Levitikɔs 13:2 - EBƆRƐ BE KAWƆL

² “Nɛ achuu ŋko asɔtoso lar esa be eyur so nsaa beeŋ tiŋ m pete n suse basa, a daga b bar mo Bɔrɛmatapo Nimuso Ɛɛrɔn ŋko mbe mbinyɛnsobi nɛ b la bɔrɛmatapoana na be eko kutɔ.

Levitikɔs 13:2 ပူးပေါင်းရင်းမြစ်များ

2 Samuɛl 3:29

Ama kumo be kasogberge beeŋ ba Jɔab nɛ mbe kanaŋ kikɛ so! Kumo e la fanɛ echefoso, bumo be kanaŋ mo nɛ k beeŋ koso be enyɛn ko beeŋ lɔ babaso be kulɔ ŋko keboti, ŋko e beeŋ baa la esa nɛ e maaŋ tiŋ n shuŋ benyɛn be kushuŋ ama beche peya ŋko e beeŋ baa la esa nɛ e beeŋ wu kena to, ŋko esa nɛ e maaŋ ji m moɛ kikɛ!”

2 Bewura 5:1

Kanyɛn ko e daa wɔtɔ nɛ baa tre mo Neeman nɛ e daa la Siriya be benapo be enimu, nɛ Siriya be ewura daa sa mo bunyaŋ ga; ŋkpal Enyɛnpe Ebɔrɛ ka daŋ bɔla mo so n shin nɛ Siriyaebi be benapo daŋ kɔ m pɔɔ bumo doŋana so so. E daa nyi kena be kekɔ a chɔ ekama ama mo alɛ daa lɔ keboti nna.

2 Bewura 5:27

Ŋkpal kusɔ nɛ fo wora ere so Neeman be keboti ere beeŋ pɛ fo nseŋ ki fo nɛ fo kaman to ebi be kulɔ mbaanaayɔ.” Gehazi ka lar Elaisha kutɔ nɛ keboti pɛ mo, epul to nɛ mbe kayurwule kikɛ fuli parr fanɛ ketebi.

Aizaaya 1:6

K du fanɛ yili menyi be amu so m ba fo aya so, menyi be eyurana be kaplɛkama kɔ alɔ nna. Men pɛge so nna n wora achuu ama menyi alɛ maa sha esa kikɛ malɛ ka fɔr amo nseŋ wɔtɔ amo kudur ŋko ŋ kre amo so.

Aizaaya 3:17

Amoso ma, Enyɛnpe Ebɔrɛ na beeŋ gberge bumo kusoe nseŋ she bumo be amu kɔlikɔli.”

Levitikɔs 13:1

Ndoŋ nna nɛ Enyɛnpe Ebɔrɛ na kaŋɛ Mosis nɛ Ɛɛrɔn fanɛ b kaŋɛ basa na le:

Levitikɔs 13:3

Bɔrɛmatapo na beeŋ mige mbe kuchuu na to ŋ keni nɛnɛ nɛ afuibi nɛ a wɔ kumo to na kilgi n fuli nɛ kuchuu na malɛ ji n luri eblaŋ to, kumo ere k beeŋ tiŋ a la kulɔ lubi fanɛ keboti nna. Saŋɛ na so bɔrɛmatapo na beeŋ shin nɛ mo nɛ ekama e pin fanɛ e maŋ walɛ so nna na.

Levitikɔs 13:8

Saŋɛ na so bɔrɛmatapo na beeŋ naŋ mige mo to ŋ keni nɛnɛ, kuchuu na salga to a! Nɛ k salga to e beeŋ shin nɛ mo nɛ ekama e pin fanɛ e maŋ walɛ so daŋkare be ekpa so. Ŋkpal manɛ so, k la kulɔ lubi nɛ k bee suse nna.

Levitikɔs 14:3

Saŋɛ na so bɔrɛmatapo na beeŋ lar keeyi na to n ya tu mo nseŋ mige mo to ŋ keni nɛnɛ. Nɛ esa na nya kechɛ ashi eyur so be kulɔ lubi na to,

Levitikɔs 14:35

laŋwura na daga e ya kaŋɛ bɔrɛmatapo na fanɛ e wu kusɔ ko ka puu mbe laŋ to.

Malakai 2:7

Menyi bɔrɛmatapoana e daga men ka bee malga Ebɔrɛ be asheŋ nɛ basa e baa ba men kutɔ nɛ men ŋini bumo Ebɔrɛ be asheŋ nɛ b pin mo nɛnɛ, ŋkpal manɛ so menyi so nɛ Enyɛnpetale bee bɔla a malga a sa basa.

Nɔmbɛs 12:10

nɛ kuwɔlpa na gba lar kakpa nɛ wajɛbu na wɔ na. Ndoŋ nna nɛ keboti pɛ Miriam nɛ mbe kayurwule ki n fuli parr fanɛ ateebi. Ɛɛrɔn ka wu fanɛ keboti pɛ Miriam na,

Nɔmbɛs 12:12

Sa maŋ shin nɛ Miriam be kayurwule e ba du fanɛ kebia nɛ e wu mo nio be epun to pɔɛŋ nɛ b kurge mo be kayurwule.”

Matiu 8:4

Nɛ Yesu kaŋɛ mo: “Nu nfe! Sa maŋ kaŋɛ esa kikɛ kesheŋ ere, ama yɔ n ya ta fo kumu ŋ ŋini bɔrɛmatapo na nɛ e keni fo. E kaŋ loge, fo lara sarga nɛ anebi Mosis nase na ŋ ŋini basa kikɛ fanɛ naniere fo nyalɛ so.”

Maak 1:44

“Nu nfe: Sa maŋ kaŋɛ esa kikɛ kesheŋ ere, ama yɔ n ya ta fo kumu ŋ ŋini bɔrɛmatapo na nɛ e keni fo. E kaŋ loge, fo lara sarga nɛ anebi Mosis nase na ŋ ŋini basa kikɛ fanɛ naniere fo nyalɛ so.” Kumo be kaman nɛ e shin nɛ e yɔ epul na to.

Luuk 17:14

E ka wu bumo nɛ e kaŋɛ bumo le: “Men ta men be amu n ya ŋini bɔrɛmatapoana na.” B ka bee yɔ nɛ b nyalɛ so.

Luuk 5:14

Nɛ Yesu fiɛ mo so ŋ kaŋɛ: “Sa maŋ kaŋɛ esa kikɛ, ama yɔ n ya ta fo kumu ŋ ŋini bɔrɛmatapo na nɛ e keni fo. E kaŋ loge, fo lara sarga nɛ anebi Mosis nase na ŋ ŋini basa kikɛ fanɛ naniere fo nyalɛ so.”

Ditɛronɔmi 24:8

Nɛ menyi to be ekama bee lɔ eyur so be kulɔ lubi kama fanɛ keboti a daga fanɛ e bɛ kusɔ nɛ bɔrɛmatapoana nɛ b shi Livai be yiri to na beeŋ kaŋɛ mo kikɛ so. Men baa bɛ mbraana nɛ n ta n sa menyi na so.

Ditɛronɔmi 28:27

Enyɛnpe Ebɔrɛ na beeŋ shin nɛ asɔ puŋiso e tɔr menyi so fanɛ kananɛ e daŋ wora Ijiptebi na. E beeŋ shin nɛ achuubɔbɔ e to n to menyi be eyurana so, nɛ ajijeli a pɛ menyi nɛ men baa wule eyur, ama menyi alɛ maaŋ nya kechɛ kikɛ.