ်များ

Levitikɔs 13:19

kumo be kaman nɛ ndoŋ naŋ laŋɛ m puŋi n fuli to ŋko m pere to, esa na daga e yɔ bɔrɛmatapo na kutɔ n ya ta kakpa nɛ k puŋi na n ŋini mo.

Levitikɔs 13:2

“Nɛ achuu ŋko asɔtoso lar esa be eyur so nsaa beeŋ tiŋ m pete n suse basa, a daga b bar mo Bɔrɛmatapo Nimuso Ɛɛrɔn ŋko mbe mbinyɛnsobi nɛ b la bɔrɛmatapoana na be eko kutɔ.

Levitikɔs 13:21

Ama nɛ bɔrɛmatapo na keni kumo nɛnɛ nseŋ wu fanɛ afuibi nɛ a wɔ kumo to na maŋ ki n fuli nɛ kumo alɛ maŋ ji n luri eblaŋ to nseŋ terge to bre, bɔrɛmatapo na beeŋ shin nɛ e barga basa nchɛnshunu.

Levitikɔs 13:3

Bɔrɛmatapo na beeŋ mige mbe kuchuu na to ŋ keni nɛnɛ nɛ afuibi nɛ a wɔ kumo to na kilgi n fuli nɛ kuchuu na malɛ ji n luri eblaŋ to, kumo ere k beeŋ tiŋ a la kulɔ lubi fanɛ keboti nna. Saŋɛ na so bɔrɛmatapo na beeŋ shin nɛ mo nɛ ekama e pin fanɛ e maŋ walɛ so nna na.

Matiu 12:45

e bee lar nna n ya keta mbuibi lubi ashunu nɛ b lubi a chɔ mo m ba ti mbe kumu so a wɔ ndoŋ. Saŋɛ na so amodoŋwura be kebaawɔtɔ bee lubi nna a ti so a chɔ kebaawɔtɔ nɛ e daa kɔ sososo na. Loŋ e naaŋ wora mbreebi lubi ere.”

Baru lela nɛ Jɔn kute na 5:14

Saŋko ba choŋ nna pɔɛŋ nɛ Yesu ya wu mo bɔrɛlambu na to be kelɔnɛ so nseŋ kaŋɛ mo le: “Keni, fo naŋ nya alenfia nna na, yige alubi be kebaawora. Nɛ mannɛ aloŋ, kusɔ nɛ k lubi a chɔ fo kulɔ na beeŋ nya fo.”

2 Pita 2:20

Bekama nɛ b daŋ pin an Nyɛnpe nɛ an be Emɔlgapo Yesu Kristo na pɔɛŋ ŋkeŋ nya n lar durnya ere to be kebaawɔtɔ bɛso ere be aworbi to, kumo be kaman nɛ loŋ be asheŋ na naŋ pɛ bumo m pɔɔ bumo so, loŋ be basa be kebaawɔtɔ naa lubi nna ga a chɔ bumo be faraŋko be kebaawɔtɔ na.