Levitikɔs 11:24 - EBƆRƐ BE KAWƆL

^24-28 Esa kama nɛ e beta asɔbɔya ere be kekama be kuwuso maaŋ baa walɛ so hale nɛ epeŋi e ya tɔr. Asɔbɔya na a la amo nɛ a kɔ alotobi nɛ a maŋ barga to nɛ amo alɛ maa gbu a pla nɛ asɔbɔya kikɛ nɛ a kɔ akuti. Esa kama nɛ e sulɔ asɔbɔya ere be kekama be kuwuso daga e fɔr mbe asɔbuuso, ama e kraa beeŋ baa wɔ eyurpi to n ya fo kaaseso.

Levitikɔs 11:24 ပူးပေါင်းရင်းမြစ်များ

Aizaaya 22:14

Ndoŋ nna nɛ Enyɛnpetale Ebɔrɛ na gbagba bɔ ntaŋ ŋ kaŋɛ ma le: “B maaŋ nya kulubi nɛ b wora ere be ketampaŋ ashi bumo be ŋkpa kikɛ to. Ma, Enyɛnpetale Ewurbɔrɛ na e kaŋɛ na.”

Levitikɔs 11:23

Ama asɔwurbi kama nɛ a kɔ atɛ nseŋ naa gbeye kasawule so maŋ walɛ, a la ekishi nna n sa menyi.

Levitikɔs 11:31

Esa kama nɛ e beeŋ beta amo be kekama be kekeniso ŋko kuwuso beeŋ baa wɔ eyurpi to hale nɛ epeŋi e ya tɔr.

Levitikɔs 11:8

A maŋ daga men ka ji le be asɔbɔya ere ŋko m beta amo be kuwuso gba. Ŋkpal manɛ so, a la asɔbɔya nɛ a maŋ walɛ nna.

Levitikɔs 14:46

Esa kama nɛ e beeŋ luri laŋ na to jemanɛ nɛ b ti kumo so n yili na maaŋ baa walɛ so hale n ya fo kaaseso.

Levitikɔs 15:10

Esa kama nɛ e beta kusɔ kama nɛ e chena so beeŋ baa wɔ eyurpi to n ya fo kaaseso. Esa kama malɛ nɛ e sulɔ kusɔ kama nɛ e chena so daga fanɛ e fɔr mbe asɔbuuso nseŋ bɛr nchu, ama mo alɛ kraa beeŋ baa wɔ eyurpi to n ya fo kaaseso.

Levitikɔs 15:11

Nɛ esa nɛ mbe kenyɛnsɔ bee lar nchu na maŋ fɔr enɔ nseŋ beta esa, a daga esa nɛ e beta na ka fɔr mbe asɔbuuso nseŋ bɛr nchu, ama mo alɛ kraa beeŋ baa wɔ eyurpi to n ya fo kaaseso.

Levitikɔs 15:15

Bɔrɛmatapo na beeŋ ta ekoŋwule n lara kulubi be sarga nseŋ ta kumo nɛ k ka na n lara sarga chɔɔso. Kananɛ e beeŋ wora enyɛn nɛ e nya alenfia na be kenyalɛso be kesheŋ wora nna na.

Levitikɔs 15:21

Esa kama nɛ e beta mbe kusɔ deseso ŋko kusɔ chenaso nɛ e dese so ŋko n chena so daga fanɛ e fɔr mbe asɔbuuso nseŋ bɛr nchu, ama mo alɛ kraa beeŋ baa wɔ eyurpi to n ya fo kaaseso.

Levitikɔs 15:27

Esa kama nɛ e beta kusɔ deseso ŋko kusɔ chenaso na gba wora eyurpi nseŋ daga fanɛ e fɔr mbe asɔbuuso nseŋ bɛr nchu, ama mo alɛ kraa beeŋ baa wɔ eyurpi to n ya fo kaaseso.

Levitikɔs 15:5

Esa kama malɛ nɛ e beta mbe kusɔ deseso daga e fɔr mbe asɔbuuso nseŋ m bɛr nchu. Mo alɛ kraa beeŋ baa wɔ eyurpi to hale n ya fo kaaseso.

Levitikɔs 15:6

Esa kama malɛ nɛ e chena kakpa nɛ enyɛn na chena gba daga fanɛ e fɔr mbe asɔbuuso nseŋ bɛr nchu, ama mo alɛ kraa beeŋ baa wɔ eyurpi to n ya fo kaaseso.

Levitikɔs 15:7

Esa kama malɛ nɛ e beta kanyɛn na daga fanɛ e fɔr mbe asɔbuuso nseŋ bɛr nchu, ama mo alɛ kraa beeŋ baa wɔ eyurpi to n ya fo kaaseso.

Levitikɔs 15:8

Loŋ be esa baaŋ tu echɔl n lɛ esa nɛ e walɛso so, amodoŋwura daga fanɛ e fɔr mbe asɔbuuso nseŋ bɛr nchu, ama mo alɛ kraa beeŋ baa wɔ eyurpi to n ya fo kaaseso.

Levitikɔs 16:26

Esa nɛ e keta kaboe na n ya lɛ kiyi to na daga fanɛ e fɔr mbe asɔbuuso nseŋ bɛr nchu nna pɔɛŋ nseŋ bɛta m ba keeyi na to.

Levitikɔs 16:28

Esa nɛ e beeŋ chɔɔ amo na daga fanɛ e fɔr mbe asɔbuuso nseŋ bɛr nchu pɔɛŋ nseŋ bɛta m ba keeyi na to.

Levitikɔs 22:4

Ɛɛrɔn be kaman be esa kama nɛ e kɔ achuu nɛ e bee lar nchu ŋko nɛ nchu bee lar mbe kenyɛnsɔ to maŋ daga keji esarga cheembi na, ama e nyalɛ so daŋkare be ekpa so nna pɔɛŋ. Bɔrɛmatapo kama nɛ e beta kusɔ kama nɛ k maŋ walɛ so ŋko n luri ebuni so ŋko mbe kenyɛnsɔ bee lar nchu

Levitikɔs 22:5

ŋko m beta kusɔbɔya ŋko dimɛdi nɛ e maŋ walɛ so, wora eyurpi nna na.

Levitikɔs 22:6

Bɔrɛmatapo kama malɛ nɛ e wora eyurpi beeŋ baa wɔ eyurpi na to, hale n ya fo kaaseso. Mo alɛ maaŋ tiŋ n ji esarga cheembi na, ama e baŋ bɛr nchu nna pɔɛŋ.

Levitikɔs 5:2

Nɛ esa maŋ kute m beta kusɔbɔya wuso ŋko kusɔ ko nɛ k maŋ walɛ so daŋkare be ekpa so gba, amodoŋwura wora eyurpi nseŋ wora n da so nna na.

Levitikɔs 7:21

Nɛ esa beta dimɛdi ŋko kusɔbɔya nɛ k maŋ walɛ so daŋkare be ekpa so nseŋ ji kɔnɔkoŋwule be sarga nɛ k la Enyɛnpe Ebɔrɛ na peya, amodoŋwura maŋ naŋ ti Ebɔrɛ be basa so.

Nɔmbɛs 19:7

Kumo be kaman nɛ bɔrɛmatapo na e ya fɔr mbe epiŋi nseŋ bɛr pɔɛŋ m bɛta m ba keeyi na to. Ama e maaŋ baa walɛ so daŋkare be ekpa so hale n ya fo kaaseso.

1 Kɔrintebi 15:33

Men sa maŋ kaŋ fule men be amu. Beteri lubi e naa jija da lela.

2 Kɔrintebi 6:17

Amoso ma, Enyɛnpe na e naa yɛ menyi na fanɛ men lara men be amu ashi bumo to a kɔr to. Men sa maŋ kaa beta kusɔ kama nɛ k kɔ eyurpi nɛ n sɔ menyi.

Ɛfesesebi 5:11

Men shin nɛ men be asheŋ e sa maa wɔ tentembiri be chilchil be asheŋ woraso to, ama men baa lara loŋ be asheŋ na efuli.

Kɔlɔsiebi 2:20

Ŋkpal menyi nɛ Yesu Kristo ka wu nɛ men maŋ naa tuge durnya ere to be edaŋkaresheŋ be keŋini na so, men sa maŋ naa tuge basa be amu to be mbraana fanɛ men ka kraa wɔ men be kebaawɔtɔ dra na to na.

Hibruwebi 9:26

Nɛ mannɛ aloŋ nna e daa beeŋ yili kasɔto be jemanɛ na kikɛ n ji tɔrɔ ale damta loŋ m ba fo kabre. Ama kumo alɛ, kela koŋwule pati nɛ e lar efuli so saŋɛ nɛ jemanɛ kama to be ekar beeŋ fo na nseŋ ta mo gbagba be kumu n lara sarga nɛ k kpra alubi ashi basa kikɛ so.

1 Jɔn 1:7

Ama nɛ fanɛ an baa na kefulto to fanɛ kananɛ e wɔ kefulto to na bre, kumo ere anyi nɛ an braana beeŋ baa kɔ kɔnɔkoŋwule be kebaawɔtɔ nɛ mo Pibinyɛn Yesu be ŋklaŋ nɛ a lar saŋɛ nɛ e wu na e baa fɔr kulubi kikɛ nyam ashi anyi be ŋgbene to.