Levitikɔs 11:29 - EBƆRƐ BE KAWƆL

^29-30 Asɔbɔya wurbi nɛ a bee nite ŋko a gbeye kikɛ to, amo nɛ a maŋ walɛ nsaa maŋ daga keji e la jɔɔni nɛ shiboe nɛ ebulomuti be yiri kikɛ nɛ ati be yiri kikɛ fanɛ ebutokiti nɛ etante nɛ ekɔɔde nɛ eslambulwe nɛ edekarka.

Levitikɔs 11:29 ပူးပေါင်းရင်းမြစ်များ

Jɛnesis 1:20

Kede be kaman nɛ Ebɔrɛ naŋ kaŋɛ: “Shin nɛ asɔ futeso be yiri yiri e sɔ nchuana na to nseŋ shin nɛ mbuibiana malɛ e sɔ esoso a firgi.”

Nshɛ 10:3

Belubiworapo bee ji njɔŋ nna ŋkpal bumo be aparsheŋ lubi so. Nɛ kejimuniwuraana malɛ kishi fo nsaa shoduu fo.

Aŋasa 30:28

Ketigbolu maŋ la shɛŋ kumo alɛ bee nya ekpa a luri ewurkpa.

Aizaaya 66:17

Menyi to be beko bee bela ase nna a yɔ adɔbi to n ya kaa shuŋ efuli pɔtɛana so be agbir cheso. Menyi alɛ bee ji epreku nɛ eshiboe nɛ asɔ damta nɛ a la ekishi n sa menyi na nna. Ma, Enyɛnpe Ebɔrɛ na beeŋ mur menyi ŋkpal loŋ so.

Heegai 2:6

K maaŋ chɛr, meeŋ naŋ gbuŋgbuŋ ebɔrɛso nɛ kasawule so nɛ teku nɛ kasawule wɔlso kikɛ.

Luuk 12:15

Kamalga ere be kaman nɛ e kaŋɛ basa na kikɛ: “Men baa da so nsaa gelge kejimuni be yiri kikɛ, ŋkpal manɛ so, esa baa kɔ asɔ kanaŋkamaso gba, mbe ŋkpa bre maŋ la mo peya.”

Luuk 16:14

Efarisiana na ka daa sha amansherbi ga so, b ka nu asheŋ na kikɛ nɛ b wora mo eyurto.

Baru lela nɛ Jɔn kute na 6:26

Nɛ Yesu kaŋɛ bumo le: “Ma e kaŋɛ menyi kashenteŋto na fanɛ, mannɛ emamachisheŋ nɛ men wu na so nɛ menyee fin ma, ama men ka we ebodobodo na ŋ kukwe kananɛ menyee sha na so e shin nɛ menyee fin ma na.

Baru lela nɛ Jɔn kute na 6:66

Baŋ yili kumo be jemanɛ na so a yɔ nɛ mbe bebɛsopo na be bedamta lar mo kaman m bɛ mo so ŋ gben.

Ɛfesesebi 4:14

Saŋɛ na so an maaŋ naa du fanɛ mbia nɛ basa e baa ta efɛ be keŋini be yiri kikɛ a kɔ a kpata anyi a lɛ a yɔ a ba fanɛ afu ka shin nɛ nchu koso a baga to na. Basa nɛ baa wora loŋ na wɔtɔ nna a kɔ bumo gbagba be efɛ be kanyiasheŋ a shin nɛ basa bee foe ekpa.

Filipaiebi 3:19

Bumo be ekar la kemur nna, ŋkpal manɛ so, bumo be epunana e la bumo be Ebɔrɛ nɛ bumo be kemaŋkura malɛ la anishinyɔr be asɔ. Kashenteŋto, bumo be ŋgbene kikɛ wɔ durnya ere to be asɔ to nna.

Kɔlɔsiebi 3:5

Amoso, men yige men be kebaawɔtɔ dra nɛ kumo be asheŋ lubi na, men yige kacheji kpalakpala nɛ kubojuaji nɛ asheŋ jiga nɛ kayɛlga fuloŋ, men sa maa yɛlga alubi, men yige kejimuni. Kejimuni du fanɛ kagbirshuŋ nna.

Hibruwebi 13:5

Men lara menyi be ŋgbeneana ashi kemansherbisha to nseŋ shin nɛ asɔ nɛ men kɔ na e baa kukwe menyi, ŋkpal manɛ so, Ebɔrɛ kaŋɛ fanɛ: “M maaŋ yige menyi kikɛ, ma alɛ maaŋ kplaŋ menyi so kikɛ.”