Levitikɔs 11:8 - EBƆRƐ BE KAWƆL

⁸ A maŋ daga men ka ji le be asɔbɔya ere ŋko m beta amo be kuwuso gba. Ŋkpal manɛ so, a la asɔbɔya nɛ a maŋ walɛ nna.

Levitikɔs 11:8 ပူးပေါင်းရင်းမြစ်များ

Aizaaya 52:11

Menyi kikɛ nɛ menyee sulɔ bɔrɛlambu na to be asɔ na, e lar kadegboŋ nɛ baa tre Babilɔn na to. Men sa maŋ kaŋ beta keyurpisɔ kikɛ n wora eyurpi daŋkare be ekpa so. Menyi alɛ e bɛr nchu a du farfarbi pɔɛŋ nseŋ lar ndoŋ.

Hoziya 9:3

Israɛl malɛ be basa maa naa wɔ Enyɛnpe Ebɔrɛ be kasawule so. Beko beeŋ bɛta n yɔ Ijipt be efuli so, nɛ beko malɛ e yɔ Asiriya be efuli so n ya ka ji ajibi mo nɛ a la bumo be ekishi ashi ndoŋ.

Levitikɔs 11:7

Men sa maŋ kaa ji epreku. A la asɔbɔya nɛ e maŋ walɛ nsaa maŋ daga keji nna, ŋkpal manɛ so, amo be alotobi barga to ama amo alɛ maa gbu apla.

Levitikɔs 11:9

Menyeeŋ tiŋ n ji kɔrɔtɔ be yiri kikɛ nɛ k kɔ afafaribi,

Levitikɔs 5:2

Nɛ esa maŋ kute m beta kusɔbɔya wuso ŋko kusɔ ko nɛ k maŋ walɛ so daŋkare be ekpa so gba, amodoŋwura wora eyurpi nseŋ wora n da so nna na.

Matiu 15:11

Mannɛ kusɔ nɛ k bee shi kowu a luri esa be kɔnɔ to e naa jija mo, ama kusɔ nɛ k bee shi mbe kɔnɔ to a lar e naa jija mo.”

Matiu 15:20

Le be alubi ere e naa jija esa. Ama nɛ fanɛ esa maŋ fɔr mbe enɔ fanɛ kananɛ b yɛ a daga fanɛ basa e baa wora na pɔɛŋ nseŋ ji, loŋ maa jija mo.”

Maak 7:15

Mannɛ kusɔ nɛ k bee shi kowu a luri nyiŋgbasa to e naa jija mo, ama kusɔ nɛ k bee jija esa e la kusɔ nɛ k bee shi mo to a lar.

Maak 7:18

Nɛ Yesu bishi bumo: “Menyi alɛ gba maa pin asheŋ to a? Menyi maŋ nyi fanɛ kusɔ nɛ k bee shi kowu a luri esa to maaŋ tiŋ n jija mo a?

Maak 7:2

B daŋ wu fanɛ mbe bebɛsopo ko daa kɔ enɔyurpi nna a ji ajibi, kumo e la fanɛ b daa maŋ fɔr bumo be enɔana fanɛ kananɛ Efarisiana na daŋ ŋini na pɔɛŋ nsaa ji.

Ashuŋ Shunso 10:28

Nɛ e kaŋɛ bumo: “Menyi alɛ gba baa nyi geeŋ fanɛ Juwebi be mbraana na ka bee ŋini fanɛ Juw be esa e sa maŋ kaŋ ya chɔrɔ ŋko n shin nɛ mo nɛ kanyamase e ba abar so kikɛ. Ama Ebɔrɛ ŋini ma fanɛ n sa maa ta dimɛdi pɔtɛ kama fanɛ eyurpiwura fanɛ kananɛ anyi Juwebi bee tre nnyamase na.

Ashuŋ Shunso 15:29

Men sa maa ji nlɔŋɛjibi, men sa maa ji ŋklaŋ, men sa maa we kusɔbɔya kama nɛ b maŋ teŋ. Kumo nɛ k ka na e la fanɛ men baa gelge kubojuaji. Men baa gelge asheŋ ere, asheŋ beeŋ nyalɛ n sa menyi. Ebɔrɛ e chɛ menyi to.”

Romebi 14:21

Nɛ fo nyi fanɛ fo we eblaŋ ko ŋko n nuu nsa ŋko n wora kusɔ kama nɛ k beeŋ shin nɛ fo niopibi e foe ekpa bre, fo ka maŋ wora amo be kekama bɔ.

1 Kɔrintebi 8:8

Ama ajibi maaŋ tiŋ n yɛr anyi Ebɔrɛ be anishito. Nɛ an baa maŋ ji, anyi maa paŋ shɛŋ Ebɔrɛ kutɔ nɛ anyi alɛ naŋ ji, anyi maa nya shɛŋ.

2 Kɔrintebi 6:17

Amoso ma, Enyɛnpe na e naa yɛ menyi na fanɛ men lara men be amu ashi bumo to a kɔr to. Men sa maŋ kaa beta kusɔ kama nɛ k kɔ eyurpi nɛ n sɔ menyi.

Ɛfesesebi 5:11

Men shin nɛ men be asheŋ e sa maa wɔ tentembiri be chilchil be asheŋ woraso to, ama men baa lara loŋ be asheŋ na efuli.

Ɛfesesebi 5:7

Men sa maŋ kaŋ tu bumo a wora loŋ be asheŋ.

Kɔlɔsiebi 2:16

Amoso, men sa maŋ shin nɛ ekama e wu menyi kulubi ŋkpal kusɔ jiso ŋko kusɔnuuso so ŋko ŋkpal men ka maa bunyaŋ nchɛgboŋ ŋko kufɔl popɔr ŋko kewushiachɛ so.

Hibruwebi 9:10

Asɔ na be asheŋ la asɔ jiso nɛ asɔ nuusoana nɛ daŋkare be eyurana so be kefɔr nna. Amo alɛ nseŋ naa la eyur so be atande nɛ a baa wɔtɔ n ya fo jemanɛ nɛ Ebɔrɛ beeŋ shin nɛ asɔ kikɛ e naŋ bɔla ekpa na.