Levitikɔs 11:44 - EBƆRƐ BE KAWƆL

⁴⁴ Ma e la Enyɛnpe Ebɔrɛ menyi be Ebɔrɛ na nɛ a daga men lara menyi be amu n yili a kɔr bekama to a ŋini fanɛ men la n nawule peya nna, ŋkpal manɛ so, n du cheembi nna.

Levitikɔs 11:44 ပူးပေါင်းရင်းမြစ်များ

Nshɛ 99:5

Men baa maŋ Enyɛnpe anyi be Ebɔrɛ na so, nsaa bunyaŋ mo ashi mbe kuwurputi ase. Ŋkpal manɛ so, e du cheembi nna.

Nshɛ 99:9

Anyee kpaŋ fo, Enyɛnpe anyi be Ebɔrɛ na, nsaa bunyaŋ fo ashi fo kebee cheembi na ase. Ŋkpal manɛ so, Enyɛnpe anyi be Ebɔrɛ na du cheembi nna.

Ɛksodɔs 16:12

“N nu nfubel damta ashi Israɛlebi na kutɔ, amoso kaŋɛ bumo le: ‘Ta a ba kaaseso saŋɛ nɛ kaboŋ bee jija to na menyeeŋ we eblaŋ. Kachipurso malɛ nɛ men nya ajibi n ji kananɛ menyee sha nseŋ pin fanɛ ma e la Enyɛnpe, menyi be Ebɔrɛ na.’ ”

Ɛksodɔs 19:10

Nɛ Enyɛnpe Ebɔrɛ kaŋɛ Mosis: “Bɛta n yɔ basa na kutɔ n ya kaŋɛ bumo nɛ b ta kabre nɛ echefo n lara alubi ashi bumo be ŋgbene to nseŋ ki cheembi. K daga fanɛ b fɔr bumo be asɔbuuso gba

Ɛksodɔs 19:6

Menyi alɛ beeŋ baa la kanaŋ cheembi to ebi nɛ bɔrɛmatapoana nɛ b shi kuwurji be kanaŋ cheembi to.’ Kusɔ nɛ mee sha fanɛ fo kaŋɛ Israɛlebi nna na.”

Ɛksodɔs 20:2

“Ma e la Enyɛnpe Ebɔrɛ, men be Ebɔrɛ mo nɛ e lara menyi ashi Ijipt be kasawule so, kakpa nɛ men daa wɔ kenyaya to na.

Ɛksodɔs 22:30

nɛ men be ana nɛ mbolpɔ gba peya m bɔɔ ma enɔ. Asɔbɔya na bre daga fanɛ b baa wɔ bumo nioana kutɔ nchɛnshunu nna, kachɛ burwasopo na nɛ b ta amo m bɔɔ ma enɔ.

Ɛksodɔs 22:31

Men la ma basa cheembi nna, amoso men sa maa ji eblaŋ nɛ kupuŋ to be asɔbɔya jiŋka. Men baa ta amo a lɛ njɔnɔ.

Ɛksodɔs 23:25

Nɛ men baa shuŋ ma, Enyɛnpe Ebɔrɛ, men be Ebɔrɛ na, ma alɛ beeŋ nɛfa men be ajibi nɛ men be nchu nseŋ lara alɔana kikɛ ashi menyi to.

Ɛksodɔs 6:7

Menyeeŋ ba kraa la ŋ gbagba be basa nɛ ma alɛ e baa la menyi be Ebɔrɛ. Saŋɛ na so nɛ menyeeŋ pin fanɛ ma e la Enyɛnpe Ebɔrɛ nɛ e la menyi be Ebɔrɛ nɛ e lara menyi kenyaya to ashi Ijiptebi be enɔ to.

Aizaaya 43:3

Ŋkpal manɛ so, ma e la Enyɛnpe menyi be Ebɔrɛ na. Ma, Israɛl be Ebɔrɛ cheembi na, e la menyi be emɔlgapo. Meeŋ kplaŋ Ijipt nɛ Itiopia nɛ kebonfu nɛ baa tre Seba na be asheŋ so nseŋ sɔ menyi n yige.

Aizaaya 51:15

Ŋkpal manɛ so, ma e la Enyɛnpe menyi be Ebɔrɛ na. Ma e naa shin nɛ teku bee baga to nsaa ku atili a wora awɔr. Ma ketre e la Enyɛnpetale Ebɔrɛ!

Levitikɔs 10:3

Ndoŋ nna nɛ Mosis kaŋɛ Ɛɛrɔn: “Kusɔ nɛ Enyɛnpe Ebɔrɛ na daa de saŋɛ nɛ e daa malga fanɛ, bekama nɛ baa shuŋ mo daga b bɔla mbe kecheembiya so n sa mo bunyaŋ. Mo alɛ beeŋ shin nɛ mbe kemaŋkura a dii efuli ashi mbe basa to nɛ b bunyaŋ mo.” Ama Ɛɛrɔn daa maŋ kaŋɛ shɛŋ.

Levitikɔs 11:43

Men sa maŋ kaŋ we amo be kekama n ta eyurpi m pɛ menyi be amu.

Levitikɔs 18:2

e kaŋɛ Israɛl be basa le: “Ma e la Enyɛnpe, men be Ebɔrɛ na.

Levitikɔs 19:10

Men sa maŋ bɛta n yɔ menyi be asɔrso be adɔ to n naŋ ya chuge asɔrso nɛ men maŋ wu n chuge ŋko n ya tise amo nɛ amo gbagba tɔr to na. Men yige amo n sa betirpo nɛ befɔ. Ma e la Enyɛnpe, men be Ebɔrɛ na.

Levitikɔs 19:2

e kaŋɛ Israɛlebi na le: “Men baa du cheembi, ŋkpal manɛ so, ma Enyɛnpe, men be Ebɔrɛ na du cheembi nna.

Levitikɔs 19:3

Men be ekama daga e sa mo nio nɛ mo tuto bunyaŋ, nseŋ ta Kewushiachɛ na kachɛ cheembi fanɛ kananɛ n yili n sa menyi na. Ma e la Enyɛnpe menyi be Ebɔrɛ na.

Levitikɔs 19:4

Men sa maŋ kaŋ kplaŋ ma so n ya shuŋ agbir. Men sa maŋ ta abɛlso ŋko kusɔ kama n wora kapɔrduli be yiri kikɛ ŋ ki agbir a shuŋ kumo. Ma e la Enyɛnpe, men be Ebɔrɛ na.

Levitikɔs 20:26

Men baa du cheembi nsaa la n nawule be basa, ŋkpal manɛ so, ma, Enyɛnpe Ebɔrɛ na du cheembi nna. Ma alɛ e lara menyi n yili nɛ men baa kɔr efuli pɔtɛana be basa to, saŋɛ na so menyeeŋ baa la ma nawule peya.

Levitikɔs 20:7

Men lara menyi be amu n yili a du cheembi n sa ma, ŋkpal manɛ so, ma e la Enyɛnpe, men be Ebɔrɛ na.

Levitikɔs 21:8

A daga basa na ka wu bɔrɛmatapo na fanɛ esa cheembi, ŋkpal e kaa bee ta ayu be sargajibi m ba kaa sa ma so. Ma e la Enyɛnpe Ebɔrɛ na. N du cheembi nna, ma alɛ bee sha fanɛ ma basa e baa du cheembi nna.

Eemɔs 3:3

Fo daŋ wu basa anyɔ ka bee sha k tu abar n yɔ kade nɛ b maŋ kaŋɛ abar n yili a?

Nɔmbɛs 15:40

Aloŋ nɛ menyeeŋ nyiŋi ma mbraana nsaa bɛ amo so nseŋ lara alubi menyi be ŋgbene to a shuŋ ma nɛnɛ.

Matiu 5:48

A daga fanɛ menyi ere e baa du cheembi fanɛ kananɛ men Tuto Ebɔrɛ nɛ e wɔ ebɔrɛso na du na.

Ditɛronɔmi 14:2

Menyi ere la basa nɛ Enyɛnpe menyi be Ebɔrɛ na lara nna nɛ men baa la mo gbagba be basa ashi edimɛdi nɛ b wɔ durnya kikɛ to.

1 Tɛsalɔnikaebi 4:7

Ebɔrɛ maŋ tre anyi nna nɛ an ba kaa wɔ amɔmɔshiasheŋ to, e tre anyi nna nɛ an ba kaa wɔ kebaawɔtɔ cheembi to.

Joshuwa 24:19

Ndoŋ nna nɛ Joshuwa kaŋɛ basa na le: “Ashere menyi maaŋ tiŋ n shuŋ Enyɛnpe Ebɔrɛ na. E la Ebɔrɛ cheembi nna. Mo alɛ maaŋ ta menyi be alubi m paŋ menyi, ŋkpal manɛ so, e maa sha kechamana be asheŋ.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.

Kelaraŋŋini 22:11

Esa kama nɛ e bee wora alubi e baa kraa wora amo, ekama malɛ nɛ e kɔ eyurpi mo to e baa kraa du loŋ. Ekama nɛ e bee wora alela e baa kraa wora alela na nɛ ekama malɛ nɛ e du cheembi e baa kraa du cheembi loŋ.”

1 Samuɛl 2:2

Ebɔrɛ kikɛ maŋ wɔtɔ a du cheembi fanɛ fo Enyɛnpe na; Esa kama maŋ du fanɛ fo. Fo an be Ebɔrɛ du fanɛ kebee nna a kuŋ anyi.

1 Samuɛl 6:20

Ndoŋ nna nɛ Bɛf Shimɛsh be benyɛn na bishi abar le: “Wanɛ e naŋ tiŋ n yili Enyɛnpe Ebɔrɛ cheembi ere be anishito n ji efute? K daga fanɛ an lara ŋkre be deka ere nfe, ama nnɛ nɛ anyeeŋ yɛr kumo?”