Levitikɔs 12:6 - EBƆRƐ BE KAWƆL

⁶ Nchɛ nɛ eche na beeŋ ta n nyalɛ so na kaŋ fo ekar, e beeŋ bar kpakpa nɛ k fo kafɛ koŋwule nɛ keli ŋko lepɔ m ba sa bɔrɛmatapo na ashi wajɛbu cheembi na be kabuna nɛ e ta kpakpa na n lara sarga chɔɔso nseŋ ta keli ŋko lepɔ na n lara kulubi be sarga.

Levitikɔs 12:6 ပူးပေါင်းရင်းမြစ်များ

Jɛnesis 15:9

Kumo be kaman nɛ Enyɛnpe Ebɔrɛ na kaŋɛ mo: “Bar ma nache fɔlbi nɛ kaboelote nɛ kpakpa, nɛ b fo nfɛ asasa, n ta lepɔ nɛ keli fɔlbi gba n ti so.”

Levitikɔs 12:2

e kaŋɛ Israɛlebi na le: “Eche kama nɛ e di kedampo ŋ kurge ebinyɛn beeŋ wora eyurpi daŋkare be ekpa so nchɛnshunu fanɛ kananɛ e bee wora eyurpi jemanɛ nɛ e bee lar ntamaŋ na.

Levitikɔs 12:5

Eche kama nɛ e kurge ebiche, beeŋ baa wɔ eyurpi to daŋkare be ekpa so n ya fo nchɛ kuduana fanɛ kananɛ e bee pɛ eyurpi jemanɛ nɛ e bee lar ntamaŋ na. Kumo be nchɛ adeshe nɛ ashe be kaman pɔɛŋ nɛ e beeŋ nyalɛ so daŋkare be ekpa so, ŋkpal ŋklaŋ nɛ a lar mo to na so.

Levitikɔs 12:7

Bɔrɛmatapo na beeŋ bar eche na be sarga na Enyɛnpe Ebɔrɛ na kutɔ m ba lara kumo n fɔr mo so nɛ e naŋ nyalɛ so daŋkare be ekpa so. Kusɔ nɛ eche nɛ e kurge daga fanɛ e wora nna na.

Levitikɔs 14:22

Mo alɛ beeŋ naŋ bar ali anyɔ ŋko elepɔ anyɔ, nɛ ekoŋwule e baa la kulubi be sarga peya nɛ ekoŋwule malɛ e baa la sarga chɔɔso peya.

Levitikɔs 15:14

Kachɛ burwasopo na nɛ e ta elepɔ anyɔ ŋko ali anyɔ m ba sa bɔrɛmatapo na ashi wajɛbu na be kabuna ase.

Levitikɔs 15:29

Kachɛ burwasopo na e ta elepɔ anyɔ ŋko ali anyɔ n ya sa bɔrɛmatapo na ashi wajɛbu na be kabuna ase.

Nɔmbɛs 6:10

Kumo be kachɛ burwasopo na nɛ e ta elepɔ anyɔ ŋko ali anyɔ m ba sa bɔrɛmatapo na ashi Enyɛnpe Ebɔrɛ na be wajɛbu na be kabuna to.

Luuk 2:22

Jemanɛ ka ba fo nɛ Josɛf nɛ Mɛɛri e lara kefɔrsonlar be daŋkare na be sarga nɛ anebi Mosis be mbra na bee kaŋɛ na nɛ b ta kebia na n yɔ Jerusalɛm nɛ b ya bɔɔ Enyɛnpe enɔ

Baru lela nɛ Jɔn kute na 1:29

Asheŋ ere ka wora ŋ klade nɛ Jɔn wu Yesu ka bee ba mo kutɔ nɛ e kaŋɛ basa le: “Men keni, Ebɔrɛ be Kpakpafɔlbi nɛ k bee lara durnyaebi be alubi ashi bumo to a lɛ na.

2 Kɔrintebi 5:21

Anyi so nɛ Ebɔrɛ shin nɛ mo ere, esa nɛ e maŋ nyi kulubi na ki kulubi, saŋɛ na so mo so nɛ anyeeŋ ki Ebɔrɛ be anishito be belelapo.

Hibruwebi 7:26

Amoso, mo e la bɔrɛmatapo nimuso nɛ e beeŋ tiŋ ŋ keni anyi be asheŋ to nɛnɛ n sa anyi. Mo e du cheembi nɛ shɛŋ maŋ gbiti mo, kulubi kama malɛ maŋ wɔ mo to. Ebɔrɛ lara mo nna nɛ e maŋ wɔ alubiworapoana to nseŋ maŋ mo so n yɔ esoso a chɔ awɔlpa so.