Levitikɔs 11:40 - EBƆRƐ BE KAWƆL

⁴⁰ Esa kama nɛ e we kusɔbɔya na be eblaŋ daga e fɔr mbe asɔbuuso, ama e beeŋ kraa wɔ eyurpi to hale nɛ kaase e ya fo. Esa kama malɛ nɛ e sulɔ loŋ be kusɔbɔya gba daga kefɔr mbe asɔbuuso, ama mo alɛ kraa beeŋ baa wɔ eyurpi to hale nɛ kaase e ya fo.

Levitikɔs 11:40 ပူးပေါင်းရင်းမြစ်များ

Ɛksodɔs 22:31

Men la ma basa cheembi nna, amoso men sa maa ji eblaŋ nɛ kupuŋ to be asɔbɔya jiŋka. Men baa ta amo a lɛ njɔnɔ.

Aizaaya 1:16

Men fɔr menyi be eyurana so n nyalɛ so nseŋ yige asheŋ lubi nɛ mee wu menyi kaa bee wora na. Kashenteŋto, men yige alubi be kewora

Ezikɛl 36:25

Nɛ kebaadu fanɛ ŋ ka wora nchu lela ŋ ŋmenyaŋ menyi so nɛ men nyalɛ so ashi kagbirshuŋ nɛ kusɔ kama nɛ k shin nɛ men wora eyurpi na to.

Ezikɛl 4:14

Nɛ ma alɛ kaŋɛ Enyɛnpetale Ebɔrɛ le: “Loŋ maaŋ wora, ŋkpal manɛ so, m maŋ naŋ ji ma ekishi n jija ma kumu kikɛ. Yili ma kebia to kikɛ, m maŋ naŋ ji kusɔ wuso ŋko kusɔ nɛ kusɔbɔya pɛ n ji ŋ ka kikɛ. Ajibi nɛ a maŋ walɛ so maŋ naŋ luri ma kɔnɔ kikɛ.”

Ezikɛl 44:31

Bɔrɛmatapoana maŋ daga fanɛ b ji kusɔbɔya ŋko kabuibi nɛ k wu kpi ŋko kumo nɛ kusɔbɔya pɔtɛ mɔ n ji ŋ ka be eblaŋ.”

Levitikɔs 11:39

Nɛ asɔbɔya nɛ menyeeŋ tiŋ n ji na gba be kekama wu kpi nɛ esa beta kumo, esa na beeŋ wora eyurpi hale nɛ kaase e ya fo.

Levitikɔs 14:46

Esa kama nɛ e beeŋ luri laŋ na to jemanɛ nɛ b ti kumo so n yili na maaŋ baa walɛ so hale n ya fo kaaseso.

Levitikɔs 15:15

Bɔrɛmatapo na beeŋ ta ekoŋwule n lara kulubi be sarga nseŋ ta kumo nɛ k ka na n lara sarga chɔɔso. Kananɛ e beeŋ wora enyɛn nɛ e nya alenfia na be kenyalɛso be kesheŋ wora nna na.

Levitikɔs 15:27

Esa kama nɛ e beta kusɔ deseso ŋko kusɔ chenaso na gba wora eyurpi nseŋ daga fanɛ e fɔr mbe asɔbuuso nseŋ bɛr nchu, ama mo alɛ kraa beeŋ baa wɔ eyurpi to n ya fo kaaseso.

Levitikɔs 16:26

Esa nɛ e keta kaboe na n ya lɛ kiyi to na daga fanɛ e fɔr mbe asɔbuuso nseŋ bɛr nchu nna pɔɛŋ nseŋ bɛta m ba keeyi na to.

Levitikɔs 16:28

Esa nɛ e beeŋ chɔɔ amo na daga fanɛ e fɔr mbe asɔbuuso nseŋ bɛr nchu pɔɛŋ nseŋ bɛta m ba keeyi na to.

Levitikɔs 22:6

Bɔrɛmatapo kama malɛ nɛ e wora eyurpi beeŋ baa wɔ eyurpi na to, hale n ya fo kaaseso. Mo alɛ maaŋ tiŋ n ji esarga cheembi na, ama e baŋ bɛr nchu nna pɔɛŋ.

Levitikɔs 22:8

Bɔrɛmatapo maŋ daga fanɛ e ji kusɔbɔya nɛ k wu kpi ŋko kusɔbɔya nɛ kupuŋ to be kusɔ pɛ. Ŋkpal manɛ so k beeŋ shin nɛ e wora eyurpi. Ma e la Enyɛnpe Ebɔrɛ na.

Zakareya 13:1

Nɛ Enyɛnpetale Ebɔrɛ naŋ kaŋɛ: “Jemanɛ ko bee ba nɛ kebuye ko e ba kaa bul nchu n fɔr ewura Deevid be kaman to ebi nɛ Jerusalɛm to be basa be alubi nɛ eyurpisheŋ kikɛ n lɛ.

Nɔmbɛs 19:19

Esa nɛ e walɛ so daŋkare be ekpa so na e naaŋ ta nchu na ŋ ŋmenyaŋ basa nɛ b wora eyurpi daŋkare be ekpa so na so kachɛ sasopo nɛ kushunusopo na. Loŋ be kachɛ shunusopo na, nɛ esa nɛ e maŋ walɛ so na e fɔr mbe epiŋi nseŋ bɛr pɔɛŋ n nyalɛ so kaaseso.

1 Kɔrintebi 10:21

Men maaŋ tiŋ n nuu asɔnuuso ashi Enyɛnpe be kawiebi na to nseŋ naŋ tiŋ n nuu alizinaana peya to. Men maaŋ tiŋ n nya kakpa n chena Enyɛnpe be ejikpa n ji nseŋ naŋ nya kakpa n chena alizinaana be ejikpa n ji.

1 Kɔrintebi 6:11

Loŋ nɛ menyi be beko daa du, ama naniere bre Ebɔrɛ fɔr menyi so ashi kulubi to nseŋ lara menyi nɛ men ki mbe basa. Men bɔla Enyɛnpe Yesu Kristo be ketre so nɛ an be Ebɔrɛ be Kiyoyu na so n ji n lar.

Ditɛronɔmi 14:21

Menyi ere la Enyɛnpe menyi be Ebɔrɛ na be basa nna, amoso men sa maŋ kaa ji kusɔbɔya kikɛ nɛ k wu kpi. Menyeeŋ tiŋ n shin nɛ befɔ nɛ b chena menyi to na bre e ji kumo, ŋko menyeeŋ tiŋ n fa kumo n sa befɔ pɔtɛ. Men sa maŋ kaa daŋɛ kubolpɔbi ŋko kaboebi be eblaŋ kumo nio be kenyipochu to kikɛ.

1 Jɔn 1:7

Ama nɛ fanɛ an baa na kefulto to fanɛ kananɛ e wɔ kefulto to na bre, kumo ere anyi nɛ an braana beeŋ baa kɔ kɔnɔkoŋwule be kebaawɔtɔ nɛ mo Pibinyɛn Yesu be ŋklaŋ nɛ a lar saŋɛ nɛ e wu na e baa fɔr kulubi kikɛ nyam ashi anyi be ŋgbene to.